JOSHUA 11:6 - SHEEYU BAIBEL (BSI)

⁶ Mapao nou Joshua hi paoe, “Puletao ye ngaopiwuso, daiolouzü dosho chupha hi, Enou Israel mai ye donou puletao yesü southa khaitou peilai. Neletao nou daisoulai toulouzü puletao vei rhei phisa zhadea bailai alia puletao vei rheiluki mei deia bailai.”

JOSHUA 11:6 Iomraidhean Croise

2 SAMUEL 8:4

David nou puhvei rhei pfüyu reihmai thelia kaihnai ae phinou tayu reihmai thekai hai nüloure alia rheiluki kaihli pfülousüyu rheitao likhei khailou-a kukhe taosü phibao soushi khaiwure.

2 VEMAITO 6:16

Elisha nou haibüa chila peie, “Ngaopiso, daiolouzü Etaoye kozho peire mai hai puletao jünou pouhie.”

2 PUOPAOKO 20:16

Dosho taho puletaoye reih soutawo; puletao nou Ziz hi tapayu ludu hinou palai, ae neletao nou Jeruel hi talouyu vaohro deikho hinou puletaoye ngaolai.

LOUTAO 46:10

Puhnou paoe, “Züvei khaisou baio, ae E hai Ramai-e touyu sülo, E hai tyahrü hrülai pei hinou ae teideiphao pei hinou dukayu nasüe.”

LOUTAO 46:11

Khoukhoulai Mapao nou Etaoye salai peie, Jakob vei Ramai hai Etao vei baibue.

LOUTAO 46:9

Puhnou deiphao veishi hi soureih souyu nasü nuchao khaire; puhnou voulou khesü souchawure, heung khesü sousha laire, ae rü khesü meidei laire.

TSÜCHITAO 20:7

Tsüle sheesha touyu ae kaozü vah souyu pou buyu nahmaitao hai daizhou koute rako veisa!

ISAIAH 30:16

Süna thaosü neletao hai ngaobamai nghoujü nou tutare donou choda-a baire. Neletao hai tavei shoyu rhei pfüloua tutalou süe tea tutalai, ana neletaoye thaihu tayu maitao vei rhei-a taveipu laihie!

ISAIAH 31:1

Ejipt mai hi taho soukha khoyu maitao sü daizhou koute vealaisa! Puletao hai Ejipt maivei reihmai alao buyu donou, ae puletao vei rhei, rheiluki ae reihmaitao vei khouko nou loucheloua baire, ana Israel maivei Mashio Ramai Mapao ye louche more, moyuma puh hisü soukha khomore.

EZEKIEL 39:9

Süthaisü Israel maivei nuhdutao hinou hrüyu maitao nou tapa thaokhai touyu basei khesü poloulai ae meideilai. Puletao nou rüh, voulou, vouloushu, heung ae süübou khesü poloua po anai koute hai meidei loulai.

HOSEA 14:3

Assaria mainou Ehye khailu peilou hoe, alia rhei pfüa reih souyu hainou Etao ye vupei louhoe. Etao nou bashara naye ‘Etao Ramai,’ teanou paopu khailai more. Daiolouzü pfüpuo ha-a veahoyu maiye zhuvea peire hai Ne likhei baie.”

NAHUM 2:13

Ha hrülai peinou buyu Mapao nou paoe, “Enou ne hi aeti moyu bue, alia ne rheiluki khesü meideiwulai, alia nevei kipeikhaodu tyoutu khesü khoche nou souha peilai; nenou toulai tea pove khaiyu khesü Enou souhalai, alia nevei kopaomai paikhosü panou choupu laimoe.”

PAODAKHAIYU CHIKHA 7:16

Neletao Ramai Mapao nou neletao bah hi thoupeiyu tyahrü hrülaiye sü souhakhai tiwuo, puletaoye zhuveaso; moyuma puletao rah khesü thoso, daiolouzü sünasü neletaoye donou shorü thoukhai touyu büa bailai.

JOSHUA 10:8

Mapao nou Joshua hi paoe, “Puletao ye ngaopi souo, daiolouzü Enou puletao hai ne bah hi peiwure; puletao nou nele ye hakilia dulou hoe.”

JOSHUA 11:5

Mave mai sütao nou puletao vei reihmai hrülai thouhrü loua Israel maiye reih soure donou Merom reitou hi ve fühao soua bure.

JOSHUA 11:7

Südonou Joshua nou puhvei reihmai teitei saloua puletao nou chokhai moa buhinou Merom reitou hisü reih huloure.

JOSHUA 11:9

Mapao nou Joshua hi paopeiyu thaifüa puhnou soue; puhnou homai vei rhei phisa sü zhadepeie, alia homai vei rheiluki sü meinou deipeie.

JOSHUA 3:5

Joshua nou süthai mai khemai hisü paoe, “Neletao lah neletaoye sousheelo; daiolouzü neletao hi dosho Mapao nou khupa shoyu vah sou ngaolai.”

CHIKUAPEI MAITAO 7:9

Süzhou khei Mapao nou Gideon hi kharochi peie, “Tashulo, alia ngaoba maivei fühao hisü reih soulou khaio, daiolouzü Enou neye panou veilouyu sü peilai.

1 SAMUEL 11:9

Jabesh hinou veyu kopomaitao hisü puletao nou haibüa paoe, “Taho neletao vei nuhmai remai hisü dosho teithe hea pamo jünou neletaoye tave vupa peilai tea paopeio.” Jabesh mainou ko sü choulou khaie, puletao hai sayu nou paoshalou hore,