JOSHUA 13:25 - SHEEYU BAIBEL (BSI)

²⁵ Puletao vei teidei hai Jazar, Gilead vei nuhdu teitei, Amon mai teidei dahli, Rabbah hinou teinghi palo buyu Aroer hi koute-e,

JOSHUA 13:25 Iomraidhean Croise

2 SAMUEL 11:1

Vemai hai khonü khana teile phaki soureih soutawe, ana David louzü ki hinou bua Joab ye panou reihmaitao sa-a reih soure donou seitawure. Puletao nou Ammon mai jünou reih veloue alia Rabbah nuhdu nasü sühaoloure, ana David louzü Jerusalem hi bue.

2 SAMUEL 12:26

Haibüa buyu teile phaki-a Joab nou Ammon maivei nuhdu Rabbah pei hi eitya reih sou-a poloulai tea bue.

2 SAMUEL 24:5

Puletao nou Jordan rei tacho palou-a Aroer dei khelou hinou bulou-a maipei choshure. Gad vei teidei levai buyu deikho toutsüla hi buyu nuhdu hinou chopoa tae. Taihinou tarei poa Jazer hi khe-e,

1 PUOPAOKO 26:31

Hebron vei puonah maitao hi Jeriah nou peicho nasüe. David nou veo koulouyu po raidai kouhai puletao nou Hebron vei tyaosholea hi soureih souveiyu mai kabüa busa tea phoutayu phaki, soureih souveih shoyu mai hai Gilead vei Jazer nuh hinou bua ngaoloue.

1 PUOPAOKO 6:81

Heshbon, ae Jezer nuhdu haitao hai peie.

ISAIAH 16:8

Hebron hi buyu doutao ae Sibmah hi darkha kipei khesü soushire— daoh teile ali hio tyahrü vei peikho maitaoye panou vashoa sozhiyu vei darkhabe khesü Jezer nuhdu hi ae teinghi palo hai radeiki khete kipoa ta-e, alia teinghi loulo hai athai zai hi koute kikou-e.

ISAIAH 17:2

Sairia vei nuhdutao hai teisa panou mai hrümoa buyu buh souwulai. Buh sütao hisü zhaotu ae nghitu nou pou touyu ae dazüyu buh souwulai, halinoua puletaoye sü daichoro laimoe.

JEREMIAH 48:32

Enou Jazer maitao jünou la-a Sibmah maitaoye donou kralai. Sibmah nuhdu, ne sü darkhabe ali nou puhvei bo hai Athai Zai hi keikouyu büa ae Jazer hi koute keitayu büa bue, ana chuo nevei houki rashithoutao ae nevei darkha shithoutao sü soushiwure.

EZEKIEL 21:20

Shee ali nou Ammon maivei nuhdu, Rabbah hi tare ludu nasü ngaopeilai ae kukhe nanou Judah maivei nuhdu veisho-a reihkhaobu soukhai touyu Jerusalem hi tare ludu nasü ngaolai.

AMOS 1:14

Südonou Rabbah nuhdu vei kivo hisü Enou mei seikouh thoulai, mei sünanou puletao vei rokhubomü khesü deihawulai, reih souyu teithe sü pai shurao soulai, alia teikhai teirüshi veyu büa reih soulai.

MAIPEI PHOUYU 21:32

ae Moses nou Jazer nuhdu hi reih huloure donou veikayu ludu nasü zhuta khaio tea maiye seita-e. Israel mainou nuhdu sünasü poloure ae süpehao hinou buyu nuhdutao alia sühinou hrüyu Amor maiye sü hutawure.

MAIPEI PHOUYU 32:35

Atroth Shophan, Jazer, Jogbehah,

PAODAKHAIYU CHIKHA 2:19

Neletao nou Ammon mai deirai hi takouyuki, puletaoye souveaso, moa reih souso, daiolouzü Ammon maivei teidei ali koute-a Enou neletao hi peilai moe, daiolouzü teidei sünasü Enou Lot vei tyaonah maitao hi peiwure.’ ”

PAODAKHAIYU CHIKHA 3:11

(Rephaim mai hrohinou shodai peiyu hai Bashan hi veo Og likhei baie. Puhvei züphao hai hu nou soukhai toue, chukoute-a Ammon mai nuh Rabbah hinou ngaolou süe. Maisou nou tayu zhai hinou douyu hai züphao süna vei sah shoyu hai mitar adai-e alia zha duyu nou mitar ahai-e.)

JOSHUA 13:11

Gilead ae Geshur mai alia Maakath mai deirai, alia Hermon deichi teitei ae Bashan teitei nou loua Salakah mai vei dei hi koue;

JOSHUA 13:24

Moses nou Gad maikhüa puletao pfümounah thaifüa kaalo sü peie.

JOSHUA 13:26

alia Hesbon hinou Ramath Mizpeh alia Betonim, Mahanaim hinou Debir teidei hi koute,

JOSHUA 21:39

Heshbon alia Jazer - nuh haitao adai hai heiphao noupu peie.

CHIKUAPEI MAITAO 5:17

Gilead maitao nou Jordan rei teinghi palova nou chao-a bure, ae Dan maitao hai dzüluki hinou butare. Asher maitao hai zaidu pehao hinou butare, puletao hai zaidu pehao sahsü füsholoua buloure.