JOSHUA 13:31 - SHEEYU BAIBEL (BSI)

³¹ alia Gilead teidei dahli, Ashtaroth alia Edrei, Bashan hi buyu Og veo vei nuhdu teitei louwe; haitao hai Manasseh nahpoutu Makir kihikhamai dahli ye peie.

JOSHUA 13:31 Iomraidhean Croise

1 PUOPAOKO 6:71

Gershon puonah maitaoye khelo peikhai touyu nuhdutao alia süpetao hi buyu hiphao noupu peie; Teinghi palova Manasseh maitao nou Bashan hi buyu Golan nuhdu alia Ashtaroth nuhdu peie.

LOUTAO 60:7

Gilead hai avei baie, ae Manassah haina-a avei baie; Ephraim hai avei peirüe ae Judah hai avei süüpo-e.

JOSHUA 12:4

Puletao nou Rephaim mai teidei hinou akhai nasoua Bashan veo Og hi reih veiloue; puhnou Ashtaroth alia Edrei hinou mave soua bue.

JOSHUA 13:12

Haihai Ashteroth alia Edrai hinou ve-a buyu Bashan hi Og veo vei veteidei taoe (Rapha mai hrohinou puh likheiye shopeia baie), haitao hai Moses nou reih veiloua nou hulai louyu taoe.

JOSHUA 13:32

Moses nou zhipeiyu teidei haitao hai teinghi palova buyu Jeriko alia Jordan rei holo vada buyu Moab maivei deikho taoe.

JOSHUA 17:5

Südonou Jordan rei dapolova buyu Gilead alia Bashan hai Manasseh mainou za kirou ngaoloue.

JOSHUA 17:6

Daiolouzü Manasseh nah naotutao nou nahpoutu mainou ngaozüyu kaa thaifüa koa ngaoloue. Gilead teidei hai Manasseh maitao hi depeiwure.

JOSHUA 9:10

alia puhnou kabüa Jordan dapolo buyu Amor mai veo ahai hi souyu, Heshbon mai veo Sihon alia Ashtaroth hinou hrüa buyu Og mai veo Bashan hi souyu vah teitei-a Eh nou süre.

CHIKUAPEI MAITAO 10:6

Israel mainou Mapao nghoujü hinou vah ashi sü soupu takhaire, alia Sairia, Sidon, Moab, Ammon ae Philitin maivei rah Baal ae Ashtaroth ye thotare, alia puletao nou Mapao ye sü thaowure ae Puhye tho more.

CHIKUAPEI MAITAO 5:17

Gilead maitao nou Jordan rei teinghi palova nou chao-a bure, ae Dan maitao hai dzüluki hinou butare. Asher maitao hai zaidu pehao hinou butare, puletao hai zaidu pehao sahsü füsholoua buloure.

1 SAMUEL 12:10

Süthaisü puletao nou kra-a Mapao hinou soukha peio tea haibüa paoe, ‘Eh nou mah sü souwure, daiolouzü Etao nou Mapao sü thaowure, ae Baal ae Ashtaroth rah khesü tho tare; ana chuo Etaoye ngaobamai bah hinou vupa peio, ae Etao nou neye sü tho-a bailaire.’

1 SAMUEL 7:3

Samuel nou Israel maitao hisü paoe, “Neletao vei tsüle teitei nou peia Mapao hi dakhai veloua vakou maivei rahtao, ae Ashtaroth vei basharatao sü thaokhai louzü, alia neletao vei hrü hai Mapao hi peithou khaiwua puhye likhei tho bailouzü, puhnou neletaoye Philistin mai bah hinou vupa peilai.”