JOSHUA 23:3 - SHEEYU BAIBEL (BSI)

³ Alia Ramai Mapao nou neletao ye donou kabüa tyahrü kukhe maitao hi souyu vahtao hai neletao nou ngaore; nele Ramai Mapao nou neletao ye donou reih züpeia baie.

JOSHUA 23:3 Iomraidhean Croise

TAPALOUYU 14:14

Mapao nou neletaoye donou reih züpeilai, neletao nou halia soure vah hae.”

TAPALOUYU 19:4

‘Enou Ejipt mai hi soupeiyu vahtao sü neletao nou ngaore, ae Enou neletaoye tei hi leche nou toutuye shouh hinou satayu büa neletaoye ahi save peie.

EZEKIEL 20:28

Enou puletao hi peilai tea paohpei khaitouyu teidei hisü puletaoye save thoupeie. Puletao nou kuyu deichitao ae süübe duyu khesü ngaolouyu phaki, neletao nou sütao hi posheela khesü peire. Puletao nou meidei-a posheela peiyu ae thoudzü vei posheela peiyu sünou avei lekha rarou soupa peie.

MALAKAI 1:5

Haihai ne nghithou vuzünou ngaolai ae nenou “Israel mai teidei jünou la-a Mapao hai khouko bue,” teanou paolai.

PAODAKHAIYU CHIKHA 1:30

Neletao Ramai Mapao nou neletaoye süthai sa-a tapeilai, alia puhnou Ejipt hinou souyu vah neletao nou ngaoyu büa neletaoye donou puhnou reih soupeilai,

PAODAKHAIYU CHIKHA 20:4

Daiolouzü neletaoye reih kolouyu peire donou neletao vei Ramai Mapao nou neletaoye koa takou neletao vei ngaoba maiye reih züpeilai.’

PAODAKHAIYU CHIKHA 4:9

Neletao nghithou nou ngaoyu teitei sü ngaimore donou ae neletao hribusa sütaosü panou neletao tsüle hi buloure donou soutaosoua chüteilo ae leikeilo. Sütaosü neletao nahmai ae tyaomaitao hi-a paodai khaipei-a panou sülo.

PAODAKHAIYU CHIKHA 7:17

“Tyahrü haitao hai Etao jünou mai pou hie alia puletaoye sü Etao nou hulai louhoe tea tsüa chokhai touso.

PAODAKHAIYU CHIKHA 7:24

Puhnou vemai khesü neletao bah hi thoupeilai, sübüa neletao nou puletao zhih sü raki khenou souhawulai. Neletao nou puletaoye souhakhai loumo koute, mai taralinoua neletaoye nulou laimoe.

JOSHUA 10:14

Mapao nou deiphao mai chi züyu hai daohdaonou chukoute haibüyu teithe ali-a ngao mohie; süzhou daisounoue toulouzü Mapao nou Israel mai ye donou reih soupeiyu donoue.

JOSHUA 10:42

Joshua nou nuh sütao vei vemai hrülai alia puletao vei teidei teitei hai bahkha ali soua poloue, puhle Ramai Mapao nou puletao ye donou reih soupeiyu vanou, Israel mainou veiloua baie.

JOSHUA 23:10

Neletao mai ali nou mai thethe yesü hulai louwe, süsü Ramai Mapao nou neletao hi paokhai touyu thaifüa puhnou neletao ye donou reih soupeia baie.