JOSHUA 18:16 - SHEEYU BAIBEL (BSI)

¹⁶ Süthaisü khelo kouh Hinnom zhingaoyu deichi hinou, sühai Rephaim deikho khai hie, alia sühinou Hinnom deikho hi kouhloute-e. Süthai Jebus maivei deichi shao hinou poa kouh Enrogel mai dei shao hi louwe.

JOSHUA 18:16 Iomraidhean Croise

2 SAMUEL 17:17

Abiathar nahpoutu Jonathan alia Zadok nahpoutu Ahimaaz puhai nou nuhdu hi loumoa Jerusalem pe hi buyu En Rogel touyu buh hinou kho-a bue, mai kilai naotumai alinou teisa nou buh sühi taho kheichi veishi hai Veo David hi paopeie, daiolouzü hona hainou nuhdu hisü talou louzü kaozhou ashi hai daolou veie.

2 SAMUEL 5:18

Philistin maitao nou Rephaim Deikho hi ve buloure.

1 VEMAITO 1:9

Süthaisü Adonijah nou puh thaihou jürai maitao, veo vei nahmaitao alia Judah hi peicha maitao kuloua zhaotu, chode hübo veinou dathalou-a En-Rogel nghitei-a buyu Nghou Chuhphao hinou popa posheela peie.

2 VEMAITO 23:10

Veo Josiah nou Hinnom Deikho hinou buyu Tophath rathobu nasü soushi peiwure, sübüa maikhe maiye panou puletao vei nahmai hai southaloua Molek rah hi meidei-a posheela peiyu sü panou soupu more.

1 PUOPAOKO 14:9

Philistin mainou Rephaim deikho hisü reih huloure.

2 PUOPAOKO 28:3

pou kainüvei sü Hinnom Deikho hinou meidei-a posheela peie, alia puhnou Israel mainou talouyu phaki, Mapao nou hulai peiyu tyahrü maitao nou soupfüa buyu zhaidou ashi thaifüa puh nahpoututao koute-a bashara hi meidei-a posheela peie.

2 PUOPAOKO 33:6

Puhnou puh nahpoutu maitao koute-a Hinnom Deikho hinou dathaloua meidei-a posheela peie. Puh hai prou soua rako zhure, keingumai, kheikhupado souyu mai, ae thaimai rako hinou dai-e vepalai touyu khesü noutare.

ISAIAH 30:33

Asaria maivei vedei pothou mei deire donou buh ali daoh raichoki nou souda khaitoure. Buh sünasü thou-a thoushoe ae du-a dushoa soukhaitoue, alia meideire süü hai-a alao soudawure. Mapao nou ssü haiyu meikei nou kou sünasü taoloulai.

JEREMIAH 19:11

alia puletao hi Khoukhoulai Mapao nou haibüa paowe tea paopeio, “Enou mai haitao ae nuhdu hainasü nailee ali soupheyu thai pothou soumulou hoyu büa soupeilai. Maikhe mainou puletao thaiphao khesü Topheth koute hia daovulai, daiolouzü buh sü hi daovuyu buh hai bulai moe.

JEREMIAH 19:2

alia Leekhaope Robomü hinou tapaloua Hinnom vei Deikho hi takoulo, ae Enou ne hi paopeiyu chipaotao sü shangaopeio tea paoe.

JEREMIAH 19:6

Südonou zhukhaio, teidei hai nasü Tophath, moa Hinnom Deikho tea kupulai moe, hai nasü Maiye Southayu Deikho tea kuyu teile velaire.

JEREMIAH 32:35

Puletao nou Hinnom Deikho hinou Baal rah ye thore donou posheelabu sü soupeie, ae puletao vei nahnaotu poutu khesü Molek rah hi posheela peire. Haisü puletaoye soulo tea Enou kharochi peimoe, haibüa Judah maiye panou mah soure sü avei tsüle hia vemoe.”

JOSHUA 15:63

Ana Judah mainou Jerusalem hinou hrüa buyu Jebus maiye hulai loumore, südonou Jebus mainou Judah maiye koa Jerusalem hinou zhaodao koutea bue.

JOSHUA 18:28

Zela, Haeleph, Jebus (sühai, Jerusalem ye), Gibeah, alia Kiriath-jearim - nuh sütao hai kiadai. Haitao hai Benjamin khüye kaalo peiyu teidei tao-e.

CHIKUAPEI MAITAO 1:21

Ana Benjamin maitao nou Jerusalem hinou hrüyu Jebus maiye hulai loumore. Südonou Jebus mainou chukoute Jerusalem hisü Benjamin maiye koa hrüa bue.

CHIKUAPEI MAITAO 1:8

Judah mainou Jerusalem pei hi reih hulou poloure. Puletao nou sühi hrüa buyu maiye sü southawure alia nuh nasü mei deiwure.

CHIKUAPEI MAITAO 19:10

Ana Levi puona sünou süzhou khei sühinou chaonü more. Südonou puhnou kushuloua tare ae Jebus (süolouzü Jerusalem) nghiyu hisü velou loure. Puhye koa puh khapfü ae rheisüh ahai kou soupfüa laie.