10 Puletao nou vah ashi nasü thaowua leda loure touyu Ramai nou ngaoloukhaie, puletao ye souhalaiyu hinou Ramai-a leda tare alia puletao ye souha mode.
Enou Judah maitao hi veahoyu sü pove peilai tea paopei khaitouyu khesü puletao nou choulouyu phaki, puletao nou vah ashi souyu sü thaolou vei-e, sükulouzü Enou puletao vei mahmo khesü khaipeia bailai.”
Nevei sabanü nou mo-a ne lethou nou ratholo.” Ne Mapao Ramai hi dakhai velouo, daiolouzü puh hai zhuvea süyu alia leshi süyu Ramaie, puh hai shososou-a rarou baie, zhuvea sü-e alia ashi soumaiye souvea moa nou khaipeire donou phou-a bue.
Dushoa buyu Nineveh nuhdu na donou E zhuvea moa bailaiwu? Nuhdu sühie mai 120,000 jünou poue alia kikhaorü chosha louhosoua buyu hai E pa-ngaimoa bailaiwu?”
Südonou puhnou Mapao hisü veachi paoe, “Oh A Mapaowo, Enou ne hi haibüa bailai tiyu sü E nuh hi bukinou paomowu? Süvanou E Tarshish hi tutsü tamowu; Ne hai zhuvea süyu, lekha hahamoyu, leshi akhai hayu, alia ashi souyuma khaipeiyu Ramaie touyu Enou süwe.
Chikuyu teithe kisü Nineva hi maitao nou maikha hainaye koa hrishuloua puletaoye mah dukhailai; daiolouzü puletao nou Jonah nou ko paodouyu hinou le daloue, alia zhukhaio, Jonah jünou dukouyu ali haihi bue!
Südonou puhnou shuloua puhpuo hilo tavere. “Ana puhnou doushoa tabukinou puh puonou puhye sü zhingaoloure ea puh lesü leshi-zhuvea nou phouloure, alia tuho puhye sü kholoua münou muloure.