JOSHUA 22:22 - SHEEYU BAIBEL (BSI)

²² “Khouko buyu Ramai Mapao, khouko buyu Ramai Mapao, puhnou süwe; alia Israel mai-a panou sülou nüwe, süolouzü Etao nou souyu nahai Puh chi zülai more teanou mokhai-a puhye hraire donou soubai louzü, zhounou Etao mai hrülaiye sü pa thaitheo.

JOSHUA 22:22 Iomraidhean Croise

1 VEMAITO 8:39

puletao vei veachi sü nenou buyu raki vanou keinou peio, puletao vei mah sü khaipeio, ae soukhapeio. Ne likhei deiphao maivei tsüle hai süa baie. Mai alili hisü puletao nou ngaozü thaifüa peio,

JOB VEI LARÜBVÜ 10:7

E mah soumoe touyu nenou süwe, Ne bah hinou Eye mai talinou-a vupa peilou hoe.

JOB VEI LARÜBVÜ 23:10

Ramaiwo louzü avei phika teitei sükhai touwe, Puh Eye veiho shisa tea zhulouzü, E sheesha tea buyu puhnou ngaolai.

JOB VEI LARÜBVÜ 31:22

Sütouyu thaio avei baokao panou chatheo, avei baokao ahai kheinou avei pfüphao hinou deta theo.

LOUTAO 136:2

Rah veishi pei hinou dukayu puhye kalo paokhaio, puhvei leshiyu hai akhai hae.

LOUTAO 37:6

Puhnou nevei acheche nasü panou tei thepayu phaki vapayu büa va peilai, ae nevei kaozü nasü hea touchü teinghi ava büa panou valai.

LOUTAO 40:9

Oh Mapaowo, nevei maitao nou vejüa buyu hrohinou nenou Etaoye khailupa peiyu ko aveih nasü paongaolai. Enou ko hai khesü thaokhai toumoa pao-a buyu sü nenou süwe.

LOUTAO 44:21

nenou süsü phoupalou vuzüa bailai, daiolouzü Etao vei tsüle veishi sü nenou süe.

LOUTAO 44:22

Ana Etaoye zhaotu dathayu büa southa peikoute-a buyu haikhe teitei sü nenou süwe.

LOUTAO 50:1

Khoukhoulai Ramai Mapao nou paowe; puhnou teinghei palova nou poa teinghei loulova koute hinou hrüa buyu maitaoye kua bue.

LOUTAO 82:1

Ramai nou puhvei chikuyu buh hinou buloua ramaitao nou vejüa buyu hrohinou puhnou puhvei chidei nasü peie:

LOUTAO 95:3

Daiolouzü Mapao hai khouko pfüshoyu Ramai-e, ramai hrülai pei dukayu veo nasüe.

LOUTAO 97:7

Bashara thoyu mai hrülaiye sü hraongu soupeilai; Mapao ye sü rah veishi nou nakou khurülai.

TAPALOUYU 18:11

Chuo Enou Mapao hai ramai kukhe hrülai jünou dupu hie touyu süloure, daiolouzü Puhnou Israel maiye Ejipt mainou souvea buyu hinou khailupa peiwure.”

JEREMIAH 12:3

Ana Mapaowo, nenou Eye süwe, Enou soupfüyu vah khesü nenou ngaowe, ae Enou neye leshiyu sü nenou süwe. Zhaotu aliye pailoua dathare buh hi salouyu büa puletaoye soupeio; puletaoye datha laiyu teile koumo koute puletaoye kholo.

JEREMIAH 17:10

Mapao Enou deiphao maivei tsüle sü kabüa busa tea nou phou-a zhuwe. Enou mai ali liye puhnou soupfüyu ae puhvei vah thaifüa ngaozü nasü peie.”

DANIEL 11:36

“Sairia hi veo nou lah sounü pfünü khesü soupfü loulai. Puhnou khaophu soua rah jünoua puhnou dupu hie alia Khoukhoulai Ramai jünoua puhnou dupu hie tea lah puhye paolai. Puhnou haibüa savayu ae veia bukou laiyu hai, Ramai nou puhye tudee laiyu teile vemo koute puhnou bukou loulai. Ramai nou soure hai puhnou tsüchoda khaitouyu bütoua soupeilai.

DANIEL 2:47

Veo nou Daniel hi paoe, “Nevei Ramai hai rah kukhe veishi jünou dukayu Ramaie alia vemaitao vei Mapaoe, ae sülouho khupayu khesü süngao peiyu Ramaie, daiolouzü nenou tatei shoyu ae khupa shoyu nasü paosüpa peiwure.”

