JOSHUA 10:13 - SHEEYU BAIBEL (BSI)

¹³ Puhmai taonou ngaoba maiye southakhai loumo koute, teinghia lükhai more alia Khoua tamoa chaobaie. Sühai Jashar Larübvü hi rüthou khaitoue. Teinghia lükhaimoa teipei nou chaore, alia süzhou teithe hai teinghi loumoa shore.

JOSHUA 10:13 Iomraidhean Croise

2 SAMUEL 1:18

Kouli haina hai Judah maitao hi doupeio tea paoe alia kouli haina sü Jashar touyu larübü hi rüthou khaitoue.

2 VEMAITO 20:10

Hezekiah nou chila peie, “Khungu hai pahlova phika kirou kouyu hai-a tala hie, südonou khungu nasü panou thailova dakhai takhaio.”

ESTHER 8:13

Seita khaitouyu kharochi haina sü chikha ali büa vedei hi buyu nuh teitei hisü shapao peilai, sübüa panou Jihudimai ye sü panou puletao ngaobamai hi khü phouloure donou souda loulai.

JOB VEI LARÜBVÜ 9:7

Puhnou teinghi ye panou pamoa ngilou süe, alia teivu taoye panou valai moe tea ngilou süe.

LOUTAO 148:3

Khouh teinghei, puhye paosholo; puhye paosholo, tei hinou va-a buyu vuhtao.

LOUTAO 19:4

ana puletao vei chipao hai deiphao teitei seita loua baiwe, ae deiphao kainghou adai veishi hi chouve khailou baiwe. Ramai nou ratei hinou teinghiye donou ki ali soupei khaitoue.

ISAIAH 24:23

Süthaisü khouh nou zhita bailai, ae teinghi-a vamo ta-a bailai, daiolouzü Khoukhoulai Mapao nou Jerusalem hi buyu Zion deichi vanou veo soua puhnou khosa-a hrülai, alia maikhe mainou puhvei khouko ava sü ngaolai.

ISAIAH 38:8

Ahaz veo nou soukhai touyu phiheadou hisü nou pa khungu nasü phika kirou thailo dakhai talai.” Südonou khungu sü phika kirou hai thailo dakhai ta-e.

JOEL 2:10

Puletao nghoujü nou deiphao sü ngure, ratei-a shire. Teinghei alia khouh sü zhitare, alia vu hai-a vamo tare.

JOEL 2:31

Mapao vei khupayu ae ngaopi shoyu teithe vemojü hio, teinghi sü zhitalai, alia khouh hai zhe datalai,

JOEL 3:15

Teinghi alia khouh sü zhitare, alia teivutao hai-a vamo tare.

HABAKKUK 3:11

Nevei loushu kapayu phaki ae nevei heung reiyu ngaolou-a khouh-teinghi-a lah buh hinou chao baide.

MAIPEI PHOUYU 21:14

Hai vanou “Mapao vei Soureih Larübvü” hinou haibüa paoe, “Suphah ae deikho hi buyu Waheb nuhdu; Arnon Rei,

MAIPEI PHOUYU 31:2

“Midian mainou Israel mai hi soupeiyu büa puletao hisü khüngu hai phoulo. Süthaisü ne hai thaita-a bailai.”

MATHIU 24:29

“Veahoyu teithe sütao thaibü hisü teinghi-a zhitalai, khou-a vakhai laimoe, alia teivuh tao-a ratei hinou dekoulai, alia rateihi buyu khouko teitei-a puletao vei buh hinou huta bailai.

MATHIU 5:45

sübüa neletao nou rakibu neletao Puo vei nahpoutumaitao souloulai. Daiolouzü puhnou puh teinghi sü maishimai ea maiveimai pei hi panou kheihao-a vapeiwe, alia teirü sü avei souyutao ea ashi souyutao hi seivepeiwe.

LUK NOU RÜYU KO AVEIBVÜ 18:7

Alia Ramai-a puh hinou kheihea khoa buyu puhvei dopalouyu maitaoye donou khüh phoupeilai mowu? Puhnou puletaoye soukhare hisü shoshosoua bailaiwu?

SEI-ATAMAI VAHTAO 2:20

Mapao vei dushoyu ea varuyu teithe vemo jühinou teinghi sü zhitalai ea khouh sü zhe data bailai.

JOSHUA 10:11

Israel mai nghoujü nou puletao nou tushia Beth-horon deishao hi kouhkhaie, Mapao nou Azekah teidei hi koute reithou nou pa rükouh mai alao ye deithapeie. Israel mainou puhtao ye southa jünou reithou nou kouh deithayua mai pousho hie.

JOSHUA 10:14

Mapao nou deiphao mai chi züyu hai daohdaonou chukoute haibüyu teithe ali-a ngao mohie; süzhou daisounoue toulouzü Mapao nou Israel mai ye donou reih soupeiyu donoue.

PONGAOPEIYU 21:23

Nuhdu sühi panou valoure donou teinghi-a khou-a matsü hae, daiolouzü Ramai vei khouko avanou sühisü vüpei-a bue, alia sünavei meibvüsü Zhaotu sünae.

PONGAOPEIYU 6:10

Puletao nou shusou shaloua, “Mashee ea acheche, Khoukhoulai Mapao! Deiphao hinou hrüa buyu maikhe maitao pei hi nenou chikumojü ea Akhemai zhevei khü phoumojü teile kasho doua bulaihie?”

PONGAOPEIYU 6:12

Alia Zhaotu sünanou paoshee arou chena hapayu sü Enou ngaoe. Sükisü sühisü chihshoyu nü süloure, alia teinghisü teithou soumai sah kuloure, alia khousü teiteinou hothou zhe bü baire.

PONGAOPEIYU 8:12

Süthaisü rakivamai adai chenanou puh besü houng-e. Alia teinghi, khouh ea teivuh taoye zha asü hinou zha liye sü dapeire, alia sübüyu vanou sütao vei avasü zha asü hinou zha lisü maitare; alia heako zha asü hinou zhali ea kheikou-a sübüa zha asü hinou zha lisü vakhai more.

CHIKUAPEI MAITAO 16:28

Süthaisü Samson nou Mapao hi veachi paoe, “Oh Ramai Mapao! Eye ngaipeiso, Eye zhouvu bakha alitou soukhoupu peilaio. Oh Ramai, sübüa anghithou ahai reilakhai touyu khüsü zhouvu bakha ali hinou phouloulai.”

CHIKUAPEI MAITAO 5:2

Israel maiye süthai-apei mainou sata peiyu phaki maikhe mainou asashoa nou thaifü peie Mapao ye paosholo!