JOSHUA 11:20 - SHEEYU BAIBEL (BSI)

²⁰ Daiolouzü Mapao nou Israel maiye donou puletao lesü soukhou peiwua puletao nou Israel maiye reih souyu hinou panou souha khaiwure donou, alia puletao ye zhuvea peimore donou süsü Mapao nou Moses hi paopeiwure.

JOSHUA 11:20 Iomraidhean Croise

2 SAMUEL 17:14

Absalom alia Israel mai hrülainou “Ahithophel nou paoyu najünou Arkit puona Hushai nou paoyu na-a veipure” tea paore. Daivanou touyuo Ahithophel nou vei-a paodou peiyu hai nasü panou hamako sou-a panou Absalom pei hi hakayu sü vere donou Ramai nou soudawure.

1 VEMAITO 12:15

Mapao vei leli na thaifüa Shiloh hinou veyu rachipaolawo Ahijah nou Nebat nahpoutu Jeroboam hi paopeiyu nasü panou vepare donoue. Süvanou veo nou puhvei maikhe maiye sü leshi-a popei more.

2 PUOPAOKO 22:7

Ahaziah ye panou kaodu tare hai puhnou Joram ye veive zhuyu hisünou pa vepalai tea Ramai nou soudawure, daiolouzü puhnou sühi veyu phaki, Ahab vei kihikha maiye panou souhare donou Mapao nou theadzü napei khaitouyu Nimshi nahpoutu Jehu ye ve daore donou Jehuram ye koa tare.

2 PUOPAOKO 25:16

Rachipaolawo nanou chi paobe-a buyu hinou Amaziah nou haibüa paore, “Dukinou neye Veo maivei paodou-apeio vahbu nasü thoupeie? Raopu soubaio, molouzü Enou neye southawulai!” Rachipaolawo nou chi paopu more, ana haibüa paowe, “Ramai nou neye souhawure donou souda khaiwure, daiolouzü nenou vah ashi veishi sü soure, ae Enou paoyu achi sü pobare.”

TAPALOUYU 10:1

Süthaisü Mapao nou Moses hi paoe, “Taho Pharaoh veoye sü daokhaio, daiolouzü Enou khupayu vah khesü soungao peire donou puh ae puhvei peikho maitao le sü soukhoupu peiwure,

TAPALOUYU 11:10

Moses ae Aaron nou khupayu vah veishi hai veo nghoujü hi soungao peie, ana Mapao nou veo Pharaoh le sü soukhousho peiwua puhnou Israel maiye panou puhvei teidei hinou tabare.

TAPALOUYU 14:17

Süthaisü Enou Ejipt mai le sü soukhoupu peilai, sübüa puletaoye panou neletao thaihu koulai, ae Enou Ejipt hi veo ae puhvei reihmaitao, puhvei rheilukitao ae rheiluki pfüyu maitao jünou veilouyu avei khouko sü ngaolai.

TAPALOUYU 14:4

Enou Ejipt veo tsüle sü soukhou shopeia panou neletaoye thaihu talai, ae Enou veo ae puhvei reihmaitao hinou reih veilouyu vanou avei kathe sü panou maikhe mai-a ngaolai. Süthaisü Ejipt mainou E hai Mapao nasüe touyu süloulai.” Israel mainou paopeiyu büa souloue.

TAPALOUYU 14:8

Mapao nou Pharaoh veo le sü soukhoupu peia panou veiloua tayu Israel mai thaisü hutare.

TAPALOUYU 4:21

Mapao nou Moses hisü paopue, “Chuo ne sü Ejipt hi dakhai ve laire, südonou ne hi Enou khouko peikhai touyu khupayu teitei sü Pharaoh veo hi soungao peio, ana Enou puh le sü soukhousho peiwulai, sübüa puhnou nevei maitaoye sü panou talai moe.

TAPALOUYU 9:12

Ana Mapao nou Moses hi paoyu büa Mapao nou veo le sü soukhoupu peiwure, ae puhnou Moses ae Aaron nou paoyu chi sü noupei bare.

TAPALOUYU 9:16

Ana avei khouko hai neletaoye panou ngaolai hie alia deiphao teitei hi panou azhih sü süloure donou neletaoye panou hria bubaie.

ISAIAH 14:24

Khoukhoulai Ramai Mapao nou haibüa chaachou souwure, “Enou souda khaitouyu thaipfü haisü vepalai, alia Enou tsücho khaitouyu thaipfüa soulai.

ISAIAH 34:2

Daiolouzü Mapao nou tyahrü hrülai ae puletao vei reihmai hrülai pei hi rarou loure. Puhnou neletao mai hrülaiye sü souhakhaire donou soudawure.

ROMMAI 9:18

Südonou Ramai nou zhuveapei nüyu maitali hisü puhnou zhuvea peie, alia puhnou le soukhoupei nüyu maitali hisü puhnou le soukhou peiwe.

PAODAKHAIYU CHIKHA 2:30

“Ana Heshbon hi veo Sihon nou süsü aetou peinü more, daiolouzü Ramai Mapao nou puhle sü soukhou peiwure, daisounou touyuo Etaoye panou reih soukou puhvei teidei sü poloure donoue, teidei sünasü Etao nou chukoute hrüa bue.

PAODAKHAIYU CHIKHA 7:16

Neletao Ramai Mapao nou neletao bah hi thoupeiyu tyahrü hrülaiye sü souhakhai tiwuo, puletaoye zhuveaso; moyuma puletao rah khesü thoso, daiolouzü sünasü neletaoye donou shorü thoukhai touyu büa bailai.

CHIKUAPEI MAITAO 14:4

Haibüyu hai Mapao hinou vewe touyu puh pfüpuo nou sümoe, daiolouzü Mapao nou souyu hai Philistin maiye panou kabüa züvei loure ludu phouwe. Süpha teile hi Philistin mainou Israel maiye khasa-a hrüe.

1 SAMUEL 2:25

Mai ali nou mai ali pei hi mah souyu hai-o Ramai nou vupa peilou süe, ana mai ali nou Mapao pei hi mah soulouzü, puhye sü thaonou vupapei lousüe?” Ana puhai puo nou paoyu chi sü zübare, daiolouzü puhaiye souhare donou Mapao nou lela loure.