JOSHUA 22:5 - SHEEYU BAIBEL (BSI)

⁵ Mapao kilai Moses nou neletao hi kharochi peikhai touyu taosü zütoulo: Ne Mapao Ramai ye leshilo, puh jüpa soulo, puh vei kharochi zülo, alia nevei hrümai teitei nou peia nou puh vah sü soukhaio.”

JOSHUA 22:5 Iomraidhean Croise

LOUTAO 106:3

Puhvei chikha khesü züa laiyu maitao ae teisa nou kaozü nasü soua buyu maitao hai savayu maitaore.

LOUTAO 78:7

Haibüa nou souyu hai puletaoye panou Ramai ye lülouche loua puhnou soupeikhai touyu vah haso khesü panou ngaimore donoue, ae puhvei chikhatao hai zü loure donoue.

TAPALOUYU 15:26

Puhnou paoe, “Neletao nou soutaosou neletao Ramai Mapao chi zülouzü, ae avei nghingao hinou kaozüyu vah soulouzü, ae avei chikha khesü zülouzü, Enou Ejipt mai hi seiveyu rahta nasü panou neletao hi velai moe, daiolouzü E hai sounou souvei apeio Mapao nasüe.”

TAPALOUYU 20:6

Ana Eye leshiyu mai alia avei chikhatao hinou tayu mai hisü khaphao thethe koute avei leshi zhuveayu nasü ngaopeiwe.

TAPALOUYU 23:13

“Ramai Mapao, Enou, neletao hi paopeikhai touyu teitei sü soutaosou zülo. Rah kukheye thokhai touso, alia puletao zhih sü neletao mü hinou pa sapa khaitouso.

TAPALOUYU 23:25

Neletao Ramai Mapao Eye neletao nou tho louzü, Enou neletaoye sü thoudzü veishoa ha peilai, alia neletao hinou sounou khesü polai peilai.

TSÜCHITAO 4:23

Nevei tsüle hai tsüreia khailo, daiolouzü sühinou ahri dzünghou küpawe.

ISAIAH 55:2

Daisounou neletao hai toulou shiyu touso hinou pousha souhawe? Ae rukha moyu vah haso hinou neletao daisounou hazho dowe? Enou paoyu sü keilo, ae sübüa neletao nou vah soulouzü neletao hai sava-a nou touso veih kayu tyanou toua bulai.

JEREMIAH 12:16

Hakinou puletao mai hrülai nou avei maitao nou hrüa tayu ludu nasü phoua ta louzü, ae Baal zhih hinou chaachou soulo tea doupeia buyuma azhih hinou haibüa ‘Mapao sü hriyu thaifüa,’ tea chaachou soulouzü— puletaoye sü Avei mai hrohinou soudu sousopa peilai.

MATHIU 22:37

Jisu nou puh hi chila peie, “‘Nenou Mapao ne Ramaiye nele teiteinou, ne rako teiteinou, alia netsü teiteinou leshilai,’

MATHIU 4:10

Süthaisü Jisu nou chila peie, “Tawo, Saitan! daiolouzü haibüa rüthoure, ‘Nenou ne Ramai Mapaoye khurülai ea puhye likheithe nenou kuvah soulai!’ ”

MATHIU 6:24

“Mailinoua paopu ahaivei qila soulouhoe; daiolouzü puhnou aliye ngaoralai ea kukhe aliye leshilai; moa puhnou alichi zülai ea kukhe alinaye ngaophou laimoe. Neletao nou Ramai ea pousha ahai vei kuvah soulouhoe.

LUK NOU RÜYU KO AVEIBVÜ 1:74

süolouzü Eletaoye Eletao vei ngaobamai bah hinou vupapei-a puh nghojü hinou halia piyu ha-a

JOHAN 12:26

Maita linou Akuvah soulouzü, puhnou Athai füvuzülai; alia Enou buyu buh hisü Akilai-a bulai; maitalinou Akuvah soulouzü, Apuonou puhye tsükhoulai.

JOHAN 14:15

“Neletao nou Eye leshi louzü, Achikha taosü neletao nou zülai.

SEI-ATAMAI VAHTAO 11:23

Puhnou tavekhaie Ramai vei zhuvea nasü ngaoloua puhsü lesasho loure; alia puletao le teiteinou cheche-a Mapao hinou tobai soumoa buloure donou puhnou puletao hrülaiye soutaosoua süpeie.

SEI-ATAMAI VAHTAO 27:23

Daiolouzü do kheikohi A Mapao soua ea Enou thoa buyu Ramai puhvei rakivamai alinou Ahi veloua,

ROMMAI 1:9

Enou puh Nahpoutu vei Ko Avei paodoua, Ale pfüphounou kuvah souyu Ramai puhnou kakua Enou neletaoye donou lichoa tobai soukhaimoa veachi pao-a busa touyu sü zhopaoh souwe:

ROMMAI 12:9

Leshi hisü veikho soukhai laimoe. Ashinaye sü ngaoralo, avei nasü potoulo.

ROMMAI 8:28

Eletao nou süwe süolouzü ha teitei hinou Ramaiye leshiyu puletaoye donou süolouzü puhvei leli thaifüa kulouyu puletao hisü Ramai nou avei donou vah soubaie.

