JOSHUA 22:19 - SHEEYU BAIBEL (BSI)

¹⁹ Südonou nemai vei teidei hai sheemoe toulouzü, chunou Mapao vei dei hinou rathoki buyu nahisü dakhai velouo, alia Eh hinou ve dei dezhilo; ana neletao tyakua nou lahvei rathoki souloua nou Mapao jüphei-rarou louzü soupeiwuso, mokhaia Etaoye sou hrai peiwuso.

JOSHUA 22:19 Iomraidhean Croise

2 PUOPAOKO 11:13

Israel mainou buyu teidei teitei hinou napao maitao ae Levi maitao hai Judah teidei hisü vere.

TAPALOUYU 15:17

Nenou nevei maitaoye save nevei deichi hisü khaipeie, Oh Mapao, nenou bure donou soudakhai touyu buh hisü save khaipeie, Oh Mapao, ne bah nou soukhai touyu rathoki hisü save thoupeie.

DANIEL 10:13

Parsia vei vedei khoyu rakivamai nanou Eye teithe kaili nuchao loure. Ana rakivamai hi peichayu Maikhel nou Eye ve soukha peie, südonou Enou puhye Parsia hi khaiwua haihi vewe.

AMOS 7:17

Südonou Mapao nou haibüa paoe, “Ne chapfü sü nuhdu hinou khakhapfü soutalai, alia ne nahpoutu ae naotu khesü khoche hinou thailai, alia ne teidei sü mainou dezhi potalai, alia ne masha koutea sheemoyu teidei hinou thaiwulai, ae Israel maiye sü veikhai mosoua doushoyu teidei hisü nüpoa talai.”

JOSHUA 18:1

Israel mainou teidei polouyu thai, puletao hrülai nou Shiloh hinou ve jüloue, alia sühinou sahpao haolouwe.

JOSHUA 22:11

Israel mai kukhe tao hisü haibüa paoe, “Zhukhaio, Reuben, Gad alia Manasseh khü dahli taonou Israel mai dei, Jordan pe hinou buyu Geliloth hinou rathoyu buh sü souloure.”