JOSHUA 17:16 - SHEEYU BAIBEL (BSI)

¹⁶ Josef maitao nou paoe, “Deichi hi buyu nuh taohai etao donou chilehie, ana deikho hinou buyu Bethsham alia sühi buyu nuhtao alia Jezreel deikho hinou hrüa buyu Kanaan maiwo hu nou soukhai touyu rheiluki-a bue.”

JOSHUA 17:16 Iomraidhean Croise

1 VEMAITO 18:45

Teile daotuli buyu thaisü ratei veishi hai zhitei tea teihao chaoho loure, teikhei hüpare, ae teirü hai shishoa rükoure. Ahab nou rheiluki pfüloua Jezreel hi veloure.

1 VEMAITO 18:46

Mapao vei khouko nou Elijah pei hi velou peia puhnou puhvei sah nou khya vealoua Ahab jünou rai-a Jezreel hi tuveloue.

1 VEMAITO 21:1

Veo Ahab vei ki pehao hinou Jezreel puona Naboth touyu maina vei darkha kipei ali bue.

1 VEMAITO 21:23

Ae Jezebel donou Mapao nou haibüa paoe, ‘Jezebel vei thaiphao sü Jezreel nuhdu hinou sei nou toulai.’

1 VEMAITO 4:12

Ahilud nahpoutu Baana: puhnou Taanak, Megiddo alia Bethshan vei teidei teitei, Zarethan nuhdu nghiyu, Jezreel nuhdu vei khelo, Abel Meholah ae Jokmeam nuhdu koute

2 VEMAITO 9:10

Ae Jezebel vei thaiphao hai Jezreal teidei hinou sei khenou touloulai, ae mailia puhye sü daovu peilai moe.’” Süthaisü nahle-a buyu rachipaolawo nou kikhu sü houpaloua tutare.

2 VEMAITO 9:37

Puhvei vasou hai choba büa raroupoa ta-a bailai, südonou puhye sü mai linoua shiloulai moe.’ ”

JEREMIAH 49:2

Ana haibüyu teile sü velaire, süolouzü Ammon maivei Rabbah nuhbei hinou hrüa buyu maitaoye panou soureih souyu reihvo sü choulaire, ae nuhbei hai nasü soushikhai toulai ae nuh khesü meidei laiwulai. Süthaisü Israel maitao teidei nasü podakhai loulai.

JOSHUA 15:56

Jezreel, Jokdeam, Zanoah,

JOSHUA 17:11

Assakar alia Asher teidei hinou buyu Bethshan, Iblean alia süpehao hinou buyu nuhtao, Dor alia süpehao hinou buyu nuhtao, Endor, Taanak, Megiddo (asü nahai Naphath) alia sütao hi buyu nuhtao hai Manasseh mainou poloue.

JOSHUA 17:15

Joshua nou puhmaitao hi chila peie, “Neletao hai mai pouyu donou Ephraim deichi hi bulou jüe toulouzü, tapa Perizz alia Rephaim maivei vaohraotao sousheeloua bulouo.”

JOSHUA 17:17

Süthaisü Joshua nou Josef, Ephraim alia Manasseh mai hi paoe, “Neletaowo mai taoli bue, alia khoukoa veishoe; südonou neletao hai za alikhei ngaobai laimoe,

JOSHUA 17:18

ana deichi hi buyu nuhtao hai nele vei zha soulai, sühi buyu nuhtao hai vaohrao baiyuma, neletao nou süsü sousheeloua deirai akhai hi koute polo, alia Kanaan mainou rheiluki hai hunou soua pfüyuma, mokhaia khoushoa reih souvei-a bukhaiyuma, neletao nou puletaoye sü hulailou süe.”

JOSHUA 19:18

Puletao vei soua ngaolouyu teidei taohai - Jezreel, Kesuloth, Shunem,

CHIKUAPEI MAITAO 1:19

Mapao nou Judah maiye soukha peia panou puletaoye deichi hinou buyu nuhdutao sü poloue, ana deikho hinou buyu maitaoye sü hulailou more, daiolouzü puletao hisü hunou souyu rheiluki khesü buloure.

CHIKUAPEI MAITAO 4:13

puhnou puhvei rheiluki kaihkü ae reihmai hrülaiye sü kuve jüloure, alia Harosheth-hagoiim hinou Kishon rei hisü seitare.

CHIKUAPEI MAITAO 4:3

Süthaisü Israel mainou Mapao hinou kra-a soukha khoe, daiolouzü veo Jabin vei rheiluki, hunou souyu kaihkü (900) bue, ae Israel maiye po kai puhnou souvea nou khasa-a hrüe.

CHIKUAPEI MAITAO 6:33

Süthaisü Midian mai, Amalek mai, ae teinghi palova nou hrüyu tyahrü taonou ve züloua Jordan rei talapa Jezreel deikho hisü sahpao haoloua buloure.

1 SAMUEL 29:1

Philistin mainou puletao vei reihmai hrülai hai Aphek hinou save jüloure, ae Israel maitao nou Jezreel Deikho hi dzüla payu buh hinou vejüloua fühao soua buloure.