JOSHUA 21:45 - SHEEYU BAIBEL (BSI)

⁴⁵ Mapao nou Israel mai hi paohpei khaitouyu teitei hai ali-a veikhai toumoa soukhai tou peie; paohkhai touyu teitei sü vechekhai toure.

JOSHUA 21:45 Iomraidhean Croise

1 VEMAITO 8:15

Puh nou paoe, “Israel mai vei Ramai Mapao sü paosholo! Puhnou apuo David hi haibüa chaachou soukhai touyu nasü souvete peie,

1 VEMAITO 8:20

“Alia chuo Mapao nou puhvei chipao sü vetere. Enou apuo thaosü vekou loure, ae Enou Israel maivei Ramai Mapao ye thore Rathoki sü souloure.

1 VEMAITO 8:24

Nenou apuo David hi chaachou soukhai touyu nasü zhou teithe souvete peie.

1 VEMAITO 8:56

“Mapao ye paosholo, puhvei chipao thaifüa puhvei maitaoye kaonayu sü peie. Puhnou puhvei kilai Moses hi paokhai touyu veishi sü souche peie.

NEHEMIAH 9:8

Nenou puh hai chilee chechewe touyu süloue, ae nenou puhye koa vo soupeie. Nenou puhye Kanaan maivei teidei, Hit maivei teidei, Amor maivei teidei, Periz maivei teidei, Jebus maivei teidei, ae Girgash maivei teidei hai puhvei tyaosholea hi peilai tea chaachou soupeie. Nenou apaokhai touyu nasü souvete peie, daiolouzü ne hai cheche-e.

ISAIAH 48:3

Mapao nou Israel mai hi paoe, “Daoh raicho kinou Enou vepare khesü rai-a paodai peie; süthaisü thashoa Enou sükhesü panou vepa peie.

MAIPEI PHOUYU 23:19

Ramai hai mai büa da-a moe; ae mai büa puhvei tsüle hai da chamoe. Puhnou paokhai touyu thaifüa puh hai soua baiwe, ae puhnou chi paokhai touyu nasü vete-a baiwe.

1 KORINTHMAI 1:9

Puhnah Poutu, Eletao Mapao Jisu Khristaye koa meime ali souloure donou neletaoye kulouyu Ramai puhye hai louche louveie.

1 THESSALONIMAI 5:24

Neletaoye kulouyu puhsü louche louveie, alia puhnou süsü soupeilai.

TITA 1:2

rahrüzhai süsü teisa ahrinaye rei-a buyu süna vanou soushupa khaitoue. Mada moyu Ramai nou shurai jühinou haina hai Eletao hi peilai tea apaopei khaitoue,

EBRIAMAI 6:18

Südonou hakia soudalou hoyu ea Ramai nou sühai vanou hakia madalou hoyu na ahai bue. Südonou puh hinou baibuh ngaolouyu Eletaoye sü Eletao nghojühi khaipei khaitouyu areih sünaye soutaosoua poloure donou le soudu-sho peikhaitoue.

1 SAMUEL 3:19

Samuel nou dusho payu phaki, Mapao nou puhye koa salai peie, ae puhnou paoyu teitei sü panou cheche-a vepakhai toupeie.