JOSHUA 1:9 - SHEEYU BAIBEL (BSI)

⁹ Enou ne hi kharochi peiwe, “Khouchilo alia khuh veilo; ngaopiso, mokhai-a lüa kouwusou, daiolouzü nenou tayu buliki nevei Ramai Mapao nou neye koa salai peilai.”

JOSHUA 1:9 Iomraidhean Croise

SHURAI 28:15

Zhukhaio Enou neye koa salai peilai alia nenou buh tarakia tayuma Enou neye vupeilai, alia neye dei haihi sa-a dakhai ve peilai, daiolouzü Enou ne hi apaokhai touyu teitei sü souche loumosa neye thaolai moe.”

SHURAI 39:2

Mapao nou Josef ye koa salai peie, alia puhnou souyu vah teitei hisü souvi papeie. Puhsü puh paopu Ejipt puona ki hi bue.

SHURAI 39:3

Josef ye Mapao nou koa zhopeie ae puhnou soupfüyu vah veishi panou veteloue touyu puhvei paopu nou zhingaoe.

2 SAMUEL 13:28

Absalom nou puhvei kilai maitao hi haibüa kharochi peie “Keilo, Amnon nou zhaoh sozhi loure toulouzü, Enou paopeilai, Amnon ye southawo. Pikhai touso, Enou dathawo tea lüpei-a baie, piso, khuveilo.”

1 PUOPAOKO 28:20

David veo nou puh nahpoutu Solomon hi paoe, “Khuveilo ae khouchilo. Vah sü soutakhaio, hataralia neye panou daichaoso. Ngaopiso moyuma chathai taso, daiolouzü Ramai Mapao, avei Ramai nou neye sü salai peilai. Nenou puhvei Rathoki nasü souche loumo koute puhnou neye thaokhai toulai moe.

2 PUOPAOKO 15:7

Ana neletao louzü khouchilo ae chathai taso, daiolouzü neletao nou souyu vah haso khesü buu peilai.”

LOUTAO 46:7

Khoukhoulai Mapao nou Etaoye salai peie; Jakob vei Ramai hai Etao vei baibue.

ISAIAH 41:10

Ngaopiso, daiolouzü Enou neletaoye sü salai peilai, hataralia panou neletaoye soupiso, daiolouzü Esü neletao vei Ramai-e. Enou neletaoye soukhou peilai, ae soukha peilai, Enou neletaoye vupeilai alia khailupa peilai.

ISAIAH 43:1

Oh Israel maitaore, neletaoye sou-apeio Mapao nou habüa paoe, “Ngaopiso, daiolouzü Enou neletaoye sü khailupa peilai. Neletaoye sü Enou zhih sa-a kupa khaitoue, neletao hai avei maie.

ISAIAH 43:5

Ngaopiso, daiolouzü Enou neletaoye koa bupeilai! “Enou neletao vei tyaosholea khesü teinghi palova nou save peilai, ae teinghi loulova nou kuve jüpeilai.

ISAIAH 8:12

“Maikhe mainou vah ashi soulai tea sou-a buyu hisü ne louzhoso, ae puletao nou ngaopi buyu khesü ne piso.

DANIEL 10:19

Puhnou ahi paoe, “Ramai nou neye leshi shoe, südonou ne ngaopiso, kaonayu sünou ne hi bulo, khouchilo ae khuveilo.” Puhnou ahi paoyu thaisü, avei pfüchi pare alia puh hi haibüa Enou paoe, “Apaopuwo, nenou ahi paolaiyu taosü paopei khaio, daiolouzü nenou Eye soukhou peire.”

HAGGAI 2:4

Ana chuo chathaiwuso, Oh Zerubbabel; napao peichana, Jehozadak nahpoutu Joshua, ne khuveilo; teidei sühi hrüa buyu mai hrülai khuveilo, teanou Mapao nou paoe; vah soukhaio, daiolouzü Enou neletaoye salai peilai,

HAGGAI 2:5

Neletaoye Ejipt teidei hinou sapayu phaki neletao hi paohpei khaitiyu thaipfüa neletaoye salai peilai, teanou Mapao nou paoe. Avei rako nou neletaoye salaiwe, ngaopiso.

