JOSHUA 11:15 - SHEEYU BAIBEL (BSI)

¹⁵ Mapao nou puh kilai Moses hi kharochi peie, kharochi sütao hai Moses nou Joshua hi lüpeie, alia Joshua nou sütao hai züa vahsoue. Mapao nou Moses hi souo teanou kharochi peikhai touyu taohai puhnou soukhai touwe.

JOSHUA 11:15 Iomraidhean Croise

2 PUOPAOKO 30:12

Ramai nou kozho peia Judah hi maitao nou tsüle ali souloua veo ae peikho maitao nou kharochi peikhai touyu nasü züa vah haso khesü soupeie.

MAIPEI PHOUYU 33:50

Jeriko nghia buyu Moab maivei deikho Jordan reipe hinou Mapao nou Moses hi kharochi haitao hai Israel mai hi paopeio tea paoe, “Neletao nou Jordan tachopa Kanaan maivei teidei hi loulouyu phaki,

MAIPEI PHOUYU 33:52

teidei sühi hrüyu mai hrülai hai hulaikhai touwo. Chuh nou ae hu nou soukhai touyu bashara veishi ae puletao nou rathoyu buh teitei hai souha laikhai tou-o.

MATHIU 23:23

“Aveikho souyu razhai dou-apeimai ea Phariseemaitao, neletaoye donou daizhozhou ngaopisa! Daiolouzü neletao nou Ramai hi kainü veiyu vupoutao süolouzü, naipou, kiko ea naipyawo louzü zha kirou hinou zhali posheelae, ana neletao nou razhai hinou matsü shoyu natao süolouzü checheyu, zhuvea peiyu ea loucheyu sütaohai ngaophoukhai more. Kukhetao-a ngaophou moyu soumoa neletao nou haitaohai soulouyu phae.

LUK NOU RÜYU KO AVEIBVÜ 11:42

“Ana Phariseemaitao neletaoye donou daizhozhou ngaopisa! Daiolouzü neletao nou Ramai vei kainü veiyu vu-poutao süolouzü naipya, seisai ea vu-pou kukhe veishiwo louzü zha kirou hinou zhali posheelae, checheyu ea Ramaiye leshiyuwo louzü ngaophoumoe. Kukhetao ngaophou moyu soumoa neletao nou haitaohai soulouyu phae.

SEI-ATAMAI VAHTAO 20:20

Neletaoye donou veilousüe touyu talisü Enou halia pokukhaimoa neletao hi dua neletao kilikinou paongao peie ea doupeie touyu sü neletao nou süwe.

SEI-ATAMAI VAHTAO 20:27

Daiolouzü Enou neletao hi Ramai vei lichoyu teitei paongaoyu hisü halia pokukhaiyu hae.

PAODAKHAIYU CHIKHA 12:32

“Enou neletao hi kharochi peiyu veishi zü-a soukhai toulo; sühi thou-a thoupuso alia pha-a phaso.

PAODAKHAIYU CHIKHA 31:3

Neletao Ramai Mapao nou neletaoye sü sa-a tapeilai, alia neletao nghoujü nou buyu tyahrü khesü puhnou hulai pei-a panou neletaoye poloulai. Alia Mapao nou paoyu thaifüa Joshua nou neletao vei süthai-apeio sü soupeilai.

PAODAKHAIYU CHIKHA 31:5

Mapao nou neletaoye panou puletao jünou reih veiloulai, alia puletao hisü Enou neletao hi kharochi peikhai touyu büa soulo.

PAODAKHAIYU CHIKHA 31:7

Süthaisü Moses nou Joshuaye kuloua Israel maisou nghoujü nou haibüa paoe, “Le lachü toulo alia khuveilo; nenou mai haitao sü süthaisa-a puletao hi peilai tea puletao paipaoh maitao hi Mapao nou paopeikhai touyu teidei hisü sa-a loulai.

PAODAKHAIYU CHIKHA 4:2

Enou neletao hi paopeiyu chikhatao hisü haliro thoupuso moa poa popaso. Enou neletao hi peikhai touyu Ramai Mapao vei chikha khesü zütoulo.

PAODAKHAIYU CHIKHA 4:5

“Avei Ramai Mapao nou ahi paopeiyu chikha teitei sü Enou neletao hi doupeiwure. Chikha sütao neletao nou talou poloua hrülaiyu teidei hisü soutaosoua zülo.

PAODAKHAIYU CHIKHA 7:2

Neletao Ramai Mapao nou puletaoye neletao bah hi thoupeiyu phaki alia neletao nou puletao jünou reih veilouyu phaki, puletaoye souhakhai touwuo. Puletaoye koa nou vo soulai moe, alia puletaoye zhuveaso.

JOSHUA 1:7

Khouchilo alia khuvei sholou-a baio, leikei-a soulo Akilai Moses nou ne hi kharochi peikhai touyu chikhatao hai; nenou butaraki veyuma pahvei sü ngaoloure donou, sühinou bakha zhoulaoa mokhai-a bakha nalao reitawuso.

JOSHUA 11:12

Mapao kilai Moses nou puh hi kharochi peikhai touyu büa Joshua nuhdu sütao vei vemai teitei yesü khoche nou daotha khaiwure.

JOSHUA 11:14

Muteiyu natao alia hrikhaonatao hai Israel mainou lahye donou nuhdu sütao hinou poloue, ana sühinou hriyu hrikhaona teitei nou southa khaitouwure.

JOSHUA 11:16

Südonou Joshua nou sühi buyu teidei teitei nou pokhai toulouwe - deichi hinou buyu nuhtao, Negeb hi buyu nuh teitei, Goshen vei teidei teitei, deina hinou buyu Arabah alia Jordan vei deikho teitei nou polouwe.

1 SAMUEL 15:11

“Enou Saul ye panou veo souyu hai soumah showure, daiolouzü puhnou athaifü bare ae avei chikha khesü zübare.” Samuel hai rarou shore, ae puhnou khei mathe Mapao hinou zhuvea-a khaipeio tea veachi paoe.