JOSHUA 14:15 - SHEEYU BAIBEL (BSI)

¹⁵ Hebron zhih hai raikio louzü Kiriath-arba touwe, Arba hai Anakim mai hrohinou dukhayu na-e. Süthaihai teidei sütao hinou reih soumoa sode.

JOSHUA 14:15 Iomraidhean Croise

SHURAI 23:2

Puhsü Kanaan teidei Kiriatharba (süolouzü Hebron) hinou thaie, alia süvanou Abraham nou kra-a dopfüe.

SHURAI 35:27

Abraham ae Isaak nou hrüyu Hebron nghiki buyu Mamre hinou Jakob nou puh puo Isaakye tave daoe.

SHURAI 37:14

Puh puo nou puh hi paoe, “Ne jürai maitao ae zhaotutao sü vei-a buhomosa taho zhukhaio alia khaive ahi kabüa bue touyu paopeio.” Südonou puhnou Hebron deikho hinou puhye sü Shekem hi seitare. Puhnou Shekem hi veloua,

1 PUOPAOKO 6:4

Eleazar vei tyaosholea maitao hai maiphao poa shosho kouyu sü haitao-e: Phinehas, Abishua

NEHEMIAH 11:25

Israel mai taoli hai lahvei ki-lu buyu nuh nghia nou bue. Judah maityatao nou Kiriath Arba, Sibon, ae Jekabzeel nuhdu, alia süpehao hinou buyu nuhtao hinou hrüe.

JOSHUA 11:23

Mapao nou Moses hi paopeiyu thaifüa Joshua nou teidei teitei hai poloure. Joshua nou teidei sütao hai Israel maikhü thaifüa zhipeie. Süthai hai puletao nou reih soumoa shore.

JOSHUA 14:14

Hebron teidei hai Kenizz mai Jephunneh nahpoutu Keleb hisü kaalo soua peiwure, daiolouzü puhnou Israel Ramai Mapao ye hrümai teitei nou peia thaifü louyu vanoue.

JOSHUA 15:13

Mapao nou Joshua hi paohpei khaituyu thaifüa puhnou Jephunneh nahpoutu Keleb hi Judah mai dei hinou daotou depeiwure, sühai Kiriath-arbah touyu Hebron hie (Arbah hai Anak puo-e).

JOSHUA 21:11

Puletao ye peiyu nuh taohai Kiriath-arba (Arba touyu nahai Anak puo-e), süsü Hebron hi bue, alia süpehao hinou buyu nuh tao noupu deichi va buyu nuhtaoa peie.

JOSHUA 21:12

Ana nuhdu sütao hi buyu ludoutao alia nuh sütao hai Jephunneh nahpoutu Keleb ye puhvei kaalo soua peie.

CHIKUAPEI MAITAO 1:20

Moses nou kharochi peiyu thaifüa Hebron sü Kaleb hi peie; alia puhnou Anak nahpoutu asü vei buh taosü hulailoue.

CHIKUAPEI MAITAO 3:11

Südonou teidei hisü po raidai kaona-a soyu ngaoloue. Süthaisü Kenaz nahpoutu Othniel hai thaitare.

CHIKUAPEI MAITAO 3:30

Süzhou teithe Israel mainou Moab mai jünou reih veiloue, alia puletao vei teidei hisü po raicha hai kaona-a soyu ngaoloue.

CHIKUAPEI MAITAO 5:31

Neye ngaobamai hrülai sü panou haibüa thaikhaiwo, Oh Mapao! Ana nevei samaitao-e panou teinghi payu büa valo! Ae teidei hisü po raidai kaona-a hrükou loue.

CHIKUAPEI MAITAO 8:28

Sübüa Israel mainou Midian mai jünou reih veiloue, alia puletaoye ngaopiyu sü hare. Puletao vei teidei hisü Gideon thaimo koute po raidai hai kaona-a soyu ngaoloue.

1 SAMUEL 30:31

ae Hebron maitao hisü seita peie. Puhnou sapeina khesü puhnou ae puhvei maitao nou tutsüa tasühaoyu nuh teidei teitei hisü seita peie.