JOSHUA 10:30 - SHEEYU BAIBEL (BSI)

³⁰ Mapao nou nuh sühi buyu veo-a Israel mai bah hi peie; alia puletao nou sühi hrüa buyu mai teitei yesü khoche nou daotha khaiwure. Israel mainou Jeriko veo hi souyu bütou teanou sühi veo pei hia soupeie.

JOSHUA 10:30 Iomraidhean Croise

2 VEMAITO 10:11

Süthaisü Jehu nou Ahab vei kityarai maitao, puhvei peikho maitao, puhvei samai khamaitao ae puhvei napao maitao, Jezreel hinou hrüa buyu mai hrülai hai southakhai toure, mailia shokhai peimoe.

MAIPEI PHOUYU 32:22

ae teidei sü poloumo koute hai neletao nou soureih sü soulai. Süthaisü neletao hai lahvei füdei hisü dakhai ve-a bailai, daiolouzü neletao nou Mapao hi ae Israel mai hi soupeire vah hai soupeiwure. Süthaisü teidei hai nasü neletao zha soua poloua bailai, haisü Mapao nou aetou peilai.

PAODAKHAIYU CHIKHA 2:33

ana Etao Ramai Mapao nou puhye sü Etao bah hi thoupeiwure, südonou Etao nou puhvei nahmaitao, puhvei reihmai hrülai alia puhye sü southare.

PAODAKHAIYU CHIKHA 7:2

Neletao Ramai Mapao nou puletaoye neletao bah hi thoupeiyu phaki alia neletao nou puletao jünou reih veilouyu phaki, puletaoye souhakhai touwuo. Puletaoye koa nou vo soulai moe, alia puletaoye zhuveaso.

JOSHUA 10:28

Joshua nou süzhou teithe hinou Makkedah teidei polouwe alia puhnou sühi veo alia nuhmai hrülaiye sü southawure; mai alikheia shomoa souha khaitouwure. Puhnou Jeriko veo hi souyu zhaibüa Makkedah veo hia soupeie.

JOSHUA 10:29

Süthaihai Joshua alia Israel mainou Makkedah hinou poa Libnah hi kouloue, alia sühi reih souloure.

JOSHUA 10:31

Joshua alia Israel mainou süthai hai Libnah hinou tapoa Lakhish teidei hi veloue, alia nuh süna-a reih soua poloure.

JOSHUA 11:12

Mapao kilai Moses nou puh hi kharochi peikhai touyu büa Joshua nuhdu sütao vei vemai teitei yesü khoche nou daotha khaiwure.

JOSHUA 12:15

Libnah veo, Adullam veo;

JOSHUA 8:24

Israel mainou Ai maiye rekounou southa khaitouyu thai, puletao nou Ai nuh hisü dakhai veloua sühi buyu na veishi hai khoche nou daoshi khaiwure.

JOSHUA 8:29

Süthai puhnou Ai hi veo ye sü rainou teinghi loumo koute süübe hinou daokhai peie; alia teinghi loutayu phaki, Joshua nou “Puh pfüphao hai süübe hinou pokou nuh vei robomü hi laithou khaio alia puh phao hi chuh nou khokhaio,” teanou kharochi peie, süsü chukoutea buhie.

JOSHUA 9:3

Ana Gibeaon mai nou Joshua nou kabüa Jeriko alia Ai mai ye souhawure touyu süloukhaie,