JOSHUA 11:5 - SHEEYU BAIBEL (BSI)

⁵ Mave mai sütao nou puletao vei reihmai hrülai thouhrü loua Israel maiye reih soure donou Merom reitou hi ve fühao soua bure.

JOSHUA 11:5 Iomraidhean Croise

2 SAMUEL 10:15

Sairia maitao hai Israel mai hinou pah shiyu ngaore tea puletao nou Sairia maivei reihmai hrülaiye kuve jüloure.

LOUTAO 3:1

Oh Mapaowo, Eye zhuba ngaobayu mai alaosou buloure, mai alao Eye hraiyu mai soutare!

LOUTAO 48:5

Ana puletao nou tave hainaye ngaolouyu phaki, puletao hai khupare; puletao hai ngaopiloua tudakhai tare.

ISAIAH 8:9

Tyahrü khemaitao, nuh teidei kadoukou nou hrüa buyu maitao, keilo, neletao nou soureih soure donou tudalou, ana ngaopilo; reih soure donou soudalo, ana pilo.

JOSHUA 11:4

Puletao nou ko hai süloukhai, reih mai teitei yesü sa-a vere - puletao reihmai hai kazhowe toulouzü zai hi venai zhoue, alia puletao vei rhei ae rheilukia alao we.

JOSHUA 11:6

Mapao nou Joshua hi paoe, “Puletao ye ngaopiwuso, daiolouzü dosho chupha hi, Enou Israel mai ye donou puletao yesü southa khaitou peilai. Neletao nou daisoulai toulouzü puletao vei rhei phisa zhadea bailai alia puletao vei rheiluki mei deia bailai.”

JOSHUA 9:2

Puletao mai hrülai nou louhrüloa Israel mai ye reih soure donou le ali souloua ve jüloure.

PONGAOPEIYU 16:14

Sütaosü khupa vah soua laiyu rashitaovei rakotaoe. Rako asü hai taonou deiphao hi vemaitao hrülai hi Khoukhoulai Ramai vei teithe Adunaki reih süna donou puletaoye pove dzüloure tapare.