JOSHUA 22:33 - SHEEYU BAIBEL (BSI)

³³ Israel mainou puletao chipao sü chouloua leva shore, alia puletao nou Ramai ye paoshoe. Puletao chuo Reuben alia Gad maiye reih soure tsüchomore.

JOSHUA 22:33 Iomraidhean Croise

1 PUOPAOKO 29:20

Süthaisü David nou maisou hisü paoe, “Neletao Ramai Mapao sü paosho khaio!” Maisou nou puletao vei puopaoh Ramai Mapao sü paosho-e, ae puletao nou pei pfüa nakou Mapao sü tsükhou-e alia veo-a tsükhoua khurü peie.

TSÜCHITAO 25:25

Kadou kounou ko aveih chouyu haisü, rei shoyu phaki dzükao paili keyu bütoue.

DANIEL 2:19

Süthaisü khupa sülouho nasü süzhou khei Daniel vei zho hinou ve ngaopeie. Süthaisü Daniel nou rakibu Ramai ye paoshowe:

LUK NOU RÜYU KO AVEIBVÜ 2:28

Simeon nou nahtou Jisu ye sü daopoloua Ramaiye shoa paoe:

SEI-ATAMAI VAHTAO 15:12

Barnabas ea Paul nou Ramai nou kakua puhai vanou tahrüh kukhe maitao hrohinou shee tyali ea khupa vahtao sousa tea paongaoyu sü chouloua tsüme hi velouyu maikhemai hrülai sü lapaimo zheibaire.

SEI-ATAMAI VAHTAO 15:31

Alia puletao nou seiko nasü phoulouyu kisü, le souho peiyu chipao sütao chouloua puletao lesü sayu nou phouloure.

2 KORINTHMAI 7:7

Ehye le sousa peiyu hai puhnou velouyu vanou likhei baimoe, ana kazhaibüa neletao nou puhye le soudu peisa touyu vanou puhnou ve paongao peiyu süna donoue. Neletao nou daizhozhou Eye daonüsa, neletaosü daizhozhou levea-a buresa ea kabüa neletao nou Ehye khupeire donou soudasa touyu sü puhnou Eh hi paongao peie; südonou chuo Esü vashopu tare.

EPHESAMAI 1:3

Eletao nou Ramai ea Eletao Mapao Jisu Khrista Puoye kalo paolaikhe! Daiolouzü Eletao nou Khristaye koa ali soulouyu hinou puhnou Eletao hi raki buhtaohi buyu rako hilovei ha teitei sü peiwu-a Eletaoye hapeire.

JOSHUA 22:30

Sübüa nou Reuben, Gad alia teinghi palo buyu Manasseh khü dahli taonou paoyu chipao süloukhaie, napao Phinehas alia puhye salaiyu Israel maikhü hinou tsümaitao-a aetoure.

JOSHUA 22:32

Süthaisü Phinehas alia puhye salaiyu tsümai taohai Reuben alia Gad maiye Gilead teidei hisü thaowu-a Kanaan teidei hi Israel mainou buyu hisü dakhai vetare, alia puletao hi haibüyu chipao taosü ve paopeire.