JOSHUA 14:12 - SHEEYU BAIBEL (BSI)

¹² Südonou chuo Mapao nou paohkhai touyu thaifüa deichi hi buyu nuh taosü Eye peio; daiolouzü Anakim mainou kabüa bue touyu ne-a süwe, puletao nou nuh fühao hai veishoa soukhaitouyu, ana Mapao nou Etaoye kozo peishulai, sütoulouzü Eh nou puletaoye sü hulailou süe.”

JOSHUA 14:12 Iomraidhean Croise

2 VEMAITO 19:4

Assaria hi veo nou puhvei peikho maiye seive hriyu Ramai ye sü paoshi-a nou bure. Nevei Ramai Mapao ye sü panou puletao nou paoshi-a buyu khesü chouloua puletaoye tudee peiyu sü soupeio. Sübüa hria buyu Etao vei maitaoye donou Ramai hi veachi paokha peio.”

2 PUOPAOKO 14:11

Asa nou puhvei Ramai Mapao hi haibüa veachi paoe, “Oh Mapaowo, newo louzü lelou hoyu reihme aliye khouko bushoyu reihme aliye duloure donou soukha peilou süe. Etaoye soukha peio, Oh Etao Ramai Mapao, daiolouzü Etao nou neye louche-a baie, ae nevei zhih hinou Etao hai dushoyu reihme hainasü reih soure donou ve-a baie. Mapaowo, ne hai Etao vei Ramai-e, maiye panou ne jünou veilouyu sü soupeiso.”

LOUTAO 44:3

Nevei maitao hai puletao vei teidei sü khoche nou poa kolou moe, puletao nou soureih veilouyu hai lah puletao vei khouko vanou moe; ana nevei khoukho, ae nevei pfüchi, ae nenou kozho peia salai peiyu donou baie, daiolouzü nenou puletaoye sü leshi peie.

LOUTAO 60:12

Ramai nou Etaoye kozho peiyu thaio Etao nou kolou süe, puhnou Etaoye ngaobayu maitaoye sü soukanghi peilai.

MAIPEI PHOUYU 13:28

Ana teidei sühi hrüyu maitao hai khouko pfüshowe ae nuhdu khesü veishoa kaopo pohao khaitoue, alia dushowe. Süpei hinou teidei sühisü duso shoyu Anak maiye Etao nou ngao-e.

MAIPEI PHOUYU 13:33

ae Etao nou mai dushoyu tya, Anak vei tyaosholea maitao-a ngao-e. Puletao hi kou Etao hai khazü touli büa baie, ae puletao nou Etaoye sü sübüa ngaoloua baie.”

MAIPEI PHOUYU 21:34

Mapao nou Moses hi paoe, “Puletaoye ngaopiso, Enou neletaoye veilouyu sü peilai alia puhvei maitao ae puhvei teidei sü neletao hi peilai. Neletao nou Amor mai Veo Sihon hi Heshbon hinou soupeiyu büa puh hia soupeio.”

ROMMAI 8:31

Süthaisü, haitao teitei zhuloua, Eletao nou dai paolai? Ramai hai Eletao donoue toulouzü, thaohnou Eletaoye duloulai?

PAODAKHAIYU CHIKHA 1:28

Etao kabüa teidei sühisü taloulai? Etao nou seitayu reikeih pomaitao nou haibüa paoe, ‘Teidei sühi hrüa buyu maitao hai Etao jünou khoupu hie alia sha-a Etao jünou sho hie; puletao nou hrüa buyu nuhdutao vei bouvo sü rakiva khokhe khaitoue. Süpeinou nuh sütao hisü Anakim tyaosholea mainou hrüa buyu sü ngaoe.’

PAODAKHAIYU CHIKHA 9:1

“Keikhaio, O Israel maitaore, neletao jünou dupuyu alia khoupuyu tyahrütao, kivo sü tei khokupa khaitoua buyu veishoyu nuhdukhe talou poloure donou zhou neletao Jordan rei tachopalai.

PAODAKHAIYU CHIKHA 9:3

Ana hei mei deiyu büa neletao nghoujü nou rai-a tapeilaiyu puhai neletao Ramai Mapao-e touyu hai zhou süvuzülo. Puhnou puletao sü souhalailai; puhnou puletao sü neletao khakhe hi pothoukhai peilai. Alia Mapao nou paopeikhai touyu büa neletao nou thashoa puletaosü hulaiwulai alia southalai.

PHILIPPIMAI 4:13

Eye soukhou peiyu Khrista puh vanou Enou ha teitei soulousüe.

EBRIAMAI 11:33

Lü vanou puletao nou vedei taosü koloue, alia puletao nou acheche nasü soupfüa Ramai nou apaopei khaitouyu sü ngaoloue. Puletao nou khaosouveotao müsü khaaloue.

JOSHUA 15:14

Keleb nou sühinou Anak nahpoutu Sheshai, Ahimana alia Talmai puhtao asü ye hulailoue.

CHIKUAPEI MAITAO 1:20

Moses nou kharochi peiyu thaifüa Hebron sü Kaleb hi peie; alia puhnou Anak nahpoutu asü vei buh taosü hulailoue.

1 SAMUEL 14:6

Jonathan nou puhvei reihna pfülaiyu nahlepu hisü haibüa paoe, “Khe, ahai koa nou heebi moyu Philistin maivei fühao hisü koulai. Mapao nou ahaiye soukha peishulai, hakinou puhnou soukha peilouzü, ahai mai poumoa buyuma puhnou ahai hisü kolouyu nasü peilai.”