JOSHUA 1:2 - SHEEYU BAIBEL (BSI)

² Avei kilai Moses hai thaire, südonou chuo tashulou-o, Jordan tachopalouo, ne alia mai haitao teiteinou, Enou puletaoye peilaiyu teideisü, Israel maitao hi peilaiyu dei hisü.

JOSHUA 1:2 Iomraidhean Croise

SHURAI 17:8

Chuchu nenou vakou mai ali soua buyu dei haina alia Kanaan teidei teitei ne hi alia ne tounahtao hi teisa vei panou soure donou peilai, alia E hai puletao vei Ramai Mapao soulai.”

NEHEMIAH 9:23

Ratei hi buyu teivuh zhoua nenou puletaoye sü toudzü hai peie, ae nenou puletao vei puopaoh maitao hi peilai tea apaokhai touyu teidei nasü puletaoye panou reih veiloua teidei sühinou buloue.

JOB VEI LARÜBVÜ 1:8

“Akilai Job ye ngaoho ngaomoe?” tea Mapao nou nou-e. “Deiphao hi puh büa chi züveiyu ae mai veiyu alia hae. Puh hai soutaosou-a Eye thowe, hashi ali-a soumore donou soutaosou hrüwe.”

ISAIAH 42:1

Mapao nou paoe, “Enou jüpa-a dolouyu avei kilai nasü hainare, Enou puhye sü soukhou peikhai toue, ae avei rako sü puh hi thoupei khaitoue. Puhnou tyahrü hrülai hi kaozü nasü soupeilai.

MAIPEI PHOUYU 12:7

Ana Enou avei kilai Moses hisü tyakua nou chawe; avei Israel mai hrülaiye sü puhye panou khore donou puh bah hi Enou khouko sü thaothou peikhai toue.

PAODAKHAIYU CHIKHA 3:28

Ana Joshuaye sü paodoutou toupeio, puhle soudupu peio, daiolouzü puhnou maikhe maiye sü süthai poa talou nenou zhingaoa buyu teidei taosü poloulai.’

PAODAKHAIYU CHIKHA 31:7

Süthaisü Moses nou Joshuaye kuloua Israel maisou nghoujü nou haibüa paoe, “Le lachü toulo alia khuveilo; nenou mai haitao sü süthaisa-a puletao hi peilai tea puletao paipaoh maitao hi Mapao nou paopeikhai touyu teidei hisü sa-a loulai.

PAODAKHAIYU CHIKHA 34:5

Südonou Mapao nou paoyu thaifüa Mapao vei kilai Moses hai Moab maivei teidei hinou thaitare.

JOSHUA 1:1

Mapao kilai Moses thaiyu thai, Nun nahpoutu Joshua, Moses ye soukhana, puh hi Mapao nou paoe,

JOSHUA 1:11

Neletao nou chaoyu buh hi sünou takhai-o, alia maisou hisü haibüa kharochi peio, “Neletao touso soudalo, daiolouzü neletao Ramai Mapao nou peiyu teidei nasü talou poloure donou teithe asü levainou Jordan rei tacho palai.”