JOSHUA 13:2 - SHEEYU BAIBEL (BSI)

² Teidei poloumoa shokhai touyu taohai haitaoe: Philistin alia Geshur mai vei teidei teitei,

JOSHUA 13:2 Iomraidhean Croise

SHURAI 10:14

Pathrusim, Kashuhim alia Kaphtorim-e, haina hinou Philistin tyahrü hai ve-e.

SHURAI 26:1

Daoh Abraham phaohi tokaa veyu themoa zhaovua teidei sünahi sü tokaayu sü vere. Südonou Isaak nou Gerer hi buyu Philistin mai veo Abimelek hi tahoe.

2 SAMUEL 15:8

E Sairia levai buyu Geshur hi hrüyu phaki, “Ramai nenou Eye panou Jerusalem hi dakhai velouyu thaio, Hebron hinou tave neye tholai,” tea Enou chaachou soukhai toue.

2 SAMUEL 3:3

Rai-a Nabal ki veyu Karmel pfüpai Abigail nou Kileab ye napeie; Geshur hi veo Talmai nahpai Maakah nou Absalom napeie.

JOEL 3:4

“Ne ahi dai soulai tiwe, Oh Tair, ae Sidon, alia Philistia vei deizhe hi buyu maitao? Ne Eye hali peidakhailai tiwu? Ne nou ahi peire bulouzü, Enou ne vah thaifüa neye thashoa dakhai peilai.

ZEPHANIAH 2:5

Oh zai pe hinou hrüa buyu maitao, Kereth tyahrü, neletao dai vea soulaisa! Oh Philistin maitaore, Mapao nou neletao hi aetou moyu bure. Puhnou neletaoye mai ali-a shopei moa nou souhakhai bailai.

PAODAKHAIYU CHIKHA 3:14

Manasseh puona Jair nou Argob deize teitei, süsü Bashan maivei teidei teitei, alia Geshur ae Maakath maivei deirai hi koute poloure, alia dei sünasü puh zhih hinou kuloure. Südonou Bashan hai zhou koute Jair vei nuhtao tea süwe.)

JOSHUA 12:5

Puhvei vedei hai Hermon deichi, Salekah, alia Bashan teidei hinou kou Geshur alia Maakah maivei deirai hi koute-e, alia Gilead teidei dahli nou poa kouh Heshbon mai veo Sihon vei deirai hi kouhwe.

JOSHUA 13:11

Gilead ae Geshur mai alia Maakath mai deirai, alia Hermon deichi teitei ae Bashan teitei nou loua Salakah mai vei dei hi koue;

JOSHUA 13:13

Ana Israel mainou Geshur alia Maakah mai ye hulai loumore; puletao nou koa Israel maiye chukoutea sa-a hrüwe.

CHIKUAPEI MAITAO 3:1

Kanaan teidei hilou soureih soukhai toumoyu Israel maitaoye zhure donou Mapao nou shokhai touyu tyahrü khesü haitao-e,

1 SAMUEL 27:8

Teile süphaki, David ae puhvei maitao nou süpehao hi raichokinou hrüa buyu Geshur mai, Girza mai, ae Amalek maiye soureih souta-e. Puhnou Ejipt hi talouyu Shur maivei teidei hi koute hai soureih souta-e,