JOSHUA 1:5 - SHEEYU BAIBEL (BSI)

⁵ Enou Moses ye zopeiyu büa, nea zopeilai; mai linoua ne hria bukisa ne nghoujü hinou lalou laimoe; Enou ne hi vetemoyu soulai moe alia neye thaowukhai toulai moe.

JOSHUA 1:5 Iomraidhean Croise

SHURAI 39:2

Mapao nou Josef ye koa salai peie, alia puhnou souyu vah teitei hisü souvi papeie. Puhsü puh paopu Ejipt puona ki hi bue.

1 VEMAITO 1:37

Mapao nou neye kozho peiyu büa Solomon hi-a kozho peiyu sü soulou theo, alia neye souduso peiyu büa puh-a panou souduso peitheo.”

1 VEMAITO 11:38

Nenou achi zütou toulouzü, ae avei chikhatao hinou hrütou louzü alia avei kilai David büa Enou kharochi peiyu veishi hai souloure toulouzü, Enou teisa neye salai peilai. Enou neye Israel maivei veo panou soulai ae nevei tounah maitao-a panou David hi Enou soupeiyu büa panou veo sü soukoute peilai.

1 VEMAITO 6:13

Nenou soushu khaitouyu Rathoki hai hinou Enou avei Israel maitaoye koa hrüzho peilai, ae Enou puletaoye sü thaokhai toupeilai moe.”

1 VEMAITO 8:57

Etao Ramai Mapao panou teisa Etaoye koa bupeiyu sü soupeio; puhye panou Etaoye thaokhaiwua tayu moa malaiyu sü soupeiso;

1 PUOPAOKO 28:20

David veo nou puh nahpoutu Solomon hi paoe, “Khuveilo ae khouchilo. Vah sü soutakhaio, hataralia neye panou daichaoso. Ngaopiso moyuma chathai taso, daiolouzü Ramai Mapao, avei Ramai nou neye sü salai peilai. Nenou puhvei Rathoki nasü souche loumo koute puhnou neye thaokhai toulai moe.

LOUTAO 46:11

Khoukhoulai Mapao nou Etaoye salai peie, Jakob vei Ramai hai Etao vei baibue.

TAPALOUYU 3:12

Ramai nou Moses hi chila peie, “Enou neye salai peilai, alia nenou Israel maiye Ejipt hinou sapa louyu phaki, deichi hai hinou tave nenou Eye tholai. Hai nasü Enou neye seitawe touyu shee ali soulai.”

ISAIAH 42:16

“Nghicha-a buyu avei maitaoye sü puletao nou sümoyu ludu hinou Enou süthaisa-a tapeilai, puletao nghoujü hinou zhitei-a buyu nasü Enou ava hi soudapa peilai, thou-tao soua buyu dei khesü Enou souchi peilai. Haitao hai Enou soupeilai, ae Enou neletaoye sü thaokhaiwu laimoe.

JEREMIAH 1:8

Puletaoye ngaopiso, daiolouzü Enou neye vupeilai. Mapao Enou haisü paowe.”

DANIEL 11:16

Sairia reihmaitao nou sounüna thaifüa puletao nou souloua bailai, daiolouzü mai ali koutea puletao nghoujü hi lalou laimoe; alia puletao nou Apaokhai touyu Teidei hisü louloulai, ae sükhe teitei hai puletao vei khakhe hinou bua bailai.

MATHIU 28:20

Enou neletao hi chikha peikhai touyu teiteisü züloure donou puletao hi doupeio; alia zhukhaio, maihrü akhai koute Enou neletaoye teisanou koa bue.”

ROMMAI 8:31

Süthaisü, haitao teitei zhuloua, Eletao nou dai paolai? Ramai hai Eletao donoue toulouzü, thaohnou Eletaoye duloulai?

ROMMAI 8:37

Moe, haitao teitei hinou Eletaowo Ehye leshi peiyu puh vanou reih koloumai jünou kouhie!

PAODAKHAIYU CHIKHA 20:1

“Ngaobayu maiye reih soure donou tayuki alia neletao nou rhei, rheiluki ae reihmaitao hai neletao jünou pousho-a ngaoyuki, puletaoye ngaopiso. Daiolouzü neletaoye Ejipt hinou sapa peiyu neletao Ramai Mapao nou neletaoye kozho peilai.

