JOSHUA 1:15 - SHEEYU BAIBEL (BSI)

¹⁵ Neletao Ramai Mapao nou peilai tea paohkhai touyu teidei nasü lou poloumo koute neletao tyahrü alia neye pa soyu peimosa puletaoye soukhalai-e. Süthainou neletao nou nemai vei dei nahisü dakhai talai alia Mapao vei kilai Moses nou neletao hi peiyu Jordan teinghi palo dei hisü neletao nou poloulai.”

JOSHUA 1:15 Iomraidhean Croise

1 KORINTHMAI 12:26

Pfüphao zha alinou veaho louzü, zha kukhe teiteinou sünaye koa veahozho peiwe, zha aliye tsükhou peilouzü, zha kukhe teiteinou koa sazhowe.

1 KORINTHMAI 13:5

leshi nou zhaishi soumoe, dutounü moe, rarou hahamoe moa ashi chomoe;

GALATIAMAI 5:13

Athaihou jürai khemai, neletaoye sü mado souloure kuloure. Ana neletao vei mado nasü vasou züpa thaifüa po vah souwu moa leshi hinou neletao alinou liye kuvah souloukhaio.

GALATIAMAI 6:2

Alinou likou pfükha peikhaio, alia sübüa Khrista vei zhai nasü souve tepeio.

PAODAKHAIYU CHIKHA 3:18

“Süpha teile hi Enou puletao hisü paoe, ‘Neletao Ramai Mapao nou neletao hi teidei haina hai peikhai touyuma, neletao hi soureih soulou süyu mai hrülai nou reih basei pfüloua neletao thaihou-jürai Israel maisou jünou rai-a takoulai.

PAODAKHAIYU CHIKHA 3:20

Neletao hi Ramai Mapao nou teidei peikhai touyu büa Mapao nou neletao thaihou-jürai maitao hi peiyu Jordan rei thailova tachopa poloua füsho louyu thainou neletao hai lahvei füdei hisü dakhaive-a bailai.’

PAODAKHAIYU CHIKHA 9:1

“Keikhaio, O Israel maitaore, neletao jünou dupuyu alia khoupuyu tyahrütao, kivo sü tei khokupa khaitoua buyu veishoyu nuhdukhe talou poloure donou zhou neletao Jordan rei tachopalai.

PHILIPPIMAI 2:4

Alia lah neletao vei lenouna donou likhei baimoa kukhemaivei lenouna-a zhulo.

JOSHUA 1:1

Mapao kilai Moses thaiyu thai, Nun nahpoutu Joshua, Moses ye soukhana, puh hi Mapao nou paoe,

JOSHUA 1:14

Moses nou neletao ye peikhai touyu Jordan rei dapolo deihi neletao chapfümai, nahmaitao alia kikhaorü taohai khaiwulai; ana sou-reih soulou süyu mai hrülai nou reihna pfülou-a neletao chapfü-nahmai nghoujünou rai-a talai alia puletaoye soukhalai.

JOSHUA 1:16

Puletao nou Joshua hi chila peie, “Nenou Etao hi kharochi peiyu pfüphou Etao nou soulai, alia butaraki nenou Etaoye seitayu hisü etao nou talai.

JOSHUA 22:1

Süthaisü Joshua nou Reuben, Gad ali teinghi palo buyu Manasseh maikhü dahli taoye kujüloua,