JOSHUA 11:12 - SHEEYU BAIBEL (BSI)

¹² Mapao kilai Moses nou puh hi kharochi peikhai touyu büa Joshua nuhdu sütao vei vemai teitei yesü khoche nou daotha khaiwure.

JOSHUA 11:12 Iomraidhean Croise

PAODAKHAIYU CHIKHA 7:2

Neletao Ramai Mapao nou puletaoye neletao bah hi thoupeiyu phaki alia neletao nou puletao jünou reih veilouyu phaki, puletaoye souhakhai touwuo. Puletaoye koa nou vo soulai moe, alia puletaoye zhuveaso.

PAODAKHAIYU CHIKHA 9:3

Ana hei mei deiyu büa neletao nghoujü nou rai-a tapeilaiyu puhai neletao Ramai Mapao-e touyu hai zhou süvuzülo. Puhnou puletao sü souhalailai; puhnou puletao sü neletao khakhe hi pothoukhai peilai. Alia Mapao nou paopeikhai touyu büa neletao nou thashoa puletaosü hulaiwulai alia southalai.

JOSHUA 10:20

Joshua alia Israel mai nou puletaoye sü southa showure, puletao nou southa loumoa shopeiyu hai nuh khevai nou tuchü loua buyu mai chitah baie, mai poulolouzü Joshua alia Israel mainou southawure.

JOSHUA 10:28

Joshua nou süzhou teithe hinou Makkedah teidei polouwe alia puhnou sühi veo alia nuhmai hrülaiye sü southawure; mai alikheia shomoa souha khaitouwure. Puhnou Jeriko veo hi souyu zhaibüa Makkedah veo hia soupeie.

JOSHUA 10:30

Mapao nou nuh sühi buyu veo-a Israel mai bah hi peie; alia puletao nou sühi hrüa buyu mai teitei yesü khoche nou daotha khaiwure. Israel mainou Jeriko veo hi souyu bütou teanou sühi veo pei hia soupeie.

JOSHUA 10:32

Mapao nou Israel mai ye pa Lakhish jünou veilouyu peie, puletao nou teithe ahai hinou poloue, alia sühi buyu mai hrülai yesü Libnah hi soupeiyu zhaibüa khoche nou daothakhai touwure.

JOSHUA 10:35

Puletao nou süzhou teithe hinou reih veiloua poloue. Puletao nou Lakhish hi souyu büa sühi buyu nuh mai hrülai yesü khoche nou daotha khaiwure.

JOSHUA 10:37

Puletao nou nuh sünahai poloue, alia sühi buyu mai hrülai yesü, mai aliro shopei moa nou veo noupu khoche nou daotha khaiwure. Eglon mai hi souyu zhaibüa nuh sühi buyu mai teitei yenou souha khaiwure.

JOSHUA 11:13

Ana Israel mainou deichi hinou buyu nuhdu kukheo louzü mei deimoe, puletao nou mei deiyuo Hazor likhe Joshua nou deia baie.

JOSHUA 11:15

Mapao nou puh kilai Moses hi kharochi peie, kharochi sütao hai Moses nou Joshua hi lüpeie, alia Joshua nou sütao hai züa vahsoue. Mapao nou Moses hi souo teanou kharochi peikhai touyu taohai puhnou soukhai touwe.

JOSHUA 13:6

Sühai Lebanon deichi alia Misrephoth-Maim deichi kohinou hrüa buyu Sidon maivei teidei teitei nou louwe. Mapao nou paoe, “Enou teidei sütao hi hrüa buyu mai hrülai yesü hulai peilai Israel mainou takouyu phaki, teidei sütao hai Enou paohpeiyu büa Israel maiye sü zhipeio.

JOSHUA 21:44

Mapao nou puhle puopao hi chaa soukhai touyu thaifüa puhnou puletao hisü kaonayu alia asoyu nasü peie; puletao ye ngaobayu mai linoua puhle jünou veiloumoe, daiolouzü Mapao nou puletaoye ngaobayu mai hrülai hinou veilouyu hai peie.

JOSHUA 8:31

Süna hai Mapao kilai Moses nou Israel mai hi paopei khaitouyu raibüa souloue, süsü puhvei Chikha larübvü hi haibüa rüthou khaitoue, “Rathoyu ki hai chuh nou soulai, alia süna souyu phaki mai linoua hu basei polai moe;” puletao nou süna hinou Mapao ye poukai nüvei nou meidei-a ponayu vei poa sheelae.

JOSHUA 8:8

Neletao nou talou nuhdu polouyu thai, nuhdu nasü meinou deiwulai. Mapao nou paopeiyu büa neletao nou soulai; süsü Enou neletao hi kharochi peiwure.”

JOSHUA 9:24

Puletao nou Joshua hi chila peie, “Etao nou daivanou haibüa soue toulouzü, nele Ramai Mapao nou puhvei kilai Moses hi teidei haitao peilai tea paopeiwure alia teidei hai hinou hrüa buyu mai teitei ye southakhai touwulai touyu Enou süloue, südonou neletao ye ngaopiyu donou haibüa souwure.