PAODAKHAIYU CHIKHA 20:4

Daiolouzü neletaoye reih kolouyu peire donou neletao vei Ramai Mapao nou neletaoye koa takou neletao vei ngaoba maiye reih züpeilai.’

PAODAKHAIYU CHIKHA 31:23

Süthaisü Mapao nou Nun nahpoutu Joshua hi haibüa paoe, “Khuveilo alia le latsü toulo, daiolouzü mai haitaoye sü Enou peilai tea chaachou soukhai touyu füdei hisü nenou sa-a loulai. Enou neye koa sata peilai.”

PAODAKHAIYU CHIKHA 4:31

Daiolouzü neletao Ramai Mapao hai zhuvea süshoyu Ramai-e, puhnou neletaoye panou thailai moe moa souha laimoe, alia puhnou neletao puopao hi chaachou soua vo thoukhai touyu nasü ngaipei laimoe.

PAODAKHAIYU CHIKHA 7:24

Puhnou vemai khesü neletao bah hi thoupeilai, sübüa neletao nou puletao zhih sü raki khenou souhawulai. Neletao nou puletaoye souhakhai loumo koute, mai taralinoua neletaoye nulou laimoe.

2 TIMOTHI 4:17

Ana Avanou chipao nasü soutaosou paodou chekhouloua tahrüh kukhe maitao hrülaiye panou chouve loure donou Mapao nou Ahinou lapei-a Eye khouko peie; alia sübüa Eye khaosouveo mü hinou vupapeie.

EBRIAMAI 13:5

Neletao hrümaisü pousha züpayu hinou dosoulo, alia neletao vei bubuyu sünanou khralou baio. Daiolouzü Ramai nou haibüa paoe, “E nehinou takhai laimoe; moa Enou neye thao khai laimoe.”

JOSHUA 1:17

Etao nou Moses chi züyu büa etao nou ne chi-a zülai; Moses ye Ramai Mapao nou kozo peiyu büa ne-a kozo peilouzü chebaie.

JOSHUA 1:9

Enou ne hi kharochi peiwe, “Khouchilo alia khuh veilo; ngaopiso, mokhai-a lüa kouwusou, daiolouzü nenou tayu buliki nevei Ramai Mapao nou neye koa salai peilai.”

JOSHUA 10:8

Mapao nou Joshua hi paoe, “Puletao ye ngaopi souo, daiolouzü Enou puletao hai ne bah hi peiwure; puletao nou nele ye hakilia dulou hoe.”

JOSHUA 21:44

Mapao nou puhle puopao hi chaa soukhai touyu thaifüa puhnou puletao hisü kaonayu alia asoyu nasü peie; puletao ye ngaobayu mai linoua puhle jünou veiloumoe, daiolouzü Mapao nou puletaoye ngaobayu mai hrülai hinou veilouyu hai peie.

JOSHUA 3:7

Süthaisü Mapao nou Joshua hi paoe, “Enou Moses ye kozo peiyu büa nea kozo peilai touyu hai Israel maiye panou süloure donou, zhou teithe Enou Israel mai hrülai nghoujü nou neye poku shopeilai.

JOSHUA 6:27

Mapao nou Joshua ye sü kozo peie, süvanou puhvei zhih sü teidei teitei hi sütare.

CHIKUAPEI MAITAO 2:18

Mapao nou puletaoye donou chikupeimai seive peiyu phaki, Mapao nou chikupeimaiye salai peiwe, ae chikupeimai nou hria bukisa sü puletaoye ngaobamai bah hinou Mapao nou vupapeiwe, daiolouzü ngaobamai nou puletaoye souvea-a tudee buyu nasü Mapao nou ngaoloua zhuvea-e.

CHIKUAPEI MAITAO 6:16

Mapao nou puh hi paoe, “Enou neye salai peilai, alia nenou Midian maiye talapa-a mai aliye dakhao louyu büa dathalou bailai.”

1 SAMUEL 10:7

Haibüyu khesü ne hi vepare toulouzü, nenou sounüyu vah khesü soukhaio, daiolouzü Ramai nou neye kozho peilai.