SEI-ATAMAI VAHTAO 4:19

Ana Pitar ea Johan nou puletao hi chila peie, “Ramai chi züyu jünou neletao chi züyu nanou Ramai nghojünou züho zümosa neletao lah chikukhaio;

PAODAKHAIYU CHIKHA 1:21

Zhukhaio, neletao Ramai Mapao nou teidei nasü neletao hi peiwure, neletao puopao Ramai nou apaopei khaitouyu thaifüa tapa teidei sü poloua thaolo, ngaopiso moa chathaiso.’

PAODAKHAIYU CHIKHA 20:1

“Ngaobayu maiye reih soure donou tayuki alia neletao nou rhei, rheiluki ae reihmaitao hai neletao jünou pousho-a ngaoyuki, puletaoye ngaopiso. Daiolouzü neletaoye Ejipt hinou sapa peiyu neletao Ramai Mapao nou neletaoye kozho peilai.

PAODAKHAIYU CHIKHA 31:23

Süthaisü Mapao nou Nun nahpoutu Joshua hi haibüa paoe, “Khuveilo alia le latsü toulo, daiolouzü mai haitaoye sü Enou peilai tea chaachou soukhai touyu füdei hisü nenou sa-a loulai. Enou neye koa sata peilai.”

PAODAKHAIYU CHIKHA 31:28

Nele puonah khü hinou tsümaitao alia süthai-apei maitao hrülaiye kuve jülo, Enou puletao hisü chi haitao paongao peilai, sübüa raki ae deiphao sü panou Etao kohi shaki soulai.

JOSHUA 1:10

Süthai peikho maitao hi Joshua nou kharochi peie,

JOSHUA 1:17

Etao nou Moses chi züyu büa etao nou ne chi-a zülai; Moses ye Ramai Mapao nou kozo peiyu büa ne-a kozo peilouzü chebaie.

JOSHUA 1:18

Ne chi züba-a neye mai tara linoua dulouzü mokhai-a nenou peikhai touyu kharochi zübayu maiye sü southawu bailai. Khouchilou-o alia khuvei louzü chebaie.”

JOSHUA 10:25

Süthaisü Joshua nou puhtao hisü paoe, “Ngaopiso, mokhai-a lekhaiwuso. Khouchilo alia khuveilo, daiolouzü Mapao nou neletao ngaobamai teiteiye sü haibüa nou soupeilai.”

JOSHUA 10:8

Mapao nou Joshua hi paoe, “Puletao ye ngaopi souo, daiolouzü Enou puletao hai ne bah hi peiwure; puletao nou nele ye hakilia dulou hoe.”

JOSHUA 3:7

Süthaisü Mapao nou Joshua hi paoe, “Enou Moses ye kozo peiyu büa nea kozo peilai touyu hai Israel maiye panou süloure donou, zhou teithe Enou Israel mai hrülai nghoujü nou neye poku shopeilai.

JOSHUA 6:27

Mapao nou Joshua ye sü kozo peie, süvanou puhvei zhih sü teidei teitei hi sütare.

JOSHUA 8:1

Mapao nou Joshua hi paoe, “Ngaopi souwo mokhaia lekhaiwu sou; reih souyu mai teitei ye saloua nou Ai mai nuh hisü talou khaio; Enou neletao hi Ai mai veo, puhvei nuhdu alia teidei sühi buyu teitei nou neletao bah hi peithouwure.

CHIKUAPEI MAITAO 6:14

Süthaisü Mapao nou puh hi haibüa kharochi peie, “Nevei khouko buyu teitei nou thoua Israel maiye sü Midian mai bah hinou vupapeio. Enou neye seitawe.”

1 SAMUEL 10:7

Haibüyu khesü ne hi vepare toulouzü, nenou sounüyu vah khesü soukhaio, daiolouzü Ramai nou neye kozho peilai.