JOSHUA 12:1 - SHEEYU BAIBEL (BSI)

¹ Israel mainou reih veiloua polouyu vemai tao alia puletao teidei sü haitaoe: Jordan vei teinghi palo vanou buyu Arnon deikho hinou poa kou Hermon deichi hi koute, süsü Arabah vei teinghi palo vanou buyu teiteie.

JOSHUA 12:1 Iomraidhean Croise

1 VEMAITO 4:19

Geber, Uri nahpoutu: puhnou Gilead teidei, Amor mai hi veo Sihon alia Og, Bashan teidei hi veo nou khasa-a buyu teideitao hai khowe. Mai haitao kiahai pei hinou teidei khowo mai ali hai khaikhai toue.

LOUTAO 133:3

Hai nasü Hermon Deichi vanou zhidzü zhaokou Zion vei deichitao hi shopeiyu büe! Sünasü Mapao nou ha peilai tea apaopeikhai touyu nasüe— teisa nou pa hria bukou telai.

LOUTAO 136:21

Puhnou puletao vei teidei sü puhvei maitao hi peie; puhvei leshiyu hai akhai hae;

LOUTAO 89:12

Nenou teibe ae teizü sü soupeie, Tabor ae Hermon Deichi sünou asasho poa neye lou soushowe.

ISAIAH 16:2

Raohou phe hinou hulai khaitoua zhaokou zhaokhe-a buyu raohoutao büa Moab maitao hai shizhumoa Arnon reipe hinou takou toukhe-a bure.

MAIPEI PHOUYU 21:13

Puletao nou buh sühi sünou tapoa reilova khe Amor maivei radeiki hilova Arnon rei hinou fühao soua bue. (Arnon hai Moab mai ae Amor maivei deirai hinou bue.)

MAIPEI PHOUYU 21:21

Süthaisü Israel mainou Amor maivei veo Sihon hisü haibüa ko paota-e,

MAIPEI PHOUYU 21:24

Ana Israel mainou ngaobayu maitaoye reihbu hinou taoli hai southawure ae puletao vei teidei sü Arnon hinou Amon maivei deirai Jabbok hi khete hai poloure, ana Amon maivei deirai hi khete poloua baire, daiolouzü puletao vei teidei hai veisho-a nou kaopo pohao khailoure.

MAIPEI PHOUYU 32:19

Etao nou Jordan rei talapa polouyu füdei hisü Etao vei zha khalai moe, daiolouzü Etao vei zha hai Jordan rei hailova nou ngaoloure.”

MAIPEI PHOUYU 32:32

Etao nou Kanaan teidei hisü Mapao vei nghoujü nou soureih hai soutalai, sübüa Jordan rei teinghei palova nou buyu teidei haisü Etao vei zha soua khailoulai.”

MAIPEI PHOUYU 32:33

Südonou Moses nou Gad, Reuben ae Manasseh khü dali hisü Amor maivei veo Sihon vei teideitao ae Bashan hi veo Og vei vedeitao alia süpehao hinou buyu teideitao hai peiwure.

PAODAKHAIYU CHIKHA 2:24

“Etao nou Moab maivei teidei tachopa louyu thai, Mapao nou Etao hi paoe, ‘Chuo, Arnon Rei sü tachopa loukhaio. Enou Heshbon hi Amor mai veo Sihon ae puhvei teidei sü neletao bah hi thoupeiwure, reih soupoa kou puletao vei teidei sü polo.

PAODAKHAIYU CHIKHA 2:32

Veo Sihon nou Etaoye reih dulai tea Jahaz nuhdu pe hisü puhvei reihmai hrülaiye salou-a tapa-e,

PAODAKHAIYU CHIKHA 3:1

“Süthaisü Etao nou Bashan hilo takheyu phaki, Bashan hi Veo Og nou puhvei reihmaitao saloua Etaoye Edrei nuhdupe hinou reih soue.

PAODAKHAIYU CHIKHA 4:44

Moses nou Ramai vei chikhatao Israel mai hi paopeiyu sü haitaoe.

PAODAKHAIYU CHIKHA 4:48

Teidei haisü Arnon reipe deikho hinou buyu Aroer nuhdu hinou Sirion (süsü Harmon) deichi hi koute-e,

JOSHUA 1:15

Neletao Ramai Mapao nou peilai tea paohkhai touyu teidei nasü lou poloumo koute neletao tyahrü alia neye pa soyu peimosa puletaoye soukhalai-e. Süthainou neletao nou nemai vei dei nahisü dakhai talai alia Mapao vei kilai Moses nou neletao hi peiyu Jordan teinghi palo dei hisü neletao nou poloulai.”

JOSHUA 11:17

Seir hilo reia buyu Halak deichi hinou poakou Hermon deichi phihi buyu Lebanon deikho Baalgad hi koute hai poloue. Puhnou sühi vemai hrülai yesü nüloua southa khaiwure.

JOSHUA 11:3

Puhnou Jordan vei teinghi palo alia teinghi loulo noubuyu Kanaan mai, Amor mai, Hit mai, Perizz mai, alia deichi hilonou nuh buyu Jebus mai alia Mizpah vei Hermon deichi hilonou hrüyu Hiv mai teitei hisü ko hai paotapeie.

JOSHUA 13:8

Manasseh khü dahli ye koa Reuben alia Gad mai khü ye Mapao kilai Moses nou peiyu teidei taosü puletao nou ngaoloure, sühai Jordan teinghi palova nou bue.

JOSHUA 22:4

Chuo neletao Mapao Ramai nou paohkhai touyu thaifüa neletao yesü panou kaona-a shoyu ngaoloulai. Südonou Mapao kilai Moses nou nele hi peikhai touyu Jordan dapolova teidei hisü taho bulo.

CHIKUAPEI MAITAO 11:18

Süthaisü Israel mainou radeiki hinou tapoa Edom ae Moab maivei teidei tasühao-a Moab maivei teidei teinghi palova veloua Arnon rei alilo vathai nou sahpao haoloua bure, ana Israel mainou Moab maivei teidei hi talou moe, daiolouzü Arnon hai Moab maivei deirai-e.