JONAH 4:8 - SHEEYU BAIBEL (BSI)

⁸ Teinghi payu thai, Ramai nou teinghi palova nou soushoyu teikhai seive peie, alia teinai souleyu donou Jonah sü thainonore, südonou puhnou paoe, “Eye donou hriyu jüo thaiyu nou veipure.”

JONAH 4:8 Iomraidhean Croise

SHURAI 41:6

Süthaisü teikhai teiro ashinou ve soushi khaitouyu thou loumoa thoubah taoyu rouko anai-a füli hinou paopae ngaoe.

1 VEMAITO 19:4

Puhnou heamajü sü rekou nou ta-e. Puhnou süübe phi ali hi kou chobuloua thaiyu nou veipure tea haibüa veachi paoe, “Oh Mapaowo, taikhare, avei hrirai sü poloua baio; daiolouzü E-a avei puopaoh maitao jünou veipu moe!”

1 VEMAITO 21:4

Naboth nou puh hi soulou shi-e tea paoyu donou Ahab sü leva moa ae rarouloua ki hisü dakhai vere, ae puhnou kivo hilova reiloua züphao hinou dazü loure, ae hatou bare.

JOB VEI LARÜBVÜ 2:10

Job nou paoe, “Ne voyu chi paowe! Ramai nou Eh hi havei peiyu phaki sa sa-a polou, ae Eh hi veayu panou veyu phaki kabüa Ramai pei hi vamoyu chi paolai?” Taibüa Job nou haizhou koute veayuma Ramai pei hi chi-lashi ali-a paomoe.

JOB VEI LARÜBVÜ 7:15

E hai ssü hai-a hri-a bujüwo rainoua daothealou nüre.

LOUTAO 121:6

Teinghei nou neye heaki soushi peilai moe, moa khei teile hi khouh nou neye soushi laimoe.

LOUTAO 39:9

E chi lia rao moa nou zei tea bubai laire, daiolouzü Enou haibüa veahoyu teitei sü nenou soupeia baie.

KOPAODOUWO 7:9

Rarou haha souo, daiolouzü lekha hai vomai vei tsüle hinou buwe.

SOLOMON VEI LOU 1:6

Eye sou teiwe tea ngaophou moa zhutei tiso, daivanou touyuo teinghi nou Eye phuh thewure. Apfü vei nahpoututao sü apei hi rarouwe, puhtao nou Eye darkha kipei khonapai pa soue; ana lah avei kipei sü Enou kholou moe!

ISAIAH 49:10

Puletao hai hou-zü laimoe, moa radeiki hi teisouyu ae teinghi noua puletaoye sü phushi loulai moe. Daiolouzü puletaoye sü zhuvea apeio sünou süthaisa-a tapeilai, ae puletaoye sü dzüla aveih hi süthaisa-a vepeilai.

EZEKIEL 19:12

Ana rarouyu bah ali nou puhvei maa sü pailapu peiwure. Teinghi palova teikhai sünou puhvei rashithou khesü hüraikou peiwure. Puhvei süübo khesü sousha laiwure; puletao nou thaita-a poa meidei loure.

HOSEA 13:15

Israel mainou kheipaoyu büa veishoa paopa buyuma, souhshoyu teikhai ye panou teinghi palo vanou hüve puhmai vei dzühou sü southe bailai, alia puletao vei dzüla khesü theta bailai, alia muteiyu na teitei hai puletao hinou poa tawulai.

LEVIMAI LARÜBVÜ 10:3

Süthaisü Moses nou Aaron hi paoe, “Mapao nou hai vanou ahi haibüa paoe, ‘Avei kuvah souyu mai hrülai nou avei sheeyu nasü tsükhoulai, ae Enou avei maitao hisü avei kathe nasü pongao peilai.’ ” Ana Aaron nou raokhai moa bua baie.

JONAH 1:17

Süthai Mapao nou Jonah ye panou yaoloure donou khah aduli souda khai peie; Jonah hai khahpou khevai nou hea asü alia khei asü bue.

JONAH 1:4

Ana Mapao nou zai hisü teikhai teirü shishoyu seivere, südonou dzüluki sü talou shire.

JONAH 4:3

Oh Mapao, südonou chuo leshia nou avei hrümai hai popeio, daiolouzü Eye donou hriyu jünou thaiyu punou vei baire.”

JONAH 4:9

Ana Ramai nou Jonah hi paoe, “Süübe haina thaiyu vanou ne rarou züyu daie bue?” Jonah nou paoe, “Enou rarou züyu bue, thaiyu koute rarou züyu bue.”

MATHIU 20:12

‘Nakaiyu mai haitaosü teilecho alikhei vah soubaie, alia heamajü teinai dei-a vah souyu Ehye peiyu büa nenou puletaoye-a peiwe!’

PONGAOPEIYU 3:19

Enou leshimai hrülaiye sü zü-a tudee peiwe, südonou lünoutoulo, alia nemah hinou ledalo.

PONGAOPEIYU 7:16

Puletao sü hakia reizü pukhai laimoe; alia puletao pei hisü teinghinou-a moa meisou hatalinou-a chakhai laimoe.

1 SAMUEL 3:18

Südonou Samuel nou halia poku moa Eli hi paokhai toupeie. Ae Eli nou paoe, “Puh hai Mapao-e; puhye donou veikayu nasü panou soulou theo.”