JOSHUA 13:22 - SHEEYU BAIBEL (BSI)

²² Mai kukhe maitao ye koa Israel mainou khoche nou daothayu hisü nguyuna Boer nahpoutu Balaam-a louwe.

JOSHUA 13:22 Iomraidhean Croise

MAIPEI PHOUYU 23:23

Kheikhupado moa rashi sayu maivei do ashi sünou Israel maiye halia soushi peilou hoe. Chuo maikhe mainou Israel maiye donou haibüa paolai, ‘Zhukhaio, Ramai nou puletaoye donou soupei khaitouyu vahtao!’

MAIPEI PHOUYU 24:1

Chuo louzü Balaam nou süloure, süolouzü Mapao nou Israel maiye ha peiyu hai jüpawe, südonou puhnou kabü laisa touyu hai raichoki büa zhuta more. Puhnou radeiki hilova reiloure,

MAIPEI PHOUYU 24:14

Balaam nou Balak hi paoe, “Chuo Enou avei maitao hi dakhai talaire, ana E tamo jünou haithai naki Israel maitao nou nevei maitao hi daisoulai touyu hai paopeilai.”

MAIPEI PHOUYU 31:8

Puletao nou Midian maivei veo angou: Evi, Rekem, Zur, Hur, ae Reba hai maitao-a southare. Puletao nou Beor nahpoutu Balaam-a southawure.

JOSHUA 13:23

Reuben maivei deirai hai teinghi loulo vatha kou Jordan rei hie. Reuben maiye kaalo peiyu hai puhmai pfümounah thaifüa, nuhdutao alia teidei haitao peie.

2 PITAR 2:15

Puletao hai acheche ludu nasü thaowu-a motare; zümoyu vah souyu vanou ngaolouyu poushanaye leshiyu Beor nahpoutu Balaam vei luduna thaifüa puletaosü tare,

JUD VEI SEIKO 1:11

Puletao donou daizhozhou ngaopisa! Daiolouzü puletao nou Kain nou tayu luduna thaifü loure. Pousha vanou lah puletaosü Balaam nou soumahyu mah nahi duloure alia Korah nou souyu büa puletao nou reih soubvüyu donou puletaoye sü puh kua souhare.

PONGAOPEIYU 19:20

Ana khaosou sünaye sü ea puhye koa puh nghojünou shee taoli soua laiyu madayu rachi paolapeioye niloure. Shee sütaonou khaosou sünavei paoshee buyutao ea puhvei zhu raiyu basharaye thoyutaoye lawure. Khaosou süna ea madayu rachi paolawo puhaiye sü meichuhnou dei-a buyu meizai sünahi hria polai thoure.

PONGAOPEIYU 2:14

Ana Enou nepei hi motouyu daotu bue, süolouzü neletao hrohinou kamaisü Balaam nou doupeiyu thaifüyu mai bue. Puhnou Israel maitaoye panou bashara hi posheelayu touso touloure ea khulou vah souloua mah hi louloure donou puletao nghojühi do ashi laithou peire sü Balak hi doupeie.