JOSHUA 18:10 - SHEEYU BAIBEL (BSI)

¹⁰ Süthai Joshua nou Shiloh hinou puletao ye teidei taohai Mapao nghoujü nou rako zhua zhipeie.

JOSHUA 18:10 Iomraidhean Croise

1 PUOPAOKO 24:5

Eleazar vei tyaonah maitao ae Ithamar vei tyaomai nahmaitao hai raibüa rathoki hi peikhomai ae rako hilo süthai-apei mai sü bukhei-e, südonou rako dazhua vah khesü zhipeie.

NEHEMIAH 11:1

Süthai-apei maitao hai Jerusalem hinou hrüe, ae kukhe maitao hai kiphao kirou hinou kihikhamai ali hai rako zhuloua sheeyu Jerusalem nuhdu hi panou hrüe, ae kukhe maitao hai lahvei nuh teidei kukhe hinou hrütare.

LOUTAO 47:4

Etao nou hrüa buyu teidei hainasü puhnou Etaoye donou dopa khaipeie, puhnou leshiyu puhvei maitaoye panou khekai souloure donou peie.

LOUTAO 61:5

Oh Ramai, Enou ne hi apaokhai touyu khesü nenou süwe, ae neye tsükhou-a buyu maitao vei kikaa khesü nenou Eye peie.

TSÜCHITAO 18:18

Khouko bushoyu mai ahai vei chi-lou kuyu phaki, rako dazhuyu nanou züveiyu hai akhai soupeiwe.

JEREMIAH 7:12

Enou rairailai soua dopa khaitouyu Shiloh nuhdu nasü taho zhukhaio, ae avei Israel maitao nou mahmo souyu donou soupei khaitouyu vahtao sü taho zhukhaio.

EZEKIEL 47:22

haisü teisa neletao vei soulai. Neletaoye koa nou hrüzho-a buyu vakou maitao ae hai hinou tounah hrülouyu maitao vei zha hai-a neletao nou teidei dade zhipeio. Puletao-a Israel mai ali bütoua popeilai ae Israel maitao nou rako zhua teidei zhiyu hisü puletao-a panou loulai.

EZEKIEL 48:29

Ramai Mapao nou haibüa paoe, “Hai zhaibüa Israel maitao nou teidei sü khü khü nou zhiloulai, ae hai khesü puletao vei soulai.”

MIKAH 2:5

Südonou Mapao nou puhvei maitao hi teidei sü peida khaire zhousü, neletao vei zha hai aliro bulai moe.

MAIPEI PHOUYU 34:16

Mapao nou Moses hi paoe,

MATHIU 27:35

Alia puletao nou puhye kros vanou veakhaiyu thaisü, puh sahnü taosü puletao hrohinou rako avei zhua zhiloure.

JOHAN 17:2

Daiolouzü nenou puh hi peikhai touyu puletao hrülaihi puhye panou teisa ahri peiloure donou, nenou puh hisü deiphaomai hrülai pei hi khore khouko nasü peiwure.

SEI-ATAMAI VAHTAO 13:19

Alia puhnou Kainan teidei hi buyu tahrüh anaiye souhawu-a teidei sütaovei paopu panou soure donou po kaidai-a raingou pha puhnou puhmaitao hi peie.

SEI-ATAMAI VAHTAO 26:18

Nenou puletao nghithou sü souhepa peilai, alia puletaoye teizhi hinou avahi ea Saitan vei khouko hinou panou Ramai hi dakhai velai, sübüa puletao nou Eye lülouyu vanou puletao mahsü khailu peiloulai ea Ramai nou dolouyu maitao hrohinou puletao buh sü ngaoloulai.

KOLOSSEMAI 1:12

Ramai nou puhmaitaoye donou avavei vedei hinou khaida khaitouyu sü neletao zha ngaoloure donou neletaoye ngaozü doumai soupei khaitouyu Puo puh hi sasa-a kalo paokhaio.

JOSHUA 14:2

Mapao nou Moses hi kharochi peiyu thaifüa khü akü-a dahli hi rako nou zhua kaalosü zhipeie.

JOSHUA 14:5

Mapao nou Moses hi kharochi peiyu büa Israel mainou teidei haitao hai zhiloue.

JOSHUA 18:11

Benjamin khü ye donou rako zhua dei zhipayu phaki, puletao vei dei hai Judah alia Josef mai kohi loure.

JOSHUA 18:6

Neletao nou teidei sü za anai soua dadelo alia sütao hai kabüa bue touyu hai ahi poveo; alia Enou Mapao Ramai nghoujünouneletao yesü rako zhua zhipeilai.

JOSHUA 18:8

Süthaisü puletao hai tashu loua nou tare; alia Joshua nou tahou teidei zhure maitao hisü haibüa paoe, “Teidei sü taho zhulou-a haibüa nou bue touyu hai rükhai touloua, alia ahipoa khaiveo; Enou sütao hai Mapao nghoujü nou neletao ye rako zhua zhipeilai.”

JOSHUA 18:9

Süthaisü puletao nou taho teidei hai kabüa nou bue touyu sühao zhuloue alia teidei taohai za anai soua dadelouyu hai larü hi rüthouloua puletao nou Joshua nou buyu Shiloh fühao hisü poa dakhaive-e.

JOSHUA 19:51

Napao Eleazar, Nun nahpoutu Joshua alia Israel mai khü hinou tsüsoua buyu maitao nou Mapao nghoujü nou rako sü Shiloh hinou zhua zhikhai touyu teidei taosü haitaoe. Puletao nou teidei sü hainou zhi cheloue.

JOSHUA 23:4

Enou neletao ye tyahrü kukhe maivei teidei shoyu noupu Enou reih veiloua polouyu teidei, süolouzü Jordan rei hinou teinghi loulova buyu Zaidu nahi koute neletao ye peiwure.