JOSHUA 18:3 - SHEEYU BAIBEL (BSI)

³ Südonou Joshua nou Israel maisou hi paoe, “Neletao puopao vei Ramai Mapao nou nele hi peikhai touyu teidei taohai talou polou moa teile kasoa bulai hie?

JOSHUA 18:3 Iomraidhean Croise

TSÜCHITAO 10:4

Bah keiyu vanou touha sü vewe, ana kounouyu mai bah linou soungi peiwe.

TSÜCHITAO 13:4

Heakayu mai linou hataralia jüpasho-a buyuma, puhnou sünasü ngaoloukhai tilai moe. Kounouyu mai sü puletao nou jüpa-a buyu veishi hai ngaoloulai.

TSÜCHITAO 15:19

Heakayu mai vei ludu sü shuhbe nou paohou loua baiwe, ana maicheyu mai vei ludu louzü ludu ka-e.

KOPAODOUWO 9:10

Nenou soua buyu vah sü eihtea soukhaio; daiolouzü nenou talaiyu rabedushao hio vah lia hae, moa tsüchoyu, moa tsüsüyu, ae tsüveiyu-a hae.

ZEPHANIAH 3:16

Süzhou teithe Jerusalem hi haibüa paolai, “Ngaopiso, Oh Zion, Ne bah sü panou chathai tawuso.

MATHIU 20:6

Alia puhnou teilecho angou phahinou hupobuh hi tapa pukhaiyu kisü sühinou kukhe kamaisü chu koute-a la-a buyu sü ngaoloure; alia puhnou puletao hi paoe, ‘Neletao haihinou heamajü hali-a soumoa la-a buyu hai daidonoue?’

JOHAN 6:27

Ha-kalaiyu touso donou vah souwuso; ana Mai Nahpoutu nou neletao hi peilaiyu teisa hrümainou bulaiyu touso süna donou vah soulo; daiolouzü puh pei hi Puo, Ramai nou puh vei paoshee soukhaire.”

JOSHUA 1:6

Khouchilo alia khuveilo; daiolouzü neletao puopao hi Enou peilai teanou chaachou soukhai touyu teidei nasü, neye panou mai haitaoye salou dei nasü kathao loulai.

JOSHUA 13:1

Chuo Joshua hai tsüloure alia puh pohaia taoli khere; südonou Mapao nou puh hi paoe, “Ne sü tsüloure alia ne pohaia taoli pare, anou neletao nou teidei popu loure alao buhie.”

JOSHUA 18:2

Ana Israel mai hrohinou teidei zhipei moyu khü anai buhie.

JOSHUA 18:4

Khü chehinou mai asüsü dopalo, puhtao ye pa taho teidei zhuloua kabüa bue touyu rüloure donou Enou puletao yesü seitalai. Süthai rüloua ahi khaiveo.

CHIKUAPEI MAITAO 18:9

Puletao nou paoe, “Teidei sü veishoa ngaokhai toure, Etao talai khe. Neletao hai hinou halia soumoa bulai hiwu? Thashoa taho teidei nasü poloumo louzü shire.