JOSHUA 22:27 - SHEEYU BAIBEL (BSI)

²⁷ ana sünasü panou neletao alia Etao kohi, alia eletao tyaonah taoye panou shee ali soupeiloure donou soua baie, Etao-a neletao ye rai-a nou Mapao yesü tho-we alia puh nghoujü nou meidei-a pothowe alia Vo soua sheelawe touyu nasü shee ali soupeire donou soua baie, sükumolouzü haithai bonahkhanou Etao tyaonah hie, ‘Mapao-e thoyu hi neletao zha hae,’ tea nou paore ngaopiyu donou baie.

JOSHUA 22:27 Iomraidhean Croise

SHURAI 31:48

Laban nou paoe, “Chukho haina nou ahai kohi shaki soulai.” Südonou buh hainasü puhnou Galead,

SHURAI 31:52

Chukho ae chuh shohkhai touyu haina nou ahai kohi shakie. Enou chukho haina talakou neye dailai moe, alia ne-a chukho haina jünou talapa Eye daiso.

LOUTAO 16:5

Oh Mapaowo, Enou neye likhei avei soua bua bailai, ae nenou Eye jüpayu na teitei sü peie; avei hümamai hai ne bah hinou bue.

ISAIAH 19:19

Süzhou teithe sü Ejipt teidei hi Mapao vei rathobuh bulai, alia Ejipt maivei deirai hisü Mapao hi peithouwure touyu chuhsho khesü bulai.

PAODAKHAIYU CHIKHA 12:11

süthaisü neletao Ramai Mapao zhih panou bure donou puhnou paoyu buh hisü, Enou neletao hi kharochi peiyu na veishi povelai: neletao nou meidei-a posheela peiretao, neletao vei taith alia posheela laiyutao, alia lah jüpa sou-a peilai tea Mapao hi paokhai touyu veishi hai pove peilai.

JOSHUA 22:10

Reuben, Gad alia Manasseh khü dahli taonou Jordan vei deiraih Geliloth hi velouyu thai, sühinou rathoyu buh ali souloue.

JOSHUA 22:26

Südonou Etao nou rathoyu buh nasü soua baie, süna hi Etao nou meidei-a pothore donou mokhai-a sheelare donou soumoe,

JOSHUA 22:28

Etao nou choue, haithai Etao hi moa etao tyaonah hi sübüa neletao nou paolouzü, Etao nou haikua chila peilai, ‘Zhukhaio, Etao puopao mai-a Mapao ye thoyu ki ali soukhai touwe. Sünasü meidei-a pothore donou alia sheelare donou moe, ana süsü neletao alia Etao kohi shee ali sou ngaore donou baie.’

JOSHUA 22:34

Reuben alia Gad mainou paoe, “Rathoki hainanou Etao hi, Mapao hai Ramai-e touyu shee soulai, alia sünavei ‘sheesou-apeio’ teanou kuloulai.”

JOSHUA 24:27

Alia Joshua nou mai hrülai hisü paoe, “Zhukhaio, chuh haina nou etao vei shee soulai, daiolouzü Mapao nou Etao hi paopei khaitouyu chipao teitei hai choukhai touwe, südonou hai nanou Etao vei shee (shaki) soua bulai, sükumo louzü neletao nou nele Ramai Mapao hi dawushulai.”

1 SAMUEL 7:12

Süthaisü Samuel nou chuh ali poloua Mizpah ae Shen kohinou shola loue, ae haibüa paoe, “Mapao nou Etaoye chu koute-a soukha peiwe,” südonou puhnou chuh sünasü “Soukha peiyu Chuh” tea zhih sapeie.