JOSHUA 12:7 - SHEEYU BAIBEL (BSI)

⁷ Joshua alia Israel mai nou veilouyu vemaitao alia puletao vei teidei taohai Jordan teinghi loulo vanou buyu taoe, süsü Lebanon deikho Baalgad hinou poa Seir hilo tapayu Halak deichi hi koute-e, (Joshua nou teidei sütao hai Israel mai khüye pa kaa thaoloure donou zhipeiwure).

JOSHUA 12:7 Iomraidhean Croise

SHURAI 14:6

alia deichi phi buyu Elparan hi koute hukoua Seir deichi hinou buyu Hormai, haitao teitei hai reih soua poloure.

SHURAI 32:3

Jakob nou Edom teidei, Seir hi buyu puh jürai Esau hisü raia seiko pomaiye seitare.

SHURAI 36:20

Edom teidei hi hrüve buraitao tyahrü kukua dade paloua lah kukuvei puopaoh phouveyu phaki Hormai puona Seir vei tyaonah haitao hinou hrüve-e. Seir vei tyaonah taosü Lotan, Shobal, Zibean, Anah, Dishon, Ezer ae Dishan.

SHURAI 36:8

Südonou Esau nou Edom vei deichi nuh Seir hilo taho butare.

LOUTAO 135:11

Amor maivei veo Sihon, Bashan maivei veo Og, alia Kanaan teidei hi buyu veo mai hrülai hai southa peie.

PAODAKHAIYU CHIKHA 2:1

Süthaisü dakhai poa Etao nou Mapao nou paoyu büa radeiki hilo nou tapoa Zai Ho hilovatha tare; ae teithe taoli sü Etao nou Seir deichi hilonou sühaopoa tae.

PAODAKHAIYU CHIKHA 2:4

Alia maikhe mai hi haibüa paopeio, ‘Neletao nou Edom teidei hinou hrüa buyu neletao thaihou-jürai Esau vei tyaonah maitao vei teidei sü tacho laire. Puletao hai neletaoye ngaopi-a bailai, südonou leikei-a talo.

JOSHUA 11:17

Seir hilo reia buyu Halak deichi hinou poakou Hermon deichi phihi buyu Lebanon deikho Baalgad hi koute hai poloue. Puhnou sühi vemai hrülai yesü nüloua southa khaiwure.

JOSHUA 11:23

Mapao nou Moses hi paopeiyu thaifüa Joshua nou teidei teitei hai poloure. Joshua nou teidei sütao hai Israel maikhü thaifüa zhipeie. Süthai hai puletao nou reih soumoa shore.

JOSHUA 3:17

Alia Israel mai taonou deithe hilo tacho kouyu phaki, Mapao vei Vo Sübvü poa laiyu napao maitao nou Jordan rei touchüh hinou lahpoa tahrüh teitei nou Jordan rei tacho paloumo koute bupeie.

JOSHUA 9:1

Jordan vei teinghi loulo nou buyu vemai hrülai, deichi alia deikho hinou buyu mai-a, alia Zaidu pehinou poa kouh Lebanon vei pahilo buyu Hit mai, Amor mai, Kanaan mai, Perizz mai, Hiv mai alia Jebus mai teitei nou haihai süloukhaie,