JOSHUA 1:8 - SHEEYU BAIBEL (BSI)

⁸ Chikha larübvü haina hai ne mü hinou ralaimoe, ana hea-khei sühinou li-a cholai, haihi rüthou khaitouyu thaifüa talouzü nenou vapu khelai alia veiloulai.

JOSHUA 1:8 Iomraidhean Croise

SHURAI 24:63

Puhnou koukhe sü dou hilo talai tayu phaki rachotao khaiveyu zhingaoe.

2 PUOPAOKO 26:5

Puhye paodou-apeio Zekhariah hria buyu koute hai puhnou Mapao vei kuvah sü lenou sho-a soupeie, ae Mapao nou puhye shiha peie.

LOUTAO 119:11

Nevei nghingao hinou mahmo soumore donou Enou nevei chikha khesü avei tsüle hi thoukhai toue.

LOUTAO 119:15

Nenou paodou peikhai touyu khesü Enou licho-a nou bue; nenou doupei khesü soutaosoua Enou zhu-a nou bue.

LOUTAO 119:97

Nevei chikha hai Enou daizhou koute leshi-e! Enou sütao hai teile busasü licho-a bue.

LOUTAO 119:99

Eye dou-apei mai hrülai jünou E-a tsüdo veipue, daiolouzü Enou nevei paodou peiyu khesü licho-a nou bua baiwe.

LOUTAO 19:14

Avei chipao lako ae Enou tsücho-a buyu khesü nenou popeio, Oh Mapaowo, avei baibu ae Eye khailupa apeio.

LOUTAO 40:10

Enou nevei khailu-apei ko aveih nasü alekhe hinou poku khaimoe, Enou nevei chilee checheyu ae soukha peiyu khesü mai hi pao koute-a bue. Enou nevei chileeyu ae tobai soumoa leshiyu nasü maisou vejüa buyu buh hinou shapao peimoa zei tea bukhai toumoe.

TSÜCHITAO 3:1

Anahna, Enou ne hi paodou peiyu khesü ngaiwuso, sütao hai teisa nou licho-a bulo.

ISAIAH 59:21

Alia Enou neletaoye koa vo soulai: Avei khouko ae achipao khesü teisa panou neletao vei soure donou neletao hi peilai. Südonou chu nou poa neletao nou achi zülai ae neletao vei nahmai hi sükhesü doupeilai, alia vere teitei hie neletao nou achi züa neletao vei nahmai ae tyaosholea hisü achi zülo tea doupeio.”

MATHIU 12:35

Avei mainou puh lekhehi avei podzükhai touyu hinou avei natao popawe; alia ashi mainou puh lekhehi ashi podzükhai touyu hinou ashi natao popawe.

MATHIU 28:20

Enou neletao hi chikha peikhai touyu teiteisü züloure donou puletao hi doupeio; alia zhukhaio, maihrü akhai koute Enou neletaoye teisanou koa bue.”

MATHIU 7:21

“Mapao, Mapao, tea Eye kuyu mai hrülainou raki Vedei hi velou laimoe, ana rakibu Apuo leli souyu mainou velou bailai.

MATHIU 7:24

“Südonou Achipaotao chouloua züloumai talihai chuhdu vanou ki soukhai touyu tsü veiyu mai sünaye kheihaoe.

LUK NOU RÜYU KO AVEIBVÜ 11:28

Ana Jisu nou chila peie, “Süjüwo Ramai vei chipao chouloua süna zülouyutao nou rako veihie!”

JOHAN 13:17

Neletao nou haitaohai sülouzü, sütao soua buyu neletao donou rakoveie.

JOHAN 14:21

“Achikhatao polouyu ea sütao zülouyu mai sünasü Eye leshiyu nasüe. Eye leshiyu puhye Apuonou leshilai; alia E-a puhye leshilai ea E lah Eye puh hi pongaolai.”

EPHESAMAI 4:29

Neletao mü hinou chi-lashi paopawuso, anou nelenou paoyu sünanou keia buyu maitaohi avei soupei loure donou teile kao-zhou zhua soudu papei loure chi sütaonou paolouwo.

PAODAKHAIYU CHIKHA 29:8

Puletao vei teidei hai Etao nou poloue alia teidei sütao hai Reuben mai, Gad mai alia Manasseh mai dali taohi kaalo phasoua peire.

PAODAKHAIYU CHIKHA 29:9

Südonou vo haina hai soutaosoua zütou toulo, sükure toulouzü neletao nou souyu vah teitei hi kaozhou veilai.

PAODAKHAIYU CHIKHA 30:14

Sükumoe, chipao sütao hai neletao hi nghitei-a bubaie; neletaoye pa züloure donou süna hai ne mü ae ne lüthou hinou bubaie.

PAODAKHAIYU CHIKHA 31:11

neletao Ramai Mapao nou paopeiyu buh, Israel mai hrülai nou tave rathoyu hisü nou neletao nou Israel mai hrülaiye panou chouloure donou hainasü phoungaolai.

PAODAKHAIYU CHIKHA 31:24

Moses nou Ramai vei chikha khesü larübvü ali hi rüthoupei cheyu thai,

PAODAKHAIYU CHIKHA 5:1

Moses nou Israel mai hrülaiye kuve jüloua puletao hi paoe, “Oh Israel maitaore, zhou teithe Enou neletao hi paopeiyu chikhatao ae kharochitao hai doulo alia sütaosü züre donou telo.

PAODAKHAIYU CHIKHA 5:29

Puletao nou haibüa teisa bulouzü, teisa haibüa Eye tsükhou-a bulouzü, alia avei chikhatao züa bukoute louzü, hateitei sü puletaoye donou alia puletao vei tyaosholea koute hi kaozhou vei-a bukoute loulai.

PAODAKHAIYU CHIKHA 5:32

“Israel maitaore, neletao Ramai Mapao nou peikhai touyu chikhatao sü teitei nou zü loure donou leikeilo. Chikha ali koute-a zülou moyu souso.

KOLOSSEMAI 3:16

Khrista vei chipao sünaye panou neletao lekhehi nisho-a bulo. Ratsü teitei noupu neletao alinou liye doupeio ea süpeikhaio. Neletao lenou Ramai hi kalo paoyu noupu Rathoyu lou, paoshoyu lou ea sheeyu loutaosü soukhaio.

JOSHUA 1:7

Khouchilo alia khuvei sholou-a baio, leikei-a soulo Akilai Moses nou ne hi kharochi peikhai touyu chikhatao hai; nenou butaraki veyuma pahvei sü ngaoloure donou, sühinou bakha zhoulaoa mokhai-a bakha nalao reitawuso.

JOSHUA 8:34

Joshua nou süthai kharochi vei larübvü hi rüthoukhai touyu pfüphou, puhnou sühi raibüa ha tao alia chaa tao hai maisou nghoujü nou phoupeie.

PONGAOPEIYU 22:14

Puletao nou ahri süübe süna hinou rashi touloure ea romü sütao hinou nuhdu sühi talou loure donou puletao vei zaoduna soushee louyu maitaosü rakoveie.