JOSHUA 10:10 - SHEEYU BAIBEL (BSI)

¹⁰ Israel mai nghoujü nou Mapao nou puletaoye sü khuh peipawure, alia Israel mainou puletao ye Gibeon hinou alao southawure, alia Beth-horon ludu hinou ngoushia Azekah alia Makkedah hi koute puletao ye southa koupeie.

JOSHUA 10:10 Iomraidhean Croise

2 SAMUEL 22:15

Puhnou puhvei loushu kapa-a ngaoba maiye hupho rarouloue; Teireiyu ava seive pei-a puletaoye panou tutae.

1 VEMAITO 9:17

alia Solomon nou nuhdu sünasü soushu puloue.) Taichü poa vah souyu maitaoye sa-a Solomon nou Beth Horon Khelova nuhdu hai-a soushu dakhailoue,

2 PUOPAOKO 14:12

Mapao nou Sudan maiye sü Asa ae Judah mai nghoujü nou hraongu soupeiwure, ae puletao hai reih dulouhoa tutare.

2 PUOPAOKO 25:13

Ana Amaziah nou ki hi seidakhai tayu Israel maivei reihmaitao nou Samaria ae Beth Horom kohinou buyu Judah maivei nuhdutao hisü reih hulou mai thesü hai southawure, ae navei taoli poloua tare.

LOUTAO 18:14

Puhvei voulouthou sünou kapa puhye ngaobayu maitaoye sü soupho rarou laiwure, teipei vavayu nasü nou pa puhnou puletaoye sü tutare.

LOUTAO 44:3

Nevei maitao hai puletao vei teidei sü khoche nou poa kolou moe, puletao nou soureih veilouyu hai lah puletao vei khouko vanou moe; ana nevei khoukho, ae nevei pfüchi, ae nenou kozho peia salai peiyu donou baie, daiolouzü nenou puletaoye sü leshi peie.

LOUTAO 68:14

Khoukhoulai Ramai nou veo maitaoye Zalmon deichi hinou soupho rarou peiyu phaki, puhnou buh sühisü panou vüra sü koue.

LOUTAO 78:55

Teidei sühinou hrüa buyu tyahrü kukhe maitaoye sü puhnou puhvei maitao talouyu phaki hulai peie, puhnou puletao vei teidei sü Israel maitaoye zha dadezhi peie, ae puletao vei ki khesü puletaoye panou hrüre donou peie.

ISAIAH 28:21

Mapao nou Perazim Deichi vanou reih souyu büa soulai, ae Gibeon deikho hinou souyu büa soulai. Puhvei khupayu vah haso khesü puhnou souchekhai toulai.

ISAIAH 30:30

Mapao nou mai hrülaiye sü panou tsükhou züyu puhvei pai sü choulai, alia khouko bushoyu puhvei lekha, mei taoyu meikei, teikhai teirü ashi, ae reithou kouyu sü panou ngaolai.

JEREMIAH 34:7

süteile phaki Babilon hi veo vei reihmaitao nou Jerusalem ae Judah vei shokhai toua buyu nuhdutao, Lakhish ae Azekah hisü reih soua nou bue, daiolouzü Judah teidei hi kaopo veisho-a pokhai touyu nuhdu sü haina hai likhei bua baire.

ZEKHARIAH 14:3

Süthaisü Mapao nou tyahrütao hisü raichoki puhnou reih souyu büa reih soutalai.

PAODAKHAIYU CHIKHA 7:23

Neletao Ramai Mapao nou puletaoye sü neletao bah hi thoupeilai, ae puletaoye souhalou mosa sü puletao tsü souhakhai peilai.

JOSHUA 10:11

Israel mai nghoujü nou puletao nou tushia Beth-horon deishao hi kouhkhaie, Mapao nou Azekah teidei hi koute reithou nou pa rükouh mai alao ye deithapeie. Israel mainou puhtao ye southa jünou reithou nou kouh deithayua mai pousho hie.

JOSHUA 10:28

Joshua nou süzhou teithe hinou Makkedah teidei polouwe alia puhnou sühi veo alia nuhmai hrülaiye sü southawure; mai alikheia shomoa souha khaitouwure. Puhnou Jeriko veo hi souyu zhaibüa Makkedah veo hia soupeie.

JOSHUA 10:9

Südonou Joshua nou puh mai taoye kheinou sa-a Gilgal hinou Gibeon hi sapaloue, alia puletao nou Amor mai nou tsücho khaimoa buhinou reih souloure.

JOSHUA 11:8

Mapao nou puletaoye sü Israel mai bah hi peiwure, alia Israel mainou puletao jünou reih veiloua puletao ye southa chemokoute hupoa Sidon, Misrephothmaim, alia Mizpath vei teinghi palo deikho hi koute hupoa kouwe.

JOSHUA 12:16

Makkedah veo, Bethel veo;

JOSHUA 15:35

Jarmuth, Adullam, Sokoh, Azekah,

JOSHUA 15:41

Gederoth, Bethdagon, Naamah, alia Mekkedah: nuh sütao hai kiarou-e.

JOSHUA 16:3

Süthai teinghi loulova kouhloua Japhlet mai vei teidei hinou Beth-horon khe-e, sühinou Gezer hi kouhloua Mediterranean Zai hi nou kou khaisoue.

JOSHUA 16:5

Ephraim khü nou puletao kihikhamai thaifüa teidei haitao ngaoloue: puletao vei deiraih hai Ataroth-addar hinou Beth-horon hi khete-e,

JOSHUA 21:22

Kibzaim alia Bethhoron nuh haitao adai hai peie.

CHIKUAPEI MAITAO 4:15

Barak nou puhvei reihmai sa-a reih soukouyu phaki, Mapao nou Sisera vei rheilukitao ae reihmai hrülaiye sü khumah soupa peiwure, alia Sisera nou rheilukiphao hinou dei hi ngaokouloua phinou tutare.

CHIKUAPEI MAITAO 4:16

Barak nou rheilukitao ae reihmai hrülaiye sü Harosheth-hagoiim koute hupoa tae, ae Sisera vei reihmai hrülai sü southakhai toure; mai ali koute-a panou tupalou moa southa khai touwure.

CHIKUAPEI MAITAO 5:20

Teivu tao-a raki hinou reih soue; puletao nou sübüa talikhu Sisera ye reih soue.

1 SAMUEL 13:18

me ali nanou Beth Horon hilo, ae me ali nanou Zeboim deikho zhingao-a buyu vaohro hilo tare.

1 SAMUEL 17:1

Philistin mainou soureih soure donou Judah maivei teidei Sokoh nuhdu hinou velou jüloure, ae puletao nou Sokoh ae Azekah kohinou buyu Ephes Dammim tea kuyu buh hi fühao soua buloure.