PAODAKHAIYU CHIKHA 10:20

Neletao Ramai Mapao ye pi-a puh vah soulo. Puh hinou nghitei-a bulo alia puh zhih hinou neletao chaachou soua bailai.

PAODAKHAIYU CHIKHA 11:1

“Teisa nou nevei Ramai Mapao ye leshilo alia puh jüpa soulo, puh vei chikha alia kharochitao zülo.

PAODAKHAIYU CHIKHA 11:13

“Südonou neletao Ramai Mapao ye leshilo alia neletao tsüle, rako ae pfüchi veishi nou pothou puh kuvah soulo tea zhou Enou neletao hi peibuyu kharochi hai soutaosou zütou loure touyusho-o,

PAODAKHAIYU CHIKHA 11:22

“Zhou Enou neletao hi pei-a buyu kharochitao - neletao Ramai Mapao ye leshilo, puh vei ludu hinou talo alia puh hinou thaokhai moa nghitei bulo touyu tao hai soutaosoua zütou louyu thaio,

PAODAKHAIYU CHIKHA 13:4

Neletao nou thaifüyu puh sü neletao Ramai Mapao-e alia puhye pi-a tsükhoulo. Puh vei kharochi khesü khailo alia puh chi zülo; puh vah soulo alia puh hinou nghitei-a bulo.

PAODAKHAIYU CHIKHA 4:29

Süphaki neletao nou neletao Ramai Mapao sü phou talai, alia neletao nou tsüle teitei nou peia phou louzü, puhye ngaoloulai.

PAODAKHAIYU CHIKHA 4:4

ana zhou koute neletao Ramai Mapao ye lü loucheyu mai sü hria buhie.

PAODAKHAIYU CHIKHA 4:6

Chikha sütaosü zülo ae soulo; sükulouzü tyahrü kukhe mainou neletao hai ratsü ae kaozü süyu maitao-e tea ngaoloulai, alia puletao nou neletao vei chikhatao sülouyu phaki, ‘Neletao hai daizhou koute tsüveiyu ae kaozü süyu tyahrü maitaosa!’ tea nou paolai.

PAODAKHAIYU CHIKHA 4:9

Neletao nghithou nou ngaoyu teitei sü ngaimore donou ae neletao hribusa sütaosü panou neletao tsüle hi buloure donou soutaosoua chüteilo ae leikeilo. Sütaosü neletao nahmai ae tyaomaitao hi-a paodai khaipei-a panou sülo.

PAODAKHAIYU CHIKHA 5:10

Ana Eye leshiyu mai alia avei chikhatao hinou tayu mai hisü khaphao the-the koute avei leshi zhuveayu nasü ngaopeiwe.

PAODAKHAIYU CHIKHA 6:17

Puhnou neletao hi chikha peikha touyu teitei sü soutaosoua zükhai toulo.

EBRIAMAI 12:15

Ramai vei zhuvea hinou thaikhai talou more donou ea khataoyu matsülou loua paopa maiye soubvüa mai alaoye souzhaiwu more zhutoulo.

JEMS 1:12

Zhai zhuyu hi shamea louyu puhsü rako veie, daiolouzü puhnou zhai zhuyu süsü kolouyu kisü, Ramai nou puhye leshimaiye peilai tea apaokhai touyu ahri peirü nasü puhnou ngaolai.

JEMS 2:5

Leshiyu Athaihou jürai khemaitao keikhaio! Ramai nou deiphao hai navei toure hamaiye lü hinou panou hani loure donou ea puhye leshiyu maitao hi apaopei khaitouyu vedei vei kaalo nasü peire donou doloure.

JOSHUA 23:8

Ana neletao nou zhou koute puh hi buyu büa nou, Ramai Mapao ye tyatei-a bulo.

PONGAOPEIYU 15:3

alia puletao sü Ramai kilai Moses vei lou ea Zhaotu süna vei lousü soua bue: “Khoukhoulai Ramai Mapao, nevei vahtaosü daizhozhou dusa ea khupasa! Oh tahrüh khemaitaopei Veo, nevei ludutaosü daizhohou kaozüsa ea chechesa!

1 SAMUEL 12:20

Samuel nou chila peie, “Ngaopiso, neletao nou vah ashi alao soukhai touyuma, Mapao hinou tavai taso, ana neletao vei hrümai ae tsüle teitei nou peia puhvei kuvah sü soulo.

1 SAMUEL 12:24

Neletao vei tsüle ae hrümai teitei nou peia Mapao chi zülo, ae puhvei kuvah hai chilee cheche-a soulo. Puhnou neletaoye donou vah haso aduli soupei khaitouyu khesü licholo.

1 SAMUEL 7:3

Samuel nou Israel maitao hisü paoe, “Neletao vei tsüle teitei nou peia Mapao hi dakhai veloua vakou maivei rahtao, ae Ashtaroth vei basharatao sü thaokhai louzü, alia neletao vei hrü hai Mapao hi peithou khaiwua puhye likhei tho bailouzü, puhnou neletaoye Philistin mai bah hinou vupa peilai.”