JOSHUA 2:14 - SHEEYU BAIBEL (BSI)

¹⁴ Süthaisü puhai nou honapai hi paoe, “Ahai vei hrüsü nevei hrü lyabaie. Etao nou soukhai touyu vah haitao hai nenou mai hi paomo louzü, Mapao nou Ehye teidei haina peiyu phaki, etao-a neye sü mai veishoa nou alia cheche vuzünou neye vupeilai.”

JOSHUA 2:14 Iomraidhean Croise

SHURAI 24:49

Südonou chuo, nenou apaopu hi kaozü hinou soupeilai toulouzü, ahi paopeio, moe touyuma paopeio, sükulouzü Enou bakha zhoulo talaiho moa bakha nalo talai touyu tsücho loulai.”

SHURAI 47:29

Jakob nou thaire nghikouyu phaki, puhnou puh nahpoutu Josef ye kuloua paoe, “Nenou Eye leshiwe toulouzü, alia cheche-a ae paochi züa soupeilai toulouzü adeke kohi ne bah thaithou loua Eye Ejipt hi vuhlai moe tea chaachou soupeio.

2 SAMUEL 2:5

puhnou kopomaiye seiho haibüa nou paoe, “Neletao Saul veo ye tsükhou-a puh vei thaiphao sü soutaosou-a vupeiyu vanou neletaoye Ramai panou hapeiyu soulou theo.

2 SAMUEL 2:6

Ramai nou neletaoye leshi peitheo, neletao nou vah aveih soupeiyu donou E-a neletaoye donou soutaosou zhupeilai.

2 SAMUEL 9:1

“Saul kikhamai ali koute-a hri-a buho bumoe?” teanou David nou teitheli noue. “Hakinou mai buhie toulouzü Enou Jonathan ye donou puhye sü zhuvea leshi hai soungao peinüe.”

1 VEMAITO 20:39

Veo nou ludu hi takouyu phaki, puhnou shusou veo ye kuloua nou paoe, “Oh puo veo, ne kilai Enou soureih souyu hisü ta-e, ae soureih souyu mai ali nou ngaobamai ali nüloua ahi save khaipeie ae haibüa paoe, ‘Mai hai nasü khotou toulo, hakinou puhye panou tuta louzü, puhvei hrirai thaosü nevei hrirai nou polai, moyuma shahu thesü hai ne hinou zhotoulai.’

TSÜCHITAO 14:22

Haveih souyu mai sü mainou louchelai alia tsükhouyu ngaolai; hashi soure bo phouyu mai sü kaomo tare.

TSÜCHITAO 18:24

Samai kamaio khaokhao tisou-a samai soua baiwe, ana samai kamaio thaihou jüraimai jünoua hei-a thaoyu bue.

MATHIU 5:7

Zhuvea peilousü maisü rakoveie; daiolouzü puletao nou zhuvea ngaoloulai!

SEI-ATAMAI VAHTAO 23:22

Südonou reihmai peichananou khemaina süna hi, “Nenou chi haina hai Ahi paongaore tea mailihia paongao khaiso,” tea tukha peiwu-a panou tare.

JOSHUA 2:13

alia apuo, apfü, athaihou-jürai maitao, alia avei tyarai mai hrülai ye hria vupeio, alia athai hinou Etaoye vupa peio.”

JOSHUA 2:15

Süthai honapai nou puhai ye sü vabomü hinou pa rainou taokouloue, daiolouzü hopai kihai nuhdu vei bouvo vanou kusho-a soukhaitou-e, alia sühinou hopai nou hrüe.

JOSHUA 6:17

Nuhdu alia sühinou buyu na teitei hai souha khaiwure donou Ramai hi peithouwure. Ana etao nou seitayu reihkei pomaiye Rahab nou vupeiyu donou, Rahab alia puhye koa puh ki hinou buyu maitao likhei panou hria bailai.

JOSHUA 6:22

Jeriko teidei hi talou reikei poyu mai ahai hisü Joshua nou paoe, “Khakhapfü pai ki hi talou khaio, alia ne hai nou chaachou souyu thaifüa honapai alia hopai vei tyaraitao hrülaiye sü sapalo.”

JOSHUA 6:25

Joshua nou reikei pomaiye Jeriko hi seiveyu phaki, Rahab nou hona haiye vupeiyu donou, Rahab alia honapai kihikha maitao alia homai taovei natao noupu Joshua nou souha moa vupapeie. Honapai kityaraitao nou süthai Israel maiye koa hrütare.

1 SAMUEL 20:8

Ramai zhih hinou ahai hai samai soulai tea chaachou soukhai touyu thaifüa, hai nasü zhuvea nou ajüpa soupeio. Ana Enou soumah khaitouyu bulouzü, Eye ne lah buh hai hinou southawo. Daisounou ne puo hi save Eye southalai?”