JOSHUA 22:4 - SHEEYU BAIBEL (BSI)

⁴ Chuo neletao Mapao Ramai nou paohkhai touyu thaifüa neletao yesü panou kaona-a shoyu ngaoloulai. Südonou Mapao kilai Moses nou nele hi peikhai touyu Jordan dapolova teidei hisü taho bulo.

JOSHUA 22:4 Iomraidhean Croise

1 PUOPAOKO 22:18

Puhnou paoe, “Neletao Ramai Mapao nou neletaoye kozho-a salai peie, ae hateitei hinou kaonayu sü peie. Puhnou Eye teidei hai hinou hrüyu mai hrülai jünou kolouyu sü peie, ae puletao sü chuo neletao vei khakhe ae Mapao vei khakhe hinou bure.

TAPALOUYU 33:14

Mapao nou puh hi paoe, “Enou neye salai peilai, alia veilouyu ae kolouyu nasü Enou ne hi peilai.”

MAIPEI PHOUYU 32:18

Israel mai kukhetao nou füdei sü poloua füsho loumo koute hai Etao nou lah Etao vei füdei hai hisü dakhai velai moe.

PAODAKHAIYU CHIKHA 12:9

Daiolouzü neletao Ramai Mapao nou neletaoye panou shochao laiyu alia neletaoye panou kaona-a hrülaiyu buh hisü neletao hai vetelou mohie.

PAODAKHAIYU CHIKHA 29:8

Puletao vei teidei hai Etao nou poloue alia teidei sütao hai Reuben mai, Gad mai alia Manasseh mai dali taohi kaalo phasoua peire.

PAODAKHAIYU CHIKHA 3:20

Neletao hi Ramai Mapao nou teidei peikhai touyu büa Mapao nou neletao thaihou-jürai maitao hi peiyu Jordan rei thailova tachopa poloua füsho louyu thainou neletao hai lahvei füdei hisü dakhaive-a bailai.’

EBRIAMAI 4:8

Daiolouzü Ramai nou apaopei khaitouyu aso nasü Joshua nou puletao hi peire toulouzü, na-a Ramai nou teithe akuli vanou paopu khailai moe.

JOSHUA 1:15

Neletao Ramai Mapao nou peilai tea paohkhai touyu teidei nasü lou poloumo koute neletao tyahrü alia neye pa soyu peimosa puletaoye soukhalai-e. Süthainou neletao nou nemai vei dei nahisü dakhai talai alia Mapao vei kilai Moses nou neletao hi peiyu Jordan teinghi palo dei hisü neletao nou poloulai.”

JOSHUA 12:6

Vemai haitao vei teidei hai Moses alia Israel mainou reih soua poloue. Mapao kilai Moses nou teidei haitao hai Reuben mai, Gad mai, alia Manasseh maikhü dahli hi puletao vei zha soua peiwure.

JOSHUA 13:15

Moses nou Reuben maikhü ye puletao pfümounah thaifüa kaalo sü peie.

JOSHUA 13:8

Manasseh khü dahli ye koa Reuben alia Gad mai khü ye Mapao kilai Moses nou peiyu teidei taosü puletao nou ngaoloure, sühai Jordan teinghi palova nou bue.

JOSHUA 22:3

Neletao nou teile haizhou koute, nele thaihou-jürai maiye ngaipeimoe, ana lenou shoa Mapao Ramai nou paopeiyutaosü soutao shoa züa bue.