JOSHUA 2:6 - SHEEYU BAIBEL (BSI)

⁶ Ana honapai nou puhai yesü khopei hi sapa louhbe khukhu sou-a khokhai touyu hrohinou pokupeie.

JOSHUA 2:6 Iomraidhean Croise

2 SAMUEL 11:2

Teitheli teinghei ngailouyu phaki, David nou züphao hinou tashulou-a kipei tapa sühao-a bue. Süphaki puhnou naotumai ali dzükhüa buyu sü zhingao loure. Naotupai sü hüvei shore.

2 SAMUEL 17:19

Ki paopu chapfü nou dzükhao süna pei sü hopeire ae süpei hi thoubu lathou raowure. Südonou dzükhao hi buyu mailinou-a shilou hode.

1 VEMAITO 18:13

Jezebel nou Mapao vei rachipaoyu maiye southayu phaki, Enou rachipaoyu mai kaihli, me ahai soua mai raingou raingou nou lyaqulu hi poku khaitoua Enou puletaoye touso ae dzü peia nou bue touyu ne sümovu?

1 VEMAITO 18:4

ae Jezebel nou Mapao vei rachipaolayu maitaoye southayu phaki, Obadiah nou rachipaolayu mai kaihli hai saloua me ahai souloua, me ali hinou mai raingou raingou hai lyaqulu hinou poku khaipeie, ae puhnou puletaoye touso ae dzü hai peie.)

2 VEMAITO 11:2

Ana Ahaziah tupai veo Joram nahnaotu Jehosheba nou Ahaziah nahpoutu Joashye sü southalai tea buyu hinou veo nahpoutu maitao hrohinou poku loure. Honapai nou Joash ae puhye kikopeiyu mainaye sü zhibuh kide ali hi thoukhai loure, sübüa Athaliah hinou puhye sü poku loua puhye southalou more.

TAPALOUYU 2:2

Naotupai nasü nahmai hrüloua nahpoutu ali naloure, honapai nou nahtou naye zhuyu phaki, nahtou nahai hüvei shoyu donou puhnou khouh asü koute pokukoue.

JEREMIAH 36:26

Süthaisü veo nou puh nahpoutu Jerahmeel, Azriel nahpoutu Seraiah ae Abdeel nahpoutu Shelemiah puletaoye nou Eye alia avei larü rü-apeio Baruk ye nülo tea kharochi peie, ana Mapao nou ahai ye poku peie.

MATHIU 24:17

Ki phaohi buyu nanou kikha hinou puh natao poloure donou takouso.

PAODAKHAIYU CHIKHA 22:8

“Nenou ki shitho ali soupayu phaki, maiye panou dekou more donou khahaolo, sükure toulouzü ne kiphao hinou maitalia dekou deithayuma süsü ne mah ha-e.

KOLOSSEMAI 3:3

Daiolouzü neletaowo thaire, alia neletao hrümaisü Khristaye koa Ramai hinou pokure.

EBRIAMAI 11:23

Lü vanou Moses pfüpuo nou puhye nalouyu thai puhye khou asü pokue, daiolouzü puh hai veishoyu nah alie touyu sü puhai nou ngaoloure alia puhai nou veo chikha pfüthouyu hisü ngaopiyu hae.

JEMS 2:25

Süzhaibüa, khakhapfüpai Rahab nou-a Israel mai reihkeipomaiye shepei-a ea puletaoye bo kukhe alilo vanou panou tupa loure soukha peiyu hinou puhye sü puh vah vanou Ramaiye koa souzüloue.

JOSHUA 2:5

Teizhi louyuki alia robomü khulaiki puhainou haihinou tapare, puhai kalo velai touyu E-a sümoe; thashoa puhaie thaihu takhaio, sütoulouzü neletao nou puhai yesü ngoulou sühie.”

JOSHUA 2:7

Süthaisü reihmai taonou honahai ye sü thaingou poa kou Jordan reidzü phinou kalou süyu koute puhai ye thaihue; homaitao nou puhai ye thaihu tayu thai, robomü sü khuwure.

JOSHUA 2:8

Puhai zütamo jünou, honapai nou puhai nou buyu khohi sü palou-a

JOSHUA 6:25

Joshua nou reikei pomaiye Jeriko hi seiveyu phaki, Rahab nou hona haiye vupeiyu donou, Rahab alia honapai kihikha maitao alia homai taovei natao noupu Joshua nou souha moa vupapeie. Honapai kityaraitao nou süthai Israel maiye koa hrütare.