JOSHUA 22:28 - SHEEYU BAIBEL (BSI)

²⁸ Etao nou choue, haithai Etao hi moa etao tyaonah hi sübüa neletao nou paolouzü, Etao nou haikua chila peilai, ‘Zhukhaio, Etao puopao mai-a Mapao ye thoyu ki ali soukhai touwe. Sünasü meidei-a pothore donou alia sheelare donou moe, ana süsü neletao alia Etao kohi shee ali sou ngaore donou baie.’

JOSHUA 22:28 Iomraidhean Croise

SHURAI 31:48

Laban nou paoe, “Chukho haina nou ahai kohi shaki soulai.” Südonou buh hainasü puhnou Galead,

2 VEMAITO 16:10

Veo Ahaz nou Damaskas hi taho veo Tiglath Pileser ye daolai tea tayu phaki, puhnou posheelabu ali hai ngaoloure, ae puhnou napao Uriahye sü posheelabu süna raitoua nou soulo tea seidakhai tawure.

TAPALOUYU 25:40

Sütao hai Enou ne hi deichi vanou ngaopeiyu thaifüa soutaosou soutou toulo.

ISAIAH 19:19

Süzhou teithe sü Ejipt teidei hi Mapao vei rathobuh bulai, alia Ejipt maivei deirai hisü Mapao hi peithouwure touyu chuhsho khesü bulai.

EBRIAMAI 8:5

Puletao nou napaomaitao soua vah souyu hai chechenou raki hi buyu süna zhairai ea khu baie; daiolouzü Moses nou sahpao sünasü soushu parebü hinou Ramai nou puh hi haibüa paopeie, “Deichi hinou ne hi ngaopeiyu zhaido süna thaifüa ha teitei souloure donou ne soutousoua zhulo.”

JOSHUA 22:27

ana sünasü panou neletao alia Etao kohi, alia eletao tyaonah taoye panou shee ali soupeiloure donou soua baie, Etao-a neletao ye rai-a nou Mapao yesü tho-we alia puh nghoujü nou meidei-a pothowe alia Vo soua sheelawe touyu nasü shee ali soupeire donou soua baie, sükumolouzü haithai bonahkhanou Etao tyaonah hie, ‘Mapao-e thoyu hi neletao zha hae,’ tea nou paore ngaopiyu donou baie.

JOSHUA 22:29

Etao nou Mapao ye khaitya-a dure donou moe, mokhai-a Etao nou rathoki nasü souloua Israel Ramai Mapao ye thomoa rakukhe liye thotare donou moe. Etao nou sahpao pahinou Ramai Mapao nou buyu ratho ki moa nou rathoki kukhe ali-a soukhai laimoe.”

JOSHUA 24:27

Alia Joshua nou mai hrülai hisü paoe, “Zhukhaio, chuh haina nou etao vei shee soulai, daiolouzü Mapao nou Etao hi paopei khaitouyu chipao teitei hai choukhai touwe, südonou hai nanou Etao vei shee (shaki) soua bulai, sükumo louzü neletao nou nele Ramai Mapao hi dawushulai.”