JOSHUA 23:14 - SHEEYU BAIBEL (BSI)

¹⁴ “Chuo E deiphao thaowua talai teile sü vere, alia neletao mai hrülai nou süwe, daiolouzü neletao Ramai Mapao nou paokhai touyu taohai teitei nou neletao hi soupeie, souche moyu ali-a hare.

JOSHUA 23:14 Iomraidhean Croise

SHURAI 47:29

Jakob nou thaire nghikouyu phaki, puhnou puh nahpoutu Josef ye kuloua paoe, “Nenou Eye leshiwe toulouzü, alia cheche-a ae paochi züa soupeilai toulouzü adeke kohi ne bah thaithou loua Eye Ejipt hi vuhlai moe tea chaachou soupeio.

1 VEMAITO 2:2

“E thaitare teile sü vere. Khouchilo ae khuveilo,

1 VEMAITO 8:56

“Mapao ye paosholo, puhvei chipao thaifüa puhvei maitaoye kaonayu sü peie. Puhnou puhvei kilai Moses hi paokhai touyu veishi sü souche peie.

JOB VEI LARÜBVÜ 30:23

Nenou Eye sa-a athai hilao tawe touyu E süloure, buh tainasü mai hrülaiye donou tudayu bue.

TAPALOUYU 3:8

Südonou chuo Enou puletaoye Ejipt mai bah hinou vupa loure donou vere, alia puletaoye sü teidei aveih, chonaodzü ae laivoudzü nou küa buyu teidei hi, chuchu Kanaan mai, Hit mai, Amor mai, Periz mai, Hiv mai ae Jebus mainou hrüa buyu teidei hisü save thoupeilai.

KOPAODOUWO 12:5

aku buhtaoye pitamo jünou, alia ngaopiyu nou ludu hi bumo jünou; khuhshibe nou pahpa mojünou, alia khahzü nou chopa mojünou ae jüpa hatamo jünou; daiolouzü mai hai teisa puletao vei ki hi veta bailai, alia dongai pfüyu mainou jüdu hinou talai.

KOPAODOUWO 9:10

Nenou soua buyu vah sü eihtea soukhaio; daiolouzü nenou talaiyu rabedushao hio vah lia hae, moa tsüchoyu, moa tsüsüyu, ae tsüveiyu-a hae.

EZEKIEL 20:28

Enou puletao hi peilai tea paohpei khaitouyu teidei hisü puletaoye save thoupeie. Puletao nou kuyu deichitao ae süübe duyu khesü ngaolouyu phaki, neletao nou sütao hi posheela khesü peire. Puletao nou meidei-a posheela peiyu ae thoudzü vei posheela peiyu sünou avei lekha rarou soupa peie.

MAIPEI PHOUYU 23:19

Ramai hai mai büa da-a moe; ae mai büa puhvei tsüle hai da chamoe. Puhnou paokhai touyu thaifüa puh hai soua baiwe, ae puhnou chi paokhai touyu nasü vete-a baiwe.

LUK NOU RÜYU KO AVEIBVÜ 21:33

Raki alia deiphao hatalai, ana Achipaotao louzü hatakhai laimoe.

EBRIAMAI 9:27

Emai hrülaisü vuhli thaivu zülai, alia süthaisü chikuyu süvelai.

1 SAMUEL 3:19

Samuel nou dusho payu phaki, Mapao nou puhye koa salai peie, ae puhnou paoyu teitei sü panou cheche-a vepakhai toupeie.