JOSHUA 1:11 - SHEEYU BAIBEL (BSI)

¹¹ Neletao nou chaoyu buh hi sünou takhai-o, alia maisou hisü haibüa kharochi peio, “Neletao touso soudalo, daiolouzü neletao Ramai Mapao nou peiyu teidei nasü talou poloure donou teithe asü levainou Jordan rei tacho palai.”

JOSHUA 1:11 Iomraidhean Croise

2 VEMAITO 20:5

“Mapao vei maikhe maiye khopei-a buyu veo Hezekiah hisü dakhailou haibüa paopeio; ‘Nevei puopaoh David vei Ramai Mapao Enou nevei veachi sü chouloure, ae nevei ngheidzü kouyu sü Enou ngaoloure. Enou neye sü souvei peilai, ae teithe asü lüvai hinou nenou Rathoki hisü veloulai.

TAPALOUYU 19:11

Alia teithe asü zhou maikhe maiye panou tuda-a bulo, daiolouzü teithe asü zhousü Enou maisouye panou zhingaore donou Sinai deichi hi koulai.

HOSEA 6:2

Teithe ahai-sü thaisü puhnou Etaoye sou hriva peilai; teithe asü zhou puhnou Etaoye polashu peilai, sükua nou Etaoa puh nghoujü nou ve hrülai.

PAODAKHAIYU CHIKHA 11:31

Neletao Ramai Mapao nou peilaiyu teidei nasü talou poloure donou neletao sü Jordan tacho payu laire. Neletao nou teidei süna polouyuki alia sühinou hrübuki,

PAODAKHAIYU CHIKHA 3:18

“Süpha teile hi Enou puletao hisü paoe, ‘Neletao Ramai Mapao nou neletao hi teidei haina hai peikhai touyuma, neletao hi soureih soulou süyu mai hrülai nou reih basei pfüloua neletao thaihou-jürai Israel maisou jünou rai-a takoulai.

PAODAKHAIYU CHIKHA 9:1

“Keikhaio, O Israel maitaore, neletao jünou dupuyu alia khoupuyu tyahrütao, kivo sü tei khokupa khaitoua buyu veishoyu nuhdukhe talou poloure donou zhou neletao Jordan rei tachopalai.

JOSHUA 1:10

Süthai peikho maitao hi Joshua nou kharochi peie,

JOSHUA 1:2

Avei kilai Moses hai thaire, südonou chuo tashulou-o, Jordan tachopalouo, ne alia mai haitao teiteinou, Enou puletaoye peilaiyu teideisü, Israel maitao hi peilaiyu dei hisü.

JOSHUA 3:2

Teithe asü thaisü, puletaoye süthai-apei maitao nou puletao vei fühao sü tahao ve zhue,