JOSHUA 11:16 - SHEEYU BAIBEL (BSI)

¹⁶ Südonou Joshua nou sühi buyu teidei teitei nou pokhai toulouwe - deichi hinou buyu nuhtao, Negeb hi buyu nuh teitei, Goshen vei teidei teitei, deina hinou buyu Arabah alia Jordan vei deikho teitei nou polouwe.

JOSHUA 11:16 Iomraidhean Croise

LOUTAO 105:44

Puhnou puletao hi mai kukhe maivei teidei sü peie ae puletao nou puletao vei kilu khesü poloue.

LOUTAO 78:55

Teidei sühinou hrüa buyu tyahrü kukhe maitaoye sü puhnou puhvei maitao talouyu phaki hulai peie, puhnou puletao vei teidei sü Israel maitaoye zha dadezhi peie, ae puletao vei ki khesü puletaoye panou hrüre donou peie.

EZEKIEL 17:23

Kukayu Israel maivei deichi hi pove shopeilai, Sünasü süübo lapa-a rashithou shiloulai, ae veikayu sedar süübe ali soulai. Raohou tya teitei nou sühisü ve bulai, ae sünavei khe nou baibu soua bulai.

EZEKIEL 36:8

Ana Israel maivei deichitao hisü süübe khesü sünghou lapaloulai ae rashithou hai avei Israel maitao donou shipeilai. Neletao hai thasho-a nou ki hisü dakhai veloulai.

PAODAKHAIYU CHIKHA 1:7

Neletao vei fühao khesü hraloua tapoa kou Amor maivei deichitao alia süpehao hinou buyu Jordan Deikho, reilo buyu deichitao ae deikhotao, khelo kou Mediterranean zaipetao, alia Kanaan ae Lebanon maivei teideitao, ae Euphrat rei adu hi koute taho hrütawo.

JOSHUA 10:40

Joshua nou teidei haitao teitei veiloue, deichi hinou buyu nuhtao alia teinghi loulova buyu Negeb deichi philo, deichi nyayutao, alia sütao hinou veo soua buyu mai teitei jünou veiloue; Israel maivei Ramai Mapao nou kharochi peikhai touyu thaifüa, puhnou mailiro shopei moa nou mai hrülaiye sü southa khaitouwure.

JOSHUA 10:41

Joshua nou reih veilouyu hai Kadesh-burnea hinou Gaza hi koute, alia Goshen teidei teitei nou poa Gibeon teidei hi koute-e.

JOSHUA 11:15

Mapao nou puh kilai Moses hi kharochi peie, kharochi sütao hai Moses nou Joshua hi lüpeie, alia Joshua nou sütao hai züa vahsoue. Mapao nou Moses hi souo teanou kharochi peikhai touyu taohai puhnou soukhai touwe.

JOSHUA 11:2

alia reilo deichi hinou buyu vemaitao hi, alia Arabah vei khelonou buyu Khinneroth alia teinghi loulova nou buyu Naphothdor vemaitao hisü ko hai seitae.

JOSHUA 11:21

Sükua buyu teile hinou Joshua nou taho deichiva buyu Hebron nuh tao, Debir, Anab, alia Judah deichi vanou buyu nuh teitei, alia Israel maivei deichi vanou buyu Anakim mai hrülai yesü; Joshua nou souha khaiwure.

JOSHUA 12:8

Teidei sütao hai daidaie toulouzü: deichi hinou buyu nuhtao, teinghi loulo va deichi phihinou buyu tao, Arabah, deichi phi hinou buyu nuhtao, vaohrotao, alia Negeb hi buyu Hit mai, Amor mai, alia Kanaan mai, Perizz mai, Hiv mai, ae Jebus maivei teideitaoe.

JOSHUA 9:1

Jordan vei teinghi loulo nou buyu vemai hrülai, deichi alia deikho hinou buyu mai-a, alia Zaidu pehinou poa kouh Lebanon vei pahilo buyu Hit mai, Amor mai, Kanaan mai, Perizz mai, Hiv mai alia Jebus mai teitei nou haihai süloukhaie,