JOSHUA 10:41 - SHEEYU BAIBEL (BSI)

⁴¹ Joshua nou reih veilouyu hai Kadesh-burnea hinou Gaza hi koute, alia Goshen teidei teitei nou poa Gibeon teidei hi koute-e.

JOSHUA 10:41 Iomraidhean Croise

SHURAI 10:19

Kanaan maivei deirai hai Sidon hinou poa Gaza nghiyu Gerar ae teinghi palo buyu Sodom, Gomorrah, Admah, Lasha nghia buyu Zeboüm koute-e.

1 VEMAITO 3:5

Süzhou khei Ramai nou puh mekou hinou taveloua puh hi noue, “Enou neye donou dai peiyu ne jüpawe?”

ZEKHARIAH 9:5

Haitao hai Ashkelon nuhdu nanou ngaoloua ngaopi sholai. Gaza nuhdu na-a haihai ngaoloua veasho-a bulai. Sübüa Ekron maitao-a puletao vei areih sü hatalai. Gaza hi vemai hatalai, alia Ashkelon hisü mai hrümoa bailai.

MAIPEI PHOUYU 13:26

Moses, Aaron alia Israel maisou hisü Paran vei vaohro hinou buyu Kadesh hisü dakhai ve puletao nou ngaoyu khesü paongao-e alia puletao nou poveyu darkhashi sü ngao-e.

MAIPEI PHOUYU 32:8

Sübütoua nou neletao vei puopaoh maitaoye Enou Kadesh Barnea hinou teidei taho zhutare donou seitayu phaki puletao nou soupeie.

MAIPEI PHOUYU 34:4

Süthaisü neletao vei deirai hai khelova shoukouloua Akrabbim hinou Zin talakou Kadesh Barnea hi koutelai. Süthaisü reilova teinghei loulo khe Hazaraddar kheloua Azmon hi koulai,

SEI-ATAMAI VAHTAO 8:26

Ana Mapao vei rakivamai alinou Philip hi paoe, “Shulouwo ea khekou takouloua Jerusalem hinou Gaza hi takouyu ludu hisü tahokhaio.” (Süsü radeikeelo ludue.)

PAODAKHAIYU CHIKHA 1:19

“Etao Ramai Mapao nou kharochi peikhai touyu thaifüa Etao nou Sinai Deichi thaokhaiwua dushoyu ae ngaopisho-a buyu radeiki hinou tachopoa Amor maivei deichiva hinou tapoa ve Kadesh Barnea hi velou louyu phaki,

PAODAKHAIYU CHIKHA 2:23

Gaza hi koute hrüa buyu Avvim maitaoye Kaphtor hinou veyu Kaphtorim mainou souhawua puletao vei teidei sü ve thaoloure.)

PAODAKHAIYU CHIKHA 9:23

Alia Mapao nou neletaoye Kadesh Barnea hinou seitayuki puhnou paoe, ‘Takou khaio alia Enou neletao hi peikhai touyu teideisü polo.’ Ana neletao sü neletao Ramai Mapao vei kharochi zübare. Neletao nou Puhye louche moe alia puh chi zü moe.

JOSHUA 10:12

Amor maiye Mapao nou Israel mai hi peiyu teithe, Joshua nou Israel maisou nghoujü nou Mapao hi haibüa paoe, “Teinghi, ne Gibeon pei hinou lükhai tousou-o, Khouh, ne-a Aijalon deikho hinou tasou-o.”

JOSHUA 10:2

Puhsü ngaopisholoure, daivanou toulouzü Gibeon maivei teidei hai veo mainou buyu nuhdu ali-e, Ai maivei nuh jünoua dupu hie, alia sühi buyu maitao hai sou-reih souvei shoyu mai khaitoue.

JOSHUA 11:16

Südonou Joshua nou sühi buyu teidei teitei nou pokhai toulouwe - deichi hinou buyu nuhtao, Negeb hi buyu nuh teitei, Goshen vei teidei teitei, deina hinou buyu Arabah alia Jordan vei deikho teitei nou polouwe.

JOSHUA 11:22

Israel mai teidei hinou Anakim mai hazhi toure; mai chitya hai Gaza, Gath alia Ashdod hinou buhie.

JOSHUA 15:51

Goshen, Holan, alia Giloh: nuhdu alia nuh taitao lou-a nou kiali-e.

CHIKUAPEI MAITAO 16:1

Teithe ali Samson nou Philistin maivei Gaza nuhdu hisü tae, alia puhnou nuhdu sühinou khakhapfü ali daoloua honapai hisü puhnou talou züe.

CHIKUAPEI MAITAO 16:21

Philistin mainou puhye nüloure alia puh nghithou sü reilapawure ae puhye Gaza nuhdu hi sapoa tare. Puhye hurai nou khiloua hukhaki hi thoukhaiwure alia sühinou puhye panou thouveiyu chuh sü pfüa veie.

1 SAMUEL 6:17

Maah pa-a souyu zhairai hinou sanake angou hai Philistin mainou souloua Mapao hi puletao nou mah soukhai touyu donou posheela soua seive peie, süsü puletao vei nuhdu angou— Ashdod, Gaza, Ashkelon, Gath ae Ekron thaosoua seive peie.