JOSHUA 19:51 - SHEEYU BAIBEL (BSI)

⁵¹ Napao Eleazar, Nun nahpoutu Joshua alia Israel mai khü hinou tsüsoua buyu maitao nou Mapao nghoujü nou rako sü Shiloh hinou zhua zhikhai touyu teidei taosü haitaoe. Puletao nou teidei sü hainou zhi cheloue.

JOSHUA 19:51 Iomraidhean Croise

SHURAI 49:10

Judah bah hinou veo vei süpo bukou telai, Puh vei tounah taonou vekou teloulai. Tyahrü khemai nou puh hisü kalona pove peilai, alia puh chi züa puhye khurülai.

LOUTAO 78:60

Puhnou Etaoye koa sabuyu sahpao, puh buh Shiloh nasü thaowua tare.

MATHIU 20:23

Jisu nou puhaihi paoe, “Chechenou nehainou Apai hinou pokülai, ana Abahkha zhoulo ea nalohi bure süwo louzü Ado moe, buh sütao hai Apuonou souda khaitouyu puletao donou baie.”

MATHIU 25:34

Sükisü Veonou puh bahkha zhoulohi buyu taohi paolai, ‘Tavelo, Apuonou hapeikhai touyu maitao, teideiphao soushu rainou neletao donou soudakhai touyu vedeina sü ve kaa thaolo;

JOHAN 17:2

Daiolouzü nenou puh hi peikhai touyu puletao hrülaihi puhye panou teisa ahri peiloure donou, nenou puh hisü deiphaomai hrülai pei hi khore khouko nasü peiwure.

SEI-ATAMAI VAHTAO 13:19

Alia puhnou Kainan teidei hi buyu tahrüh anaiye souhawu-a teidei sütaovei paopu panou soure donou po kaidai-a raingou pha puhnou puhmaitao hi peie.

JOSHUA 14:1

Napao Eleazar, Nun nahpoutu Joshua alia Israel mai khü pei hinou khoa buyu maitao nou Kanaan teidei tao Israel mai ye zhipeiyu sü haitaoe.

JOSHUA 18:1

Israel mainou teidei polouyu thai, puletao hrülai nou Shiloh hinou ve jüloue, alia sühinou sahpao haolouwe.

JOSHUA 18:10

Süthai Joshua nou Shiloh hinou puletao ye teidei taohai Mapao nghoujü nou rako zhua zhipeie.

JOSHUA 20:1

Süthaisü Mapao Joshua hi paoe,

CHIKUAPEI MAITAO 21:19

Süthaisü puletao nou paoe, “Potei ali hi Mapao vei nüh Shiloh hinou nüyu teile nasü nghikoure.” (Shiloh hai Bethel reilova nou bue, Lebonah khekou nou bue, ae Bethel alia Shekem ko hi ludu buyu teinghi palova nou bue.)

CHIKUAPEI MAITAO 21:21

alia zhutou toulo; Shiloh hinou veyu loumainah taonou asah soua dosouyu phaki, neletao nou tuchüa buyu darkha peida hinou paloua neletao chapfü soure donou chekhei nülo alia Benjamin khü vei teidei hisü saho khailoua nalo.

1 SAMUEL 1:3

Po patsü Elkanah hai puhnou buyu nuhdu hinou rathore donou ae Khoukhoulai Mapao hi posheelare donou Eli ae puhvei nahpoutu ahai, Hophni ae Phinehas nou Mapao vei napao soua buyu Shiloh nuhdu hisü tawe.