JOSHUA 10:2 - SHEEYU BAIBEL (BSI)

² Puhsü ngaopisholoure, daivanou toulouzü Gibeon maivei teidei hai veo mainou buyu nuhdu ali-e, Ai maivei nuh jünoua dupu hie, alia sühi buyu maitao hai sou-reih souvei shoyu mai khaitoue.

JOSHUA 10:2 Iomraidhean Croise

2 SAMUEL 12:26

Haibüa buyu teile phaki-a Joab nou Ammon maivei nuhdu Rabbah pei hi eitya reih sou-a poloulai tea bue.

TSÜCHITAO 10:24

Maishi mai nou piyu nasü puh pei hi ve-a bailai, ana acheche mainou jüpa-a buyu khesü ngaoloulai.

PAODAKHAIYU CHIKHA 11:25

Maili noua neletaoye lashu dulou laimoe. Neletao Ramai Mapao nou paodaikhai touyu büa teidei hai hi neletao nou tayu buh veishi hi pa neletaoye ngaopia heilai.

PAODAKHAIYU CHIKHA 2:25

Zhou thainou Enou deiphao mai hrülaiye panou neletaoye ngaopi-a hilai. Neletao zhih choulouyu phaki, puletao nou pingulai alia neletao vanou puletao sü tsü veasholai.’

PAODAKHAIYU CHIKHA 28:10

Süthaisü neletao hai Mapao nou kuloure touyu deiphao hi buyu mai hrülai nou ngaolai.

EBRIAMAI 10:27

ana vere chikuyu sünaye ngaopishoa ea Ramaiye ngaobamai taoye souhare chihshoyu meikei sünaye khoa buyu likhei baire.

EBRIAMAI 10:31

Hriyu Ramai bah hi kaolouyu hai ngaopi pilai nasüe!

JOSHUA 2:24

Puhai nou Joshua hi paoe, “Cheche vujünou Mapao nou teidei süna hai Etaoye peiwure, alia süthemoa sühi buyu mai hrülai hai lethai tare alia etaoye ngaopi shoa bubaire.”

JOSHUA 9:24

Puletao nou Joshua hi chila peie, “Etao nou daivanou haibüa soue toulouzü, nele Ramai Mapao nou puhvei kilai Moses hi teidei haitao peilai tea paopeiwure alia teidei hai hinou hrüa buyu mai teitei ye southakhai touwulai touyu Enou süloue, südonou neletao ye ngaopiyu donou haibüa souwure.

JOSHUA 9:3

Ana Gibeaon mai nou Joshua nou kabüa Jeriko alia Ai mai ye souhawure touyu süloukhaie,

1 SAMUEL 27:5

David nou Achish hi paoe, “Nenou Eye nevei samai khamai ali-e tea polouzü, Eye nuh taitou ali peia panou sühinou hrüo. Nevei nuhdu hinou neye koa hrüzho moyuma vei-e.”