JOSHUA 2:5 - SHEEYU BAIBEL (BSI)

⁵ Teizhi louyuki alia robomü khulaiki puhainou haihinou tapare, puhai kalo velai touyu E-a sümoe; thashoa puhaie thaihu takhaio, sütoulouzü neletao nou puhai yesü ngoulou sühie.”

JOSHUA 2:5 Iomraidhean Croise

NEHEMIAH 13:19

Südonou Enou nuhdu vei rokhubomütao hai Soteithe koumojü koukhe nou khulo ae Soteithe chemo koute houso tea kharochi peie. Enou avei kilai maitaoye seiho panou Soteithe zhou hana taralia panou pfüvelou more donou kho-e.

ISAIAH 60:11

Hea-khei neletao vei robomü khesü houkhaitoua bubailai, sübüa tyahrü kukhe maitao vei veo maitao nou puletao vei kini khesü neletao hi pove peilai.

JEREMIAH 50:20

Teile süna veyu phaki, Israel maitao hisü mah aliro ngaolai moe ae Judah hisü tsüshi ali-a bulai moe, daiolouzü Enou vupa peikhai touyu maitao vei mahmo khesü khaipeiwulai. Haisü Mapao Enou paowe.”

EZEKIEL 47:12

Reipe teitei hi hai süübe tyatyali panou paopalai ae touso sü panou peilai. Süübe sütao vei süünghou hai deraikhai toulai moe, ae tobai soumoa rashithou hai shipei koute-a bulai. Khouh palou hai rashithou ngaotou koutelai, daiolouzü sütao hai Rathoki hinou küpayu reidzü sünou dzüzü peiwe. Süübetao nou touso hai peilai, ae süünghou khenou maikhe maiye souvei peilai.”

JOSHUA 2:4

Ana Rahab nou puh hai yesü pokuwure, alia honapai nou habüa reihmaitao hi chila peie, “Ovai shemai ahai ahi ve-e, ana puhai daikinou veyu Enou sülou moe,

JOSHUA 2:6

Ana honapai nou puhai yesü khopei hi sapa louhbe khukhu sou-a khokhai touyu hrohinou pokupeie.

JOSHUA 2:7

Süthaisü reihmai taonou honahai ye sü thaingou poa kou Jordan reidzü phinou kalou süyu koute puhai ye thaihue; homaitao nou puhai ye thaihu tayu thai, robomü sü khuwure.

PONGAOPEIYU 21:25

Nuhdu sühi romütaosü heamajüh houkhaitoua bue; sütaosü hakia khuwu laimoe, daiolouzü sühisü khei touyu bulaimoe.

1 SAMUEL 19:14

Saul vei maitao nou David ye salai tea veyu phaki, Mikhal nou puletao hisü David hai souwe tea paopeiwure.