MIKAH 7:9

Mapao vei lekha rarou ae chaa nasü Etao nou teile daotuli hai pfüa bulaire, daiolouzü Etao nou mah souwure. Ana akhai hiolouzü puhnou Etaoye vupa peilai, ae Etao hi kaozü moyu nasü souzü peilai. Puhnou Etaoye ava hi popa peilai; Puhnou Etaoye khailupa peiyu nasü Etao nou ngaolai.

MALAKAI 3:18

Süthaisü checheyu mai ae maishimai, Ramai vah soumai ae Ramai vah soumoyu mai tyakuyu sü neletao nou süpu loulai.

JOHAN 21:17

Jisu nou puh hi lüh asü chena noue, “Johan nahpoutu Simon, ne Eye leshiwu?” Pitar sü levea loure daiolouzü Jisu nou puh hi lüh asü koute, “Ne Eye leshiwu?” tea puh hi noue, alia puhnou puh hi paoe, “Mapao, nenou hali-hala süwe; Enou neye leshie touyu sü nenou süwe!” Jisu nou puh hi paoe “Azhaotaoye vaipei khaio.

SEI-ATAMAI VAHTAO 1:24

Süthaisü puletao nou haibüa veachi paoe, “Mapaowo nenou maikhemai hrülai vei lesü sükhaiwe, südonou Judas nou lah puhvei buh hi vetare donou thaowuyu sei-atamai taovei kuvah buh haina hi puhthao lou soupei loure

SEI-ATAMAI VAHTAO 25:11

Ana Enou hakinou thaizüyu mah tali soure toulouzü athai hinou tupa loure halia Enou phoumoe. Ana puletao nou Apei hi mah dukhaiyu sütaosü cheche moe toulouzü, maitalinoua Eye puletao bah hi thoupei louhoe. Enou Achi hai Kaisar nghojünou kupure phouwe.”

2 KORINTHMAI 11:11

Haisü Enou neletaoye leshi moyu donou paowu? Enou neletaoye leshiyu Ramai nou süwe!

2 KORINTHMAI 11:31

Teisanou paoshoa bulaiyu Eletao Mapao Jisu Khrista Puo ea Ramai puhnou Ehai madamoe touyu sü süwe.

2 KORINTHMAI 5:11

Südonou Mapaoye pia hrüyu hai daisa touyu sü Ehnou süloua, Ehnou maikhe maiye süpeire donou tewe. Ramai nou Eh lesü sükhaia bue ea nelenou-a nelevei lekhetsü hinou soutaosoua süpei shulai tea Enou chowe.

PAODAKHAIYU CHIKHA 10:17

Daiolouzü neletao Ramai Mapao hai rah kukhe veishi pei hi Ramai, alia paopumai pei hi Mapaoe, puh sü soukumoyu alia maivei seihla pomoyu khupayu khouko bushoyu Ramaie.

1 TIMOTHI 6:16

Puh likhei teisanou hribaie; puh hai maitalinoua tavelou hoyu avana hinou hrüwe. Maita linoua puhye ngaokhai mohie moa maita linoua puhye ngaolou hoe. Puh hisü tsükhouyu ea adu-sho sü teisanou buyu souloutheo! Amen.

EBRIAMAI 4:13

Alia soukhai touyu na talia Ramai nghojünou kukhai loure hae, ana ha teiteisü dukhya-a puh nghi-ngaobuh hinou haphapa khaikhaitoue. Alia puh hisü lah Eletao hrülainou soukhai touyu soupfücho sü peivuzülai.

JOSHUA 22:21

Süthaisü Reuben, Gad, alia Manasseh khü dahli taonou Israel mai ye süthai-apei maitao hisü haibüa chila peie,

PONGAOPEIYU 19:16

Puhvei zaoduna vahi ea puhvei dekeh vahisü “Vemaitao pei Veo ea paopumaitao pei Mapao” touyu zhihsü rüthou khaitoue.

PONGAOPEIYU 2:23

Enou puh nahmai taoye sü southealai, alia sükisü lüloumaime hrülainou Esü maikhemai hrülai tsüle süyu mai nasüe touyu sü sülai, alia Enou neletao mai aliliye lah lahnou soukhai touyu vah thaifüa ngaozü nasü peilai.

1 SAMUEL 15:23

Puh chi zümoa khaityayu hai hraomai ali büa baie, ae rochiyu hai bashara aliye thoyu raibüa baie. Daiolouzü nenou Mapao vei chikha nasü malaiyu donou puhnou neye sü veo souyu hinou laiwure.”

1 SAMUEL 2:3

Khao soua laikhaiso; khaophu chi paopu soubaio. Daiolouzü Mapao hai sükhai touyu Ramai-e, ae puhnou maikhe mainou souyu vah veishi chikuwe.