JOSHUA 21:44 - SHEEYU BAIBEL (BSI)

⁴⁴ Mapao nou puhle puopao hi chaa soukhai touyu thaifüa puhnou puletao hisü kaonayu alia asoyu nasü peie; puletao ye ngaobayu mai linoua puhle jünou veiloumoe, daiolouzü Mapao nou puletaoye ngaobayu mai hrülai hinou veilouyu hai peie.

JOSHUA 21:44 Iomraidhean Croise

2 PUOPAOKO 13:16

Israel maitao hai Judah maitao nghoujü nou tutare, ae Ramai nou Israel maiye sü Judah mai bah hi thoupeiwure.

TAPALOUYU 23:31

Enou neletao vei deirai sü Zai Ho hinou poa Euphratis rei koute ae Mediteranean zai hinou poa radeiki koute peilai. Teidei sütao hi hrüyu maikhe maitao hai neletao bah hi thoupeilai, alia neletao nou puletaoye sü hulai loulai.

TAPALOUYU 33:14

Mapao nou puh hi paoe, “Enou neye salai peilai, alia veilouyu ae kolouyu nasü Enou ne hi peilai.”

ISAIAH 63:14

Kikhaorü taoye deikho hinou sa-a tayu büa Mapao vei rako nou puhvei maitaoye panou so-chaoyu sü peilai. Puhvei aduso ae khouko ava nasü panou ngaore donou puhvei maitaoye sü süthaisa-a tapeie.

PAODAKHAIYU CHIKHA 2:36

Ramai Mapao nou Etaoye panou tatei khaimoa Arnon reipe hinou hrüyu Aroer nuhdu hinou poa Gilead hi koute buyu nuhdutao sü poloue.

PAODAKHAIYU CHIKHA 21:10

“Neletao nou neletao ngaobamai hi taho reih soutayu phaki alia neletao Ramai Mapao nou puletaoye neletao bah hi thoupeiyu phaki alia neletao nou puletaoye nüpoa tayuki,

EBRIAMAI 4:9

Sükuyu thaisü Ramai vei maitaoye donou puhnou soyu soteithe kuyu aso ali buhie.

JOSHUA 1:13

“Mapao vei kilai Moses nou neletao hi haibüa kharochi peiyu nahai lilou-o, Ramai Mapao nou neletao ye pa sholoure buh peilai, alia dei sünasü neletaoye peilai.

JOSHUA 1:15

Neletao Ramai Mapao nou peilai tea paohkhai touyu teidei nasü lou poloumo koute neletao tyahrü alia neye pa soyu peimosa puletaoye soukhalai-e. Süthainou neletao nou nemai vei dei nahisü dakhai talai alia Mapao vei kilai Moses nou neletao hi peiyu Jordan teinghi palo dei hisü neletao nou poloulai.”

JOSHUA 1:5

Enou Moses ye zopeiyu büa, nea zopeilai; mai linoua ne hria bukisa ne nghoujü hinou lalou laimoe; Enou ne hi vetemoyu soulai moe alia neye thaowukhai toulai moe.

JOSHUA 11:12

Mapao kilai Moses nou puh hi kharochi peikhai touyu büa Joshua nuhdu sütao vei vemai teitei yesü khoche nou daotha khaiwure.

JOSHUA 11:23

Mapao nou Moses hi paopeiyu thaifüa Joshua nou teidei teitei hai poloure. Joshua nou teidei sütao hai Israel maikhü thaifüa zhipeie. Süthai hai puletao nou reih soumoa shore.

JOSHUA 11:8

Mapao nou puletaoye sü Israel mai bah hi peiwure, alia Israel mainou puletao jünou reih veiloua puletao ye southa chemokoute hupoa Sidon, Misrephothmaim, alia Mizpath vei teinghi palo deikho hi koute hupoa kouwe.

JOSHUA 2:24

Puhai nou Joshua hi paoe, “Cheche vujünou Mapao nou teidei süna hai Etaoye peiwure, alia süthemoa sühi buyu mai hrülai hai lethai tare alia etaoye ngaopi shoa bubaire.”

JOSHUA 22:4

Chuo neletao Mapao Ramai nou paohkhai touyu thaifüa neletao yesü panou kaona-a shoyu ngaoloulai. Südonou Mapao kilai Moses nou nele hi peikhai touyu Jordan dapolova teidei hisü taho bulo.

JOSHUA 22:9

Süthaisü Reuben, Gad alia teinghi palo buyu Manasseh maitao hai puletao vei teidei hisü vetare. Puletao nou Israel maitya kukhe tao yesü Kanaan vei teidei Shiloh hi thaowua puletao vei teidei hilo, Gilead hisü tare, süsü Mapao nou Moses hi paopeiyu thaifüa puletao nou poloue.

JOSHUA 23:1

Mapao nou Israel maiye panou ngaobamai hinou veiloua asoyu thai; Joshua hai tsüloure alia puhvei mapo-a taoli pare.