JOSHUA 23:16 - SHEEYU BAIBEL (BSI)

¹⁶ Neletao nou Ramai Mapao ye koa Vo soukhai touyu zümoa rah kukheye thotalouzü, Mapao vei lekha-rarou nasü neletao pei hi velai, alia neletao ye peikhai touyu teidei nahinou thashoa neletao nou ha-a kata bailai.”

JOSHUA 23:16 Iomraidhean Croise

1 VEMAITO 14:15

Mapao nou Israel maiye sü tudee peilai, ae puhye sü rei hi poube buyu ali büa pfüa nghoupeilai. Puhnou Israel maiye puletao vei puopao maitao hi peikhai touyu teidei aveih hinou souhawulai, ae Euphratis Rei jünou la-a sourarou laiwulai, daiolouzü puletao nou Asherah rahpfüpai zhurai souloua thoyu donou avei lekha soupa peiwure.

1 VEMAITO 9:6

Ana ne moa nevei nahmaitao nou athaifü molouzü, ae Enou peikhai touyu chikhatao ae kharochi khesü zümore toulouzü, alia rah kukheye thota louzü,

1 VEMAITO 9:7

süthaisü Enou peikhai touyu teidei hinou avei Israel maiye sü souhawulai. Eye thore donou soushee khaitouyu Rathoki na-a Enou thaokhaiwua bailai. Deiphao mai hrülai nou Israel maiye sü konüa bailai, ae ngaophou moa bailai.

2 VEMAITO 17:7

Samaria hai kaodu tare, daiolouzü Israel mainou puletao vei Ramai Mapao, puletaoye Ejipt vei veo bah hinou vupa peia Ejipt teidei hinou sapa peiyu puhvei nghingao hinou mah khesü souwure. Puletao nou rah kukheye thotare,

2 VEMAITO 24:20

Mapao nou Jerusalem ae Judah teidei hinou hrüyu maitao hi rarou leloua puletaoye sü puhvei nghingao hinou souhawure.

ISAIAH 24:5

Deiphao hi hrüa buyu maikhe mainou souzhaiwure, daiolouzü puletao nou chikha khesü pfüthore alia kharochi khesü züpei more, teisa donou vo soukhai touyu nasü soukho laiwure.

JEREMIAH 32:23

Ana puletao nou talou teidei nasü polouyu thai, puletao nou nevei chikha khesü zübare, moyuma nenou paodou peiyu thaifüa hrümore; nenou soupfülo tea kharochi peiyu alia puletao nou soupfülou more. Südonou nenou veahoyu haitao veishi sü puletao hi pove peie.

JEREMIAH 32:24

“Babilon mainou nuhdu hai nasü poloure donou pehao veishi hinou reih huloure donou souda-a kholoure. Soureih, tokaayu ae sounou ashi sünou nuhdu hai nasü puletao vei bah hi thoupeiwulai. Nenou paopei khaitouyu teitei sü cheche-a vepayu hai nenou ngaolai.

MAIPEI PHOUYU 33:56

Hakinou neletao nou puletaoye hulai loumo louzü, Enou puletaoye souhare donou tsüchoda khaitouyu nasü neletaoye nou souha-a bailai.”

PAODAKHAIYU CHIKHA 17:3

alia Enou paoyu bümoa, rah kukhe tho-a pei pfüa nakou khurü louzü, moa teinghei hi moa khouh hi moa teivuhye thota louzü,

PAODAKHAIYU CHIKHA 28:15

“Ana neletao nou neletao Ramai Mapao chi zümore toulouzü alia zhou Enou neletao hi pei-a buyu chikha alia kharochi haitao hai soutaosou fütoulou more toulouzü, chaa haitao hai neletao pei hi velai alia neletao hai chaa khenou bulai.

PAODAKHAIYU CHIKHA 6:15

Neletao nou rah kukhe liye thota louzü, Mapao vei lekha rarou sünou mei büa neletaoye sü dei hakhai bailai, daiolouzü neletaoye koa buyu Ramai Mapao hai Ramai kukhe liye koa shamea buzhai moe.

CHIKUAPEI MAITAO 2:14

Südonou Israel mai hisü Mapao nou rarou loua maivei saotou saosoyu maiye panou puletao vei kini khesü saoloure. Ae puhnou puletao pehao hinou hrüyu ngaobamai bah hisü zhothou peire, südonou puletao hai puletaoye ngaobamai nghoujü hinou lalou hore.

CHIKUAPEI MAITAO 2:20

Südonou Mapao nou Israel mai pei hi raroua haibüa paoe, “Enou puletao puopaoh hi vo soukhai touyu nasü mai haitao nou züba-a souphewure. Puletao nou achi zübayu vanou

1 SAMUEL 12:25

Ana neletao nou mahmo sü soupu khaikhai-a bulouzü, puhnou neletao ae neletao vei veo ye sü souha bailai.”