JOSHUA 2:9 - SHEEYU BAIBEL (BSI)

⁹ haibüa nou paoe, “Mapao nou nemaiye teidei hainasü peiwure touyu E-a süwe, alia Eh nuh maitao nou nele ye sü ngaopi sholoure, alia hai hi hrüa buyu Eh nuhmai hrülai nou neletao ye dure donou khuveiyu hai ali-a hazhire.

JOSHUA 2:9 Iomraidhean Croise

SHURAI 35:5

Puletao nou tapayu kisü, nuh sütao haohi buyu mai hrülai hisü ha ngaopiyu ali Ramai nou thoupeie, südonou mailia puletao thai huta more.

2 SAMUEL 17:10

Süthaisü reihmai khu veisho-a khao lüthou büa lüthou pfüyu mai koute-a pi-a bailai. Daisounou touyuo ne puo alia ne puoye koa tayu maitao sü reih veishoyu mai khaitie touyu Israel mai hrülai nou süwe.

2 VEMAITO 5:15

Puhnou Elisha hisü puhvei mai hrülaiye saloua nou dakhai ve-e ae puhnou puh hi paoe, “Chuo Enou süloure, rah kukhe ali-a ha-e, ana Israel maivei Ramai likhei bua baie; südonou zhuvea nou Enou sapeina peiyu haitao sü polo.”

2 VEMAITO 7:6

Mapao nou Sairia maiye sü panou reihmai taoli hai rhei ae rheiluki khesü pfüa laiyu kho büa panou chouloure, ae Sairia maiye panou Israel mai nou Hit mai ae Ejipt maivei veo ae puletao vei reihmaitao hai ngaloua nou puletaoye reih soure donou laiyu phare tea tsücho loure.

NEHEMIAH 6:16

Etaoye ngaoba-a buyu tyahrütao nou ko haisü choulouyu phaki, puletao hai pah shire, daiolouzü Ramai vei soukha vanou vah hainasü souche loue touyu hai mai hrülai nou süloure.

ESTHER 8:17

Nuh hinou alia vedei hinou hrüa buyu Jihudimai hrülai nou seitayu kharochi nasü süloukhaie, puletao nou asah soua kaonayu khonü nasü nüe. Alia maitya kukhe taoli hai Jihudimai ye ngaopiyu donou Jihudimai soulai tea soutare.

JOB VEI LARÜBVÜ 19:25

Ana raki hinou mai kamai-a bue touyu Enou süwe, Puhnou akhai khailai hi tave Eye vupa peilai.

LOUTAO 112:10

Mai ashi mainou hai khesü ngaoloua lekha-e; puletao hai lekha shopoa nou hakata-a baiwe; puletao nou jüpa-a vurei-a buyu khesü hata baiwe.

LOUTAO 115:16

Raki hai Mapao vei baie, ana puhnou deiphao hai mai hi peiwure.

TAPALOUYU 18:11

Chuo Enou Mapao hai ramai kukhe hrülai jünou dupu hie touyu süloure, daiolouzü Puhnou Israel maiye Ejipt mainou souvea buyu hinou khailupa peiwure.”

TAPALOUYU 23:27

“Enou neletaoye dure maitao hisü Eye ngaopiyu tsüle southou peilai; neletaoye reih soure mai hisü bürouyu soupeilai, alia neletaoye ngaobayu maitaoye sü panou neletao nghoujü nou tutawulai.

KOPAODOUWO 8:12

Mah mai alinou vu kaili ashi soua puh hrü hai hrüshoa bue, ana Enou süwe Ramai ye piyu mai donou zouvei-a bailai, daiolouzü puhtao sü puh nghoujü hinou pi-a buwe.

ISAIAH 19:1

Chipao haisü Ejipt donou paoe. Taveih shoyu teihao phao nou Mapao sü Ejipt mai hi ve-e. Ejipt maivei bashara khesü puh nghoujünou pia ngure, alia Ejipt maivei khuveih nasü hatare.

ISAIAH 23:5

Tair teidei hai soushire touyu ko sü chouloua Ejipt koute-a levea-a chathai talai.

JEREMIAH 27:5

“Avei khouko ae pfüchi sünou teideiphao, deiphao mai, ae deiphao hi hrikhaona teitei sü Enou soupeie; ae hai nasü Enou dolouyu mai tarali hia peia baiwe.

NAHUM 2:10

Souveawure! Souhare alia soushire! Lesü pere alia khoubou sü ngure, khya soure, pah khesü zhu hazhi tare.

MAIPEI PHOUYU 20:14

Moses nou Kadesh hinou Edom hi veo hisü haibüa kopomaiye seita-e, “Nevei thaihou jürai soua buyu Israel mainou haibüa paowe: Etao nou veahoyu veishi hai nenou süwe,

MAIPEI PHOUYU 20:24

“Enou Israel maiye peilai tea paokhai touyu teidei hisü Aaron nou talou ngaolai more; puh sü thaita laire, daiolouzü puh nou Meribah buh hinou avei kharochi hai zübare.

MATHIU 20:15

Enou lah Avei poushahai Aleli thaifüa souloure Azü hawu? Moa Enou maiye ha peinüyu vanou ne nghisüwu?’ ”

PAODAKHAIYU CHIKHA 11:25

Maili noua neletaoye lashu dulou laimoe. Neletao Ramai Mapao nou paodaikhai touyu büa teidei hai hi neletao nou tayu buh veishi hi pa neletaoye ngaopia heilai.

PAODAKHAIYU CHIKHA 2:25

Zhou thainou Enou deiphao mai hrülaiye panou neletaoye ngaopi-a hilai. Neletao zhih choulouyu phaki, puletao nou pingulai alia neletao vanou puletao sü tsü veasholai.’

PAODAKHAIYU CHIKHA 28:10

Süthaisü neletao hai Mapao nou kuloure touyu deiphao hi buyu mai hrülai nou ngaolai.

PAODAKHAIYU CHIKHA 32:8

Kukulai hi abuwo nou tyahrütaoye teidei dezhi peiyu phaki, Puhnou deiphao maitaoye sü panou daiki bulai tea zhipeiyu phaki, maikhe maivei deirai sü puhnou depeiwe, ae puletao vei rah pouyu ae chiyu thaifüa depeiwe.

EBRIAMAI 11:31

Lü vanou khakhapfü Rahabye sü Ramai chi zübayu maitaoye koa souhawu moe, daiolouzü puhnou Israel maitao vei reihkei pomai taoye soutaosoua shepeie.

JOSHUA 2:11

Etao nou sühai choulou khaie, Etao khuh hatare, alia mai lihiro lüthou veiyu sü bumore, daiolouzü nele Ramai Mapao hai raki alia deiphao teitei hinou Mapao-e.

JOSHUA 2:24

Puhai nou Joshua hi paoe, “Cheche vujünou Mapao nou teidei süna hai Etaoye peiwure, alia süthemoa sühi buyu mai hrülai hai lethai tare alia etaoye ngaopi shoa bubaire.”

JOSHUA 2:8

Puhai zütamo jünou, honapai nou puhai nou buyu khohi sü palou-a

JOSHUA 5:1

Jordan vei teinghi loulo buyu Amor vemai hrülai, alia zai pehinou buyu Kanaan vemai hrülai hai Mapao nou Jordan reidzü southe peia Israel maiye panou Jordan rei kacho koukhai loure touyu ko süloua, puletao nou Israel maiye ngaopi sholoure, alia khuveia dulai touyu tsüa puletao hi hazhi toure.

JOSHUA 6:2

Mapao nou Joshua hisü paoe, “Zhukhaio, Enou Jeriko hi veo alia puhvei reihmai teitei nou ne bah hisü peiwure.

JOSHUA 9:10

alia puhnou kabüa Jordan dapolo buyu Amor mai veo ahai hi souyu, Heshbon mai veo Sihon alia Ashtaroth hinou hrüa buyu Og mai veo Bashan hi souyu vah teitei-a Eh nou süre.

JOSHUA 9:24

Puletao nou Joshua hi chila peie, “Etao nou daivanou haibüa soue toulouzü, nele Ramai Mapao nou puhvei kilai Moses hi teidei haitao peilai tea paopeiwure alia teidei hai hinou hrüa buyu mai teitei ye southakhai touwulai touyu Enou süloue, südonou neletao ye ngaopiyu donou haibüa souwure.

JOSHUA 9:9

Puletao nou chila peie, “Nevei kilaiwo bu doushoyu nuh hinou ve-e, daisounou touyu nele Ramai Mapao zhih hai duwe; Puhnou Ejipt hi kabüa nou vah souwe touyu teitei hai etao nou choue,

CHIKUAPEI MAITAO 7:14

Puh samai nanou chila peie, “Süsü hakukhe moe, ana Israel mai puona Joash nahpoutu Gideon vei khoche baie, puh bah hi Ramai nou Midian mai ae Etao reihmai me teitei hai thoupeiwure.”