JOSHUA 22:10 - SHEEYU BAIBEL (BSI)

¹⁰ Reuben, Gad alia Manasseh khü dahli taonou Jordan vei deiraih Geliloth hi velouyu thai, sühinou rathoyu buh ali souloue.

JOSHUA 22:10 Iomraidhean Croise

SHURAI 12:7

Süthaisü Mapao nou Abram hi ve zhungaoa puh hi paoe, “Dei haina hai Enou nevei tyaonah maitao hi peilai.” Südonou puhye ve ngaopeiyu Maopao ye thore rathobuh ali puhnou soushu loue.

SHURAI 12:8

Süthaisü puhnou Bethel teinghi palo deichi lova tapaloua teinghi loulo Bethel, teinghi palo Ai sühaiko hinou sahpao haoloua bure, alia sühinou puhnou rathobuh ali soushuloua Mapao ye thoe.

SHURAI 28:18

Süthaisü puhnou thainesho shohna kushuloua puhnou peikhü souyu chuh nasü poloua sholah khaire alia Ramai bah hi thaothoua chuh haina pei hisü theadzü lazü peie.

ISAIAH 19:19

Süzhou teithe sü Ejipt teidei hi Mapao vei rathobuh bulai, alia Ejipt maivei deirai hisü Mapao hi peithouwure touyu chuhsho khesü bulai.

JOSHUA 22:11

Israel mai kukhe tao hisü haibüa paoe, “Zhukhaio, Reuben, Gad alia Manasseh khü dahli taonou Israel mai dei, Jordan pe hinou buyu Geliloth hinou rathoyu buh sü souloure.”

JOSHUA 22:9

Süthaisü Reuben, Gad alia teinghi palo buyu Manasseh maitao hai puletao vei teidei hisü vetare. Puletao nou Israel maitya kukhe tao yesü Kanaan vei teidei Shiloh hi thaowua puletao vei teidei hilo, Gilead hisü tare, süsü Mapao nou Moses hi paopeiyu thaifüa puletao nou poloue.