JOSHUA 22:18 - SHEEYU BAIBEL (BSI)

¹⁸ Neletao nou zhou Mapao hinou tarei taloua puhye hraiwu louzü Mapao nou doshowo Israel mai hrülai hisü rarou shulai.

JOSHUA 22:18 Iomraidhean Croise

2 SAMUEL 24:1

Ramai nou Israel mai pei hi raroure, puhnou David ye panou puletao pei hi veahoyu pfüve peire donou souloure. Ramai nou David hi paoe, “Taho Israel mai alia Judah mai kazhou bue touyu maipei chokhaio.”

1 VEMAITO 9:6

Ana ne moa nevei nahmaitao nou athaifü molouzü, ae Enou peikhai touyu chikhatao ae kharochi khesü zümore toulouzü, alia rah kukheye thota louzü,

2 VEMAITO 17:21

Mapao nou Israel maiye Judah maitao hinou soukho laiyu thai, puletao nou Nebat ae Jeroboam nou Israel maiye panou Mapao ye thaifü moa süthaisa-a mahmo soutare.

1 PUOPAOKO 21:1

Saitan nou Israel mai hi veahoyu povepei nüloure, südonou puhnou David veo panou Israel maipei phoure donou lela loure.

1 PUOPAOKO 21:14

Südonou Mapao nou Israel mai hi rahta rahvu seive peie, ae sühinou Israel mai hai therainai thaire.

2 PUOPAOKO 25:27

Amaziah nou Mapao ye aetoumoa khaityayu hinou puhye Jerusalem hinou kamai-a nou hraitare, ae puhnou Lakhish nuhdu hi tutsüho hrüta-e, ana puhye ngaobayu mainou sühi thaitsü ho puhye sü southawure.

2 PUOPAOKO 34:33

Veo Josiah nou Israel maivei teidei hinou ngaora-a buyu bashara teitei sü souhawure, ae puhnou hria buki sasü Israel maiye panou puletao vei puopaoh Ramai Mapao chi züa puhvei kuvah sü panou souloue.

LEVIMAI LARÜBVÜ 10:6

Süthaisü Moses nou Aaron ae puhvei nahpoutu Eleazar ae Ithamar hi paoe, “Neletao vei peishu hai kutoulou moa taso, moa neletao vei sabanü hai dopfüyu vei shee soua paiphaso. Neletao nou sübüa soulouzü, neletao-a thai-a bailai, ae Mapao nou maisouye rarou shulai. Ana Israel maisou louzü Mapao nou mei seikou deitha khaitouyu puhaiye donou dopfüa kra-a bailai.

MAIPEI PHOUYU 16:22

Ana Moses ae Aaron nou deiphi pei pfüa nakou loua paoe, “Oh Ramai, ne sü hriyu veishi pei hi Ramai-e, mai ali nou mah soupeikhai-e mai hrülai pei hi ne rarou laivu?”

MAIPEI PHOUYU 32:15

Chuo Reuben ae Gad maitao nou puh thaifü balouzü, puhnou Israel mai hrülaiye sü panou radeiki hai hinou thaokhaiwua bailai, ae puletaoye soushiyu hai neletao vanou baie tea paolai.”

PAODAKHAIYU CHIKHA 7:4

daiolouzü neletao nahmaiye panou Mapao ye thomoa rah kukheye sa-a tho tashulai. Hakinou haibüa vepare toulouzü Mapao vei lekha rarou sü neletao pei hi velai, alia neletaoye sü souha-a bailai.

JOSHUA 22:15

Puletao nou Gilead teidei hinou buyu Reuben, Gad alia Manasseh khü dahli tao hisü ve haibüa paoe,

JOSHUA 22:16

Mapao vei maisou taonou haibüa paore, “Daisou nou zhou neletao Ramai Mapao chi zümoa nou vah ashi soue? Neletao daivanou Ramai ye ngaophoumoa nou lah neletao vei rathouyu buh soulouwe?

JOSHUA 22:20

Zerah nahpoutu Akan nou souhare natao hinou chilee moyu donou Israel mai hrülai nou chaa ngaomowu? Alia puhnou soumahyu donou puh lah likhei habai moe.”

JOSHUA 7:1

Ana Israel mainou souhawure hi peithou khaitouyu natao hisünou soumahwure; daiolouzü Zerah vei pfümounah hinou veyu Zabdi tyao Karmi nahpoutu Akan nou souhawure hi peithou khaitouyu na daotu vaoloure, süvanou Mapao vei lekha-rarou sü Israel mai hi vere.

JOSHUA 7:11

Israel mainou mah souwure; Enou sousouwo teanou vo soukhai touyu nasü neletao nou pfüphewure; neletao nou souhawure hi peithou khaitouyu nasü vaoloure, süsü poloua nou lah neletao vei chingi soure donou khailoure.

JOSHUA 7:21

Soushi khaitouyu natao hrohinou hüvei shoyu sah ali, shahu sühcho ahai pha, alia sana kehli, süsü shekel raingou phali ngaolou khaie, Enou thaisho loua poloure; na sütao hai avei sahpao hinou heku khaitoue.”

1 SAMUEL 12:14

Neletao ae neletao vei veo nou neletao Ramai Mapao ye tsükhou-a puhvei kuvah soulouzü, puhvei paochi züa puhvei chikha teitei thaifütou toulouzü, neletao hi ha teitei nou kaozhou vei-a hrüa bailai.

1 SAMUEL 12:20

Samuel nou chila peie, “Ngaopiso, neletao nou vah ashi alao soukhai touyuma, Mapao hinou tavai taso, ana neletao vei hrümai ae tsüle teitei nou peia puhvei kuvah sü